Juan 12:8 - Samarenyo Meaning-Based Bible (1984)

⁸ Dayuday kaupod niyo an mga kablas, kundi diri ako dayuday kaupod niyo.”

Juan 12:8 Iomraidhean Croise

Kanta han mga Kanta 5:6

Binuksan ko an porta para han akon higugmaon, kundi waray na hiya dida. Ungara ko gud hin pamati han iya tingog! Ginbiling ko hiya, kundi waray ko na hiagii; gintawag ko hiya, kundi waray na hiya bumaton.

Mateo 26:11

Dayuday kaupod niyo an mga kablas, kundi diri ako dayuday kaupod niyo.

Marcos 14:7

Dayuday, magigin kaupod niyo an mga kablas, ngan makakabulig kamo ha ira bisan san-o nga karuyag niyo hin pagbulig. Kundi diri dayuday ako magigin kaupod niyo.

Juan 12:35

Nagbaton hi Jesus, “Halipotay na la nga panahon an pag-upod ha iyo han kapawa. Pagpadayon ha iyo dalan samtang aada pa ha iyo an kapawa, basi diri kamo abotan han kasisidman; kay an naglalakat ha kasisidman diri maaram kon tipakain hiya.

Juan 13:33

Mga anak ko, gutiay na la nga panahon an akon pakig-urosa ha iyo. Mamimiling kamo ha akon; kundi susumatan ko kamo yana han akon iginsiring ngadto han mga Judiyo, ‘Diri kamo makakadto han akon kakadtoan.’

Juan 8:21

Nagsiring liwat hi Jesus ha ira, “Malakat ako, ngan pagbibilngon ako niyo, kundi magkakamatay kamo dida han iyo mga sala. Diri kamo makakakadto han akon kakadtoan.”

Deuteronomio 15:11

Dayuday magkakamay-ada mga Israelita nga kablas ngan makalolooy, sanglit nagsusugo ako ha iyo nga magmahinatagon kamo ha ira.