Juan 10:9 - Samarenyo Meaning-Based Bible (1984)

⁹ Amo ako an porta. Matatalwas an bisan hin-o nga masulod pinaaagi ha akon, masulod-guwa hiya ngan makakaagi hin panibsiban.

Juan 10:9 Iomraidhean Croise

Mga Salmo 95:7

Kay amo man ada hiya an Dyos naton, kita katawhan, gin-ataman nga panon. Pamati hiya nagyayakan yana:

Isaias 40:11

Pagmamangnoan niya an iya panon sugad hin magmarangno han mga karnero; pagtitirokon niya an nati nga mga karnero, ngan iya hira kukugoson; ngan iya aagakon adton anakan nga mga karnero.

Ezequiel 36:38

Mapupuno hin mga tawo an mga syudad nga mga ruba yana sugad nga puno an Jerusalem hadto hin mga karnero nga iginhalad nga mga halad nga tinubod dida hin usa nga pyesta. Niyan makilala hira nga ako amo an Ginoo.”

Zacarias 10:12

Pakukusgon ko an akon mga tawo; pagsisingbahon ngan pagsusugton ako nira.” An Ginoo an nagyakan.

Juan 10:1

“Susumatan ta kamo hin tinuod: kawatan ngan tikasan an tawo nga diri naagi ha porta hin pagsulod han turil, kundi nagsasaka hin iba nga agian.

Juan 10:3

Pinaaagi hiya han magbarantay han portahan; namamati an mga karnero han iya tingog kon gintatawag niya hira hin ira tagsatagsa nga ngaran, ngan pinagagawas niya hira han turil.

Juan 10:7

Sanglit nagsiring liwat hi Jesus, “Susumatan ta kamo hin tinuod: amo ako an porta para han mga karnero.

Juan 14:6

Nagbaton ha iya hi Jesus, “Amo ako an dalan, an kamatuoran, ngan an kinabuhi; waray makakadto han Amay kon diri pinaagi ha akon.”

Mga Taga-Efeso 2:18

Pinaagi kan Cristo kita ngatanan, an mga Judiyo ngan mga Hentil, makakadangop na kita, dida hin usa la nga Espiritu, ha atubangan han Amay.