Juan 13:10 - Samarenyo Meaning-Based Bible (1984)

¹⁰ Nagsiring hi Jesus, “An human na kumarigos, malinis na an iya bug-os nga lawas, sanglit diri na kinahanglan maghugas pa ha iya ngahaw, kundi an iya mga tiil na la. Malinis na kamo kundi diri ngatanan.” (

Juan 13:10 Iomraidhean Croise

Ecclesiastes 7:20

Waray tawo ha tuna nga dayuday nagbubuhat hin matadong ngan diri gud nagsasayop.

Kanta han mga Kanta 4:7

Hin kamahusay nimo, akon hinigugma, hin kahingpit gud nimo!

Jeremias 50:20

Kon umabot na ito nga panahon, waray na sala nga hiaagian didto ha Israel ngan waray na pagkamaraot didto ha Juda, kay pasasayloon ko ito nga mga tawo kanay mga kinabuhi akon na gintalwas. Ako nga Ginoo an nagyakan.”

Levitico 16:26

An tawo nga nagpalayaw han kanding ngadto han kamingawan, ngadto kan Azazel kinahanglan magbunak han iya mga panapton ngan kumarigos san-o hiya bumalik ngadto han kampo.

Levitico 16:28

An tawo nga magtubod han baka ug kanding kinahanglan magbunak han iya mga panapton ngan kumarigos ha diri pa hiya mabalik ngadto han kampo.

Mateo 6:12

Pasayloa kami han amon mga sala sugad han pagpasaylo namon han mga nakasala ha amon.

Juan 13:18

“Diri ako naghihimangraw mahitungod ha iyo ngatanan; nakilala ako han akon mga ginpili. Kundi kinahanglan matuman an kasuratan nga nasiring, ‘Kinmontra ha akon an tawo nga sinmaro ha akon.’

Juan 13:9

Nagbaton hi Simon Pedro, “Kon amo man ini, Ginoo, diri la an akon mga tiil, kundi ilakip liwat hin paghugas an akon mga kamot ngan ulo!”

Juan 15:3

Nalinisan na kamo pinaagi han mensahe nga akon iginhimangraw ha iyo.

2 Mga Taga-Corinto 5:17

Adton nakikig-usa na kan Cristo nahihimo nga bag-o nga tawo; waray na an daan, liniwanan na hin bag-o.

2 Mga Taga-Corinto 5:21

Waray gud sala hi Cristo, kundi tungod ha aton, ginpaangbit hiya han Dyos han aton sala, basi nga ha aton pakigkausa ha iya, makaangbit man kita han pagkamatadong han Dyos.

2 Mga Taga-Corinto 7:1

Hinigugma ko nga kasangkayan, ginhimo para ha aton ini ngatanan nga mga saad! Sanglit paglinis kita ha aton kalugaringon tikang han ngatanan nga nakakahugaw han lawas o han kalag, ngan hingpita an pagbaraan, aton pagkabaraan pinaagi hin pag-ukoy dida hin mahadlokon nga pagtahod han Dyos.

1 Mga Taga-Tesalonica 5:23

An Dyos nga nahatag ha aton hin kamurayaw, magsantos unta ha iyo ngan bantayan an iyo bug-os nga pagkatawo—an iyo espiritu, kalag, ug lawas, nga mawaray dum-it ngada han pag-abot han aton Ginoo Jesu-Cristo.

Hebreo 9:10

Kay mahitungod man la ini hin karaonon, irimnon, ngan iba pa nga seremonyas hin paglinis han lawas. Mga turumanon ini ngatanan nga maupay la tubtob han takna nga pagbabag-ohon han Dyos an ngatanan nga mga butang.

Santiago 3:2

Agsob makasayop kita ngatanan. Hingpit an tawo nga diri nagsasayop han iya ginyayakan, ngan maaram liwat magpugong han iya kalugaringon.