Juan 10:4 - Samarenyo Meaning-Based Bible (1984)

⁴ Paghihigawas na nira, nag-uuna hiya ha ira, ngan nasunod an mga karnero ha iya kay nakilala han iya tingog.

Juan 10:4 Iomraidhean Croise

Kanta han mga Kanta 2:8

Nabati ako han tingog han akon higugmaon. Naabot hiya nga nagdadalagan ha kabukiran, ngan ha kapungtoran ngadi ha akon.

Kanta han mga Kanta 5:2

Samtang nakaturog ako, waray hunong hin pagputok han akon kasingkasing. Nag-inop ako nga nagtuktok ha porta an akon higugmaon. Pasudla ako, akon minahal, akon higugmaon, akon sarapati. Mahulos na hin tun-og inin akon ulo, ngan humog na hin yamog an akon buhok.

Mateo 16:24

Ngan nagsiring hi Jesus ha iya mga tinun-an, “Kon may-ada karuyag umupod ha akon, kinahanglan nagsalikway hiya han iya kalugaringon, magpas-an han iya kros, ngan magsunod ha akon.

Juan 10:16

May-ada iba nakon nga mga karnero nga diri sakop hini nga panon. Kinahanglan sakopon ko liwat hira; mamamati hira han akon tingog, ngan mauusa na la hira nga panon ha ubos hin usa nga magmarangno.

Juan 10:27

Namamati han akon tingog an akon mga karnero; nakilala ako ha ira, ngan nasunod hira ha akon;

Juan 10:3

Pinaaagi hiya han magbarantay han portahan; namamati an mga karnero han iya tingog kon gintatawag niya hira hin ira tagsatagsa nga ngaran, ngan pinagagawas niya hira han turil.

Juan 10:5

Diri hira masunod hin iba; lugod makalagiw hira, kay diri nira kinikilala an iya tingog.”

Juan 10:8

Mga kawatan ngan mga tikasan an ngatanan nga kinmanhi una ha akon; kundi waray mamati ha ira an mga karnero.

Juan 12:26

Kinahanglan magsunod ha akon an karuyag magsirbe ha akon, basi kon hain ako, aadto man an akon surugoon. Pagpapasidunggan han akon Amay an magsirbe ha akon.”

Juan 13:15

Gintagan ko kamo hin susbaranan, basi sugaron niyo hin pagbuhat han ginbuhat ko ha iyo.

Juan 18:37

Sanglit nagpakiana ha iya hi Pilato, “Kon sugad, hadi ka ngay-an?” Nagbaton hi Jesus, “Ikaw an nasiring nga hadi ako. Tungod hini, natawo ngan kinmanhi ako ha kalibutan, basi magpamatuod han kamatuoran. Namamati ha akon an bisan hin-o nga aada han kamatuoran.”

Juan 3:29

Kanan karaslon nga lalake an karaslon nga babaye; nahulat ngan nanmamati an sangkay han karaslon nga lalake, ngan nalilipay hiya kon nabati han tingog han karaslon nga lalake. Sugad hini an pagkahingpit han akon kalipayan.

1 Mga Taga-Corinto 11:1

Sanglit pagsubad kamo ha akon, sugad gud han akon pagsubad kan Cristo.

Mga Taga-Efeso 5:1

Kay mga hinigugma man kamo nga mga anak han Dyos, kinahanglan magtinguha kamo hin pagsubad ha iya.

Deuteronomio 1:30

Mag-uuna ha iyo an Ginoo nga iyo Dyos, ngan hiya an makikig-away para ha iyo, sugad han iyo hinkit-an nga iya ginbuhat didto ha Ehipto

Hebreo 12:2

Tutok kita kan Jesus nga amo an sinasarigan han aton pagtoo tikang ha tinikangan ngadto ha kataposan. Waray hiya humunong tungod han kros! Lugod, tungod han kalipay nga naghuhulat ha iya, waray niya ikaawod an pagkamatay ha kros, ngan yana, nalingkod na hiya ha tuo han trono han Dyos.

Hebreo 6:20

Nag-una ha aton hi Jesus pagsulod ngadto, para ug tungod ha aton. Nahimo hiya nga Labaw nga Padi ha kadayonan dida han hugpo hin pagkapadi ni Melquisedec.

1 Pedro 2:21

Gintawag kamo han Dyos tungod hini; kay nag-antos hi Cristo ngahaw tungod ha iyo, ngan ginbilinan kamo hin susbaranan, basi magsubad kamo ha iya.

1 Pedro 4:1

Tungod nga lawasnon nga pag-antos an gin-antos ni Cristo, kinahanglan maandam liwat kamo hin pag-antos; kay an hin-o man nga nag-aantos dinhe hini nga kinabuhi binmaya na hin pagpakasala.

1 Pedro 5:3

Ayaw pagpakaladnganan ha ira mga igintapod ha iyo, kundi magin susbaranan kamo han panon.