Juan 10:16 - Samarenyo Meaning-Based Bible (1984)

¹⁶ May-ada iba nakon nga mga karnero nga diri sakop hini nga panon. Kinahanglan sakopon ko liwat hira; mamamati hira han akon tingog, ngan mauusa na la hira nga panon ha ubos hin usa nga magmarangno.

Juan 10:16 Iomraidhean Croise

Genesis 49:10

Kakaptan ni Juda an hadianon nga tungkod, Ngan dayuday maghahadi an iya mga tulin. Magdadara ha iya hin halad an kanasoran Ngan mayukbo hin pagsugot ha iya atubangan.

Mga Salmo 86:9

An ngatanan nga imo ginhimo nga kanasoran, nayukbo pagdayeg han imo kagamhanan.

Ecclesiastes 12:11

An mga puplonganon han mga may kinaadman sugad hin tais nga mga tabog nga ginagamit han mga magmarangno hin pagtugway han mga karnero, ngan an tinirok nga mga darahonon napabilin ha hunahuna sugad hin mga raysang nga ginpadulot hin maupay. Iginhatag ini han Dyos nga amo la nga Magmarangno ha aton ngatanan.

Isaias 11:10

Maabot in adlaw nga magigin tigaman han mga nasod an bag-o nga hadi nga tikang han hadianon nga panimalay ni David. Magtititirok hira didto han iya hadianon nga syudad ngan pagpapasidunggan hiya nira.

Isaias 43:6

Sisidngon ko an amihanan hin pagpalakat ha ira, ngan an timogan hin diri paghawid ha ira. Pabalika an akon mga tawo tikang han higrayo nga katunaan, tikang han tagsa nga bahin han kalibutan.

Isaias 49:6

Nagsiring ha akon an Ginoo, “May-ada ko darudako nga buruhaton para ha imo nga akon surugoon. Diri la nga ibabalik an kagamhanan han nanhisalin nga mga tawo han Israel, kundi hihimoon ko liwat ikaw nga kapawa ngadto han mga nasod— basi matalwas an bug-os nga kalibutan.”

Isaias 52:10

Paggagamiton han Ginoo an iya baraan nga gahom; pagtatalwason niya an iya mga tawo, ngan makita hini an bug-os nga kalibutan.

Isaias 56:8

Nagsaad an Ginoo nga Dyos, nga nagpauli han iya mga tawo nga Israel tikang ha pagkabihag, nga dadad-on pa niya an iba nga mga tawo hin pagtampo ha ira.

Ezequiel 34:12

ha amo ngahaw nga paagi nga nagmamangno in usa nga magmarangno han iya mga karnero nga nahisalaag ngan nahibalik na liwat. Ibabalik ko hira tikang han ngatanan nga mga dapit diin hira nahisalaag ha usa ka adlaw nga masirom ngan makaharadlok.

Ezequiel 34:23

Tatagan ko hira hin hadi nga sugad kan David nga akon surugoon nga magigin ira usa nga magmarangno, ngan iya ini hira pagmamangnoan.

Ezequiel 34:6

Sanglit nahisalaag an akon mga karnero didto han higtaas nga kapungtoran ngan kabukiran. Nagsarang hira ha bawbaw han tuna, ngan waray gud may nangita ha ira o nagtinguha hin pamiling ha ira.

Ezequiel 37:22

Pag-uusahon ko hira nga nasod dida han tuna, didto han kabukiran han Israel. Uusa na la an hadi ha ira ngatanan ngan diri na gud hira magkakaduha nga mga nasod, o magkakaduha nga mga ginhadian.

Ezequiel 37:24

Magigin hadi nira in usa nga hadi nga sugad kan David nga akon surugoon. Magigin usa hira ngatanan ha ubos hin usa nga punoan ngan magsusugot hira nga matinumanon han akon mga balaod.

Oseas 1:10

An katawhan han Israel masusugad han baras han dagat; diri gud ini maiihap o matatakos. Yana nasiring ha ira an Dyos, “Diri kamo akon katawhan,” kundi maabot an adlaw nga masiring hiya ha ira, “Mga anak kamo han buhi nga Dyos!”

Zacarias 2:11

Hito nga panahon mapasingadto han Ginoo in damo nga mga nasod ngan mahihimo hira nga iya mga tawo. Mag-uokoy hiya dida ha iyo, ngan mahibabaro kamo nga ginsugo ako ngada ha iyo.

Mateo 17:5

Han nagyiyinakan pa hiya, linambongan hira hin masilaw nga dampog, ngan nagsiring in tingog tikang han dampog, “Amo ini an akon kalugaringon nga Anak nga hinigugma, nga akon ikinalilipay. Pamatii niyo hiya!”

Lucas 15:8

“Pananglit nawad-an in babaye hin usa han iya napulo nga mga kwarta nga sensilyo, ano man an iya sadang buhaton? Nadagkot hiya hin suga, sisilhigan niya an iya balay, ngan pinanginginano gud an ngatanan nga dapit, tubtob nga hiagian niya an usa nga kwarta nga sensilyo.

Juan 10:11

“Amo ako an maupay nga magmarangno han mga karnero. An maupay nga magmarangno andam pag-unong han iya kinabuhi tungod han mga karnero.

Juan 10:2

Magmarangno han mga karnero an tawo nga naagi ha porta.

Juan 10:27

Namamati han akon tingog an akon mga karnero; nakilala ako ha ira, ngan nasunod hira ha akon;

Juan 10:3

Pinaaagi hiya han magbarantay han portahan; namamati an mga karnero han iya tingog kon gintatawag niya hira hin ira tagsatagsa nga ngaran, ngan pinagagawas niya hira han turil.

Juan 10:4

Paghihigawas na nira, nag-uuna hiya ha ira, ngan nasunod an mga karnero ha iya kay nakilala han iya tingog.

Juan 10:5

Diri hira masunod hin iba; lugod makalagiw hira, kay diri nira kinikilala an iya tingog.”

Juan 11:52

ngan diri la para ha ira, kundi pagtirok liwat ngan pag-urosa han ngatanan nga nagkakaburublag nga mga anak han Dyos.

Juan 17:20

“Nag-aampo ako diri para la ha ira, kundi para liwat hadton mga matoo ha akon tungod han ira mensahe.

Juan 6:37

Napakadi ha akon an bisan hin-o nga itinutubyan ha akon han Amay. Diri ko gud isasalikway an bisan hin-o nga mapakadi ha akon,

Mga Buhat 15:14

Kahuman pa la igsaysay hi Simon hiunong han syahan nga pagpakita han Dyos han iya paghigugma han mga Hentil, pinaagi hin pagkuha tikang ha ira hin kalugaringon niya nga mga tawo.

Mga Buhat 18:10

kay upod ako ha imo. Waray maglalabot ha imo kay damo an akon mga tawo dinhe hini nga syudad.”

Mga Buhat 22:14

Nagsiring hiya, ‘An Dyos han aton kaapoy-apoyan nagpili ha imo basi makasabot ka han iya kaburot-on, makakita ka han iya matadong nga Surugoon, ngan makabati ka han iya tingog.

Mga Taga-Roma 11:25

Kabugtoan ko, may tinago nga kamatuoran nga karuyag ko hibaroan niyo, kay makakapugong ini ha iyo hin paghunahuna nga maaram gud kamo. Amo ini an buot ko sidngon: diri kadayonan an pagkamatig-a han mga tawo han Israel, kundi tubtob la ini nga dumangop ha Dyos an igo nga kadamo han mga Hentil.

2 Mga Taga-Tesalonica 2:13

Kabugtoan, kinahanglan magpasalamat kami han Dyos ha ngatanan nga panahon para ha iyo nga hinihigugma han Ginoo. Kay ginpili kamo han Dyos, nga amo an syahan nga matatalwas pinaagi han gahom han Espiritu basi mabaraan kamo nga mga tawo han Dyos ngan pinaagi han iyo pagtoo han kamatuoran.

Hebreo 13:20

Ginbanhaw han Dyos an aton Ginoo nga Jesus nga amo an Gamhanan nga Magmarangno han mga karnero, nga tungod han iya kamatayon, ginpadig-on an dayon nga ginsaaran.

1 Pedro 2:10

Hadto anay diri kamo mga tawo han Dyos, kundi yana mga tawo na kamo niya. Hadto anay diri kamo maaram han kalooy han Dyos, kundi yana nakarawat na niyo an iya kalooy.

1 Pedro 2:25

Sugad kamo hin nagkawawara nga mga karnero; kundi yana iginbalik na kamo hin pagsunod han Magmarangno ngan Magbarantay han iyo mga kalag.

1 Pedro 5:4

Ngan kon magpadayag na an Labaw nga Magmarangno, makarawat kamo han mahimayaon nga pudongpudong nga diri malubad.

Ginpadayag 3:20

Pamati! Natindog ako ha porta ngan nagtutuktok; kon may-ada makabati han akon tingog ngan mag-abre han porta, masulod ako han balay ngan makikigsaro ako ha iya, ngan matangka hiya upod ha akon.