Juan 12:5 - Samarenyo Meaning-Based Bible (1984)

⁵ “Kay ano nga waray lugod ibaligya ini nga pahamot hin sais syintos pesos ngan ihatag an kwarta ha mga kablas?”

Juan 12:5 Iomraidhean Croise

Esdras 4:14

Yana, tungod nga may kabaralsan man kami han Imo Kaharangdon diri namon karuyag nga mahinabo ini, sanglit nagsasagdon kami

Exodo 5:17

Binmaton an hadi, “Mga hubya kamo ngan diri kamo karuyag magtrabaho, sanglit naghahangyo kamo ha akon nga tugotan kamo hin pagkadto ngan paghalad hin mga halad nga tinubod ngadto han Ginoo.

Exodo 5:8

Kundi papaghimoa hira hin amo la gihapon kadamo nga mga baldosa kay han una ngan ayaw gud niyo pagpaibani. Kulang hira hin trabaho, sanglit naghihinangyo hira nga tugotan hira hin paglakat ngan paghalad hin mga halad nga tinubod ngadto han ira Dyos!

Amos 8:5

Nasiring kamo ha iyo la ngahaw, “Makuri na kami makahulat nga maliwas na an baraan nga mga adlaw basi makagbaligya kami han amon mga pagkaon. San-o pa katatapos an Adlaw nga Iparahuway basi makagbaligya na liwat kami? Niyan amon pahihitas-on an pagbaligya, magamit kami hin diri husto nga mga taraksan, ngan linastihan nga mga timbangan ha paglimbong han amon mga pumaralit.

Mateo 18:28

“Ginmawas an tawo ngan iginkita hin iya igkasi surugoon nga nakautang hin pira la ka pesos ha iya. Ginrabot hiya, ginkaptan ha liog, ngan ginsiring, ‘Baydi ako han imo nautang!’

Mateo 20:2

Nakigsabot hiya pagbayad ha ira han nahiaaraan nga suhol nga usa ka salapi an usa ka adlaw, ngan ginsugo hira ngadto han iya urubasan.

Lucas 12:33

Ibaligya an ngatanan niyo nga mga garamiton, ngan ihatag an kwarta ha mga kablas. Pag-arog kamo para ha iyo ngahaw hin mga supot nga diri nadudumog, ngan tiroka an iyo mga manggad didto ha langit, diin diri gud ini maiibanan, kay waray kawatan nga makakakuha hini nga manggad ngan waray tangkob nga makakakutkot ha ira.

Lucas 18:22

Han pakabati ni Jesus hini, nagsiring hi Jesus ha iya, “Kinahanglan buhaton mo in usa pa nga butang. Ibaligya an ngatanan mo nga hiagi, ngan ihatag an kwarta ha mga kablas, ngan makakaangkon ka hin mga manggad ha langit; katapos, balik ngan sunod ha akon.”

Lucas 6:41

“Kay ano nga asay mo kinikita an poling ha mata han imo bugto, kundi diri ka nanginginano han nabalabag ha imo kalugaringon nga mata?

Juan 12:4

Nagsiring an usa han mga tinun-an ni Jesus, hi Judas Iscariote—an maglilingo ha iya,

Juan 12:6

Ginsiring ini niya diri tungod nga napaid hiya han mga kablas, kundi tungod nga kawatan hiya. Hiya an tinaporan han supot han kwarta ngan naara hiya hin pagpasipara hin pagkuha hin kwarta.

Juan 13:29

Tungod nga hi Judas man an tinaporan han supot han kwarta, nakahunahuna an iba nga mga tinun-an nga ginsugo hiya ni Jesus hin pagpalit han ira kinahanglanon para han pyesta, o bangin ginsugo hiya paghatag ngadto han mga kablas.

Juan 6:7

Binmaton hi Felipe, “Bisan talagudti la an ipanhatag ha kada usa, magkikinahanglan gud ini ngatanan hin kapin hin kanan P400.00 nga tinapay.”