Juan 10:6 - Samarenyo Meaning-Based Bible (1984)

⁶ Iginsumat ni Jesus ha ira ini nga pananglitan, kundi waray hira makasabot han karuyag sidngon han pananglitan.

Juan 10:6 Iomraidhean Croise

Mga Salmo 106:7

Mga ginikanan namon ha Ehipto, waray makasabot han ginbuhat nimo. Mga urosahon nalimot na hira, han mga ginpakita nga gugma niya; han Makagarahum sinmupil pa hira, didto han dagat nga gintabukan nira.

Mga Salmo 82:5

“Katapang niyo, kulang hin sarabotan, hin kamagraot niyo nga katawhan; waray na ha iyo an katadongan, nawara na dinhe hinin kalibutan.

Mga Darahonon 28:5

An mga magraot diri maaram han katadongan, kundi adton mga nagsisingba han Ginoo nakakasabot hini hin maupay.

Isaias 56:11

Sugad hira hin lamot nga kaayaman nga diri gud nabubusog. Waray gud sarabotan ini nga mga pangulo. Nagpapabuot la han iya karuyag an tagsa ha ira, ngan nangingita han iya la kalugaringon nga kaupayan.

Daniel 12:10

Paglilinisan in damo nga mga tawo. Diri makakasabot adton mga magraot, ngan magpapadayon hira hin pagkamaraot; adton mga makinaadmananon la an makakasabot.

Mateo 13:34

Ginmamit hi Jesus hin mga pananglitan pagsumat hini ngatanan nga mga butang ha mga tawo; waray hiya maghimangraw hin bisan ano ha ira nga diri pinaagi hin pananglitan.

Mateo 13:51

“Nakasabot ba kamo hini nga mga butang?” nagpakiana hi Jesus ha ira. “Oo,” nagbaton hira.

Marcos 4:34

Waray gud hiya magyakan ha ira kon diri pinaagi hin mga pananglitan; kundi kon an iya mga tinun-an la an iya kahimangraw, iya iginsasaysay an ngatanan ha ira.

Juan 16:25

“Iginsumat ko ha iyo ini nga mga butang pinaagi hin mga pananglitan. Kundi maabot in panahon nga diri na ako magamit hin mga pananglitan, kundi magyayakan ako ha iyo hin yano nga mga pulong mahitungod han Amay.

Juan 16:29

Ngan nagsiring an iya mga tinun-an, “Kitaa, dayag na kaupay an imo pagyakan, ngan diri ka na nagamit hin mga pananglitan.

Juan 6:52

Amo ini an nakatikang hin mapaso nga lantugi han mga Judiyo. Nagpakiana hira, “Uunanhon hini nga tawo pakahatag ha aton han iya unod basi kaonon ta?”

Juan 6:60

Nakabati hini in damo han iya mga tinun-an ngan nagsiring, “Makuri hin duro matugkad ini nga pagturon-an. Hin-o in makakasantop hini?”

Juan 7:36

Ano ba an karuyag niya sidngon han iya pagsiring, ‘Mamimiling kamo ha akon, kundi diri kamo makakaagi ha akon?’ ngan ‘Diri kamo makakakadto han akon kakadtoan?’”

Juan 8:27

Waray hira sabot nga naghihimangraw hiya ha ira mahitungod han Amay.

Juan 8:43

Kay ano nga diri kamo nasabot han akon iginyayakan? Tungod kay diri kamo nailob hin pamati han akon mga mensahe.

1 Mga Taga-Corinto 2:14

Kundi adton tawo nga waray makaangkon han Espiritu, diri makakakarawat han mga hatag nga tikang han Espiritu han Dyos. In sugad nga tawo diri nakakasabot hini; kalurongan la ini para ha iya, kay an sukol han kapulsanan hini nga butang amo la an espirituhanon nga paagi.

2 Pedro 2:22

An nahinabo ha ira nagsusumat nga matuod an darahunon, “Nabalik hin paglaklak an ayam han iya iginsuka,” ngan, “Nabalik an naparigosan na nga baboy hin paglunay ha kalagyan.”

1 Juan 5:20

Maaram kita nga kinmanhi na an Anak han Dyos ngan naghatag ha aton hin sarabotan basi kumilala kita han matuod nga Dyos. Nag-uokoy na kita dida hin paghiusa han matuod nga Dyos, dida hin paghiusa han iya Anak nga hi Jesu-Cristo. Amo hiya an matuod nga Dyos, ngan amo ini an kinabuhi nga waray kataposan.