Juan 10:7 - Samarenyo Meaning-Based Bible (1984)

⁷ Sanglit nagsiring liwat hi Jesus, “Susumatan ta kamo hin tinuod: amo ako an porta para han mga karnero.

Juan 10:7 Iomraidhean Croise

Mga Salmo 100:3

Ayaw gud kalimot nga Dyos an Ginoo! Amo hiya adton ha aton naghimo. Hiya an tag-iya ha aton nga tawo, katawhan kita niya, iya karnero.

Mga Salmo 79:13

Ngan kami nga imo mga tawo, an kakarnerohan han imo panon, magpapasalamat ha imo hin kadayonan, ngan magdadayaw ha imo ha ngatanan nga panahon nga tiarabot.

Mga Salmo 95:7

Kay amo man ada hiya an Dyos naton, kita katawhan, gin-ataman nga panon. Pamati hiya nagyayakan yana:

Isaias 53:6

Sugad kita ngatanan hin mga karnero nga nagkawawara, an kada usa ha aton napakadto han iya kalugaringon nga aragian. Kundi kinarawat han Ginoo an kastigo, an kastigo nga angay ha aton ngatanan.

Ezequiel 34:31

“Kamo nga akon mga karnero, nga akon pinakakaon nga panon, amo an akon mga tawo, ngan ako amo an iyo Dyos,” nasiring an Ginoo nga Dyos.

Ezequiel 36:38

Mapupuno hin mga tawo an mga syudad nga mga ruba yana sugad nga puno an Jerusalem hadto hin mga karnero nga iginhalad nga mga halad nga tinubod dida hin usa nga pyesta. Niyan makilala hira nga ako amo an Ginoo.”

Juan 10:1

“Susumatan ta kamo hin tinuod: kawatan ngan tikasan an tawo nga diri naagi ha porta hin pagsulod han turil, kundi nagsasaka hin iba nga agian.

Juan 10:9

Amo ako an porta. Matatalwas an bisan hin-o nga masulod pinaaagi ha akon, masulod-guwa hiya ngan makakaagi hin panibsiban.

Juan 14:6

Nagbaton ha iya hi Jesus, “Amo ako an dalan, an kamatuoran, ngan an kinabuhi; waray makakadto han Amay kon diri pinaagi ha akon.”

Mga Taga-Efeso 2:18

Pinaagi kan Cristo kita ngatanan, an mga Judiyo ngan mga Hentil, makakadangop na kita, dida hin usa la nga Espiritu, ha atubangan han Amay.