Juan 10:3 - Samarenyo Meaning-Based Bible (1984)

³ Pinaaagi hiya han magbarantay han portahan; namamati an mga karnero han iya tingog kon gintatawag niya hira hin ira tagsatagsa nga ngaran, ngan pinagagawas niya hira han turil.

Juan 10:3 Iomraidhean Croise

Mga Salmo 80:1

Pamatii kami, O Magmarangno han Israel; dungga kami, pangulo han imo panon. O ikaw nga nalingkod han imo trono dida han kerubim,

Exodo 33:17

Nagsiring kan Moises an Ginoo, “Pagbubuhaton ko sumala han imo pinangaro, kay nakilala ako hin maupay ha imo ngan nalilipay ako ha imo.”

Mga Darahonon 27:23

Pagmangnoi gud hin maupay an imo mga karnero ug kabakahan,

Kanta han mga Kanta 8:13

Pabatia ako han imo tingog tikang ha tanaman, akon hinigugma; naghuhulat an akon mga kaurusa hin pamati han imo mga pulong.

Isaias 40:11

Pagmamangnoan niya an iya panon sugad hin magmarangno han mga karnero; pagtitirokon niya an nati nga mga karnero, ngan iya hira kukugoson; ngan iya aagakon adton anakan nga mga karnero.

Isaias 42:16

“Pagtutugwayan ko an akon buta nga mga tawo dida hin mga dalan nga waray pa nira pag-agii. Hihimoon ko nga kapawa an ira kasisidman, ngan paghahamison ko an sagkahon nga tuna ha ira atubangan. Amo ini an akon mga saad, ngan pagtutumanon ko gud ini hin waray pagkapakyas.

Juan 10:14

Amo ako an maupay nga magmarangno. Sugad nga nakilala an Amay ha akon ngan nakilala ako han Amay, ha amo man nga paagi, nakilala ako han akon karnero ngan nakilala man hira ha akon. Ngan andam ako hin pag-unong han akon kinabuhi tungod ha ira.

Juan 10:16

May-ada iba nakon nga mga karnero nga diri sakop hini nga panon. Kinahanglan sakopon ko liwat hira; mamamati hira han akon tingog, ngan mauusa na la hira nga panon ha ubos hin usa nga magmarangno.

Juan 10:4

Paghihigawas na nira, nag-uuna hiya ha ira, ngan nasunod an mga karnero ha iya kay nakilala han iya tingog.

Juan 10:9

Amo ako an porta. Matatalwas an bisan hin-o nga masulod pinaaagi ha akon, masulod-guwa hiya ngan makakaagi hin panibsiban.

Juan 6:37

Napakadi ha akon an bisan hin-o nga itinutubyan ha akon han Amay. Diri ko gud isasalikway an bisan hin-o nga mapakadi ha akon,

Juan 6:45

Nagsurat an mga manaragna, ‘Tututdoan han Dyos an ngatanan nga mga tawo.’ An ngatanan nga namamati han Amay ngan nahibabaro tikang ha iya napakadi ha akon.

Mga Taga-Roma 8:30

Sanglit gintawag han Dyos adton iya mga ginggahin; ngan ginpakamatadong liwat niya adton mga gintawag niya; ngan ginpaangbit liwat niya han iya himaya adton mga ginpakamatadong niya.

1 Mga Taga-Corinto 16:9

May-ada didi tinuod nga higayon para hin dagko ngan angay nga buruhaton, bisan kon damo in mga nariwa.

Mga Taga-Filipos 4:3

Ngan ikaw, an akon matinumanon nga kabulig, buligi ini nga kababayen-an, kay nanlimbasog hira ha pagbulig ha akon hini pagpasangyaw han Maupay nga Sumat, pati hira Clemente ngan an iba nga akon mga kabulig, kanay mga ngaran nahisurat didto han basahon han kinabuhi.

Mga Taga-Colosas 4:3

Ig-ampo man liwat kami niyo, basi katagan kami han Dyos hin higayon hin pagwali han iya mensahe mahitungod han tinago ni Cristo. Kay amo ini an hinungdan kay ano nga priso ako yana.

2 Timoteo 2:19

Kundi diri mababay-og an marig-on nga patukoranan nga iginpahimutang han Dyos; ngan dida hini nahisurat ini nga mga pulong: “Nakilala an Ginoo han iya mga sakop” ngan “Kinahanglan magpahirayo ngan bumaya han maraot nga buhat an bisan hin-o nga nasiring nga sakop na hiya han Ginoo.”

1 Pedro 1:12

Iginpadayag han Dyos ngada hini nga mga manaragna, nga diri para ha ira kalugaringon nga kaupayan an ira buhat, kundi para ha iyo, han paghimangraw nira hiunong hadto nga mga butang nga iyo na yana hinbatian. Hinbatian niyo ini nga mga butang tikang han mga magsarangyaw han Maupay nga Sumat, nga nagpahibaro hini pinaagi han gahom han Espiritu Santo nga ginsugo tikang ha langit. Amo ini nga mga butang nga karuyag hibaroan bisan pa han mga anghel.

1 Juan 4:6

Kundi kanan Dyos kita. Namamati ha aton an bisan hin-o nga nakilala han Dyos; diri namamati ha aton an bisan hin-o nga diri kanan Dyos. Sanglit amo ini an paagi nga makakasabot kita han kalainan han Espiritu nga nagtututdo han kamatuoran ngan han espiritu nga diri nagtututdo han kamatuoran.

3 Juan 1:14

Naglalaom ako hin pakigkita dayon ha imo, ngan maghihimangraw na la kita nga duha.

Ginpadayag 20:15

An ngatanan nga waray mahisurat an ira ngaran dida han basahan han mga buhi iginlabog ngadto han linaw han kalayo.

Ginpadayag 3:20

Pamati! Natindog ako ha porta ngan nagtutuktok; kon may-ada makabati han akon tingog ngan mag-abre han porta, masulod ako han balay ngan makikigsaro ako ha iya, ngan matangka hiya upod ha akon.

Ginpadayag 7:17

kay an Kordero nga aada ha butnga han trono amo an ira Magmarangno ngan tutugwayan hira ngadto han mga burabod han tubig nga nahatag hin kinabuhi. Ngan papahiron han Dyos an tagsa nga luha ha ira mga mata.”