Juan 11:3 - Samarenyo Meaning-Based Bible (1984)

³ Nagpatugon ini nga magbugto nga kababayen-an ngadto kan Jesus nga sidngon hiya, “Ginoo, masakit an imo suok nga sangkay.”

Juan 11:3 Iomraidhean Croise

Genesis 22:2

Nagsiring an Dyos, “Dad-a an imo anak nga lalake, an imo uusa la nga anak nga hi Isaac, nga imo gud hinihigugma, ngan pakadto han tuna han Moria. Didto hin usa nga bukid nga igpapakita ko ha imo, ighalad hiya ha akon sugad nga usa nga halad nga tinubod.”

Mga Salmo 16:3

Pagkamaupay gud han matinumanon nga mga katawhan han Ginoo naton! An pakigkaupod ha ira hin dayon, gidadakoi gud nga kalipay nakon.

Lucas 7:13

Han pakakita ha iya han Ginoo, inalpan an Ginoo hin kalooy ha iya, ngan nagsiring an Ginoo ha iya, “Ayaw pagtangis.”

Juan 11:1

May usa nga tawo nga hi Lazaro an ngaran. Nag-ukoy hiya ha Betania upod an iya kabugtoan nga kababayen-an, hira Maria ug Marta. (

Juan 11:11

Ginsiring ini ni Jesus ngan sinumpayan pa niya pagsiring, “Nakaturog hi Lazaro nga aton sangkay, kundi makadto ako hin pagpukaw ha iya.”

Juan 11:2

Amo ini nga Maria an nagbubo hin pahamot ha mga tiil han Ginoo ngan ginpahiran han iya buhok. Nasakit hi Lazaro nga iya bugto.)

Juan 11:21

Nagsiring hi Marta kan Jesus, “Ginoo, diri unta napatay an akon bugto kon nakanhi ka pa!

Juan 11:36

Sanglit nagsiring an mga Judiyo, “Kitaa, pagkadako han iya paghigugma kan Lazaro!”

Juan 11:5

Hinigugma ni Jesus hira Marta, Maria, ug Lazaro.

Juan 13:13

Natawag kamo ha akon nga magturutdo ngan Ginoo, ngan may kamatuoran, kay amo gud ito ako.

Juan 13:23

Nalingkod sapit ni Jesus an hinigugma niya nga tinun-an.

2 Timoteo 4:20

Nagpabilin ha Corinto hi Erasto, ngan iginbilin ko ha Mileto hi Trofimo, kay nasakit hiya.

Ginpadayag 3:19

Ginbubusaan ngan ginkakastigo ko adton akon hinihigugma. Pagmatadong ngan bayai an imo mga sala.