Juan 10:11 - Samarenyo Meaning-Based Bible (1984)

¹¹ “Amo ako an maupay nga magmarangno han mga karnero. An maupay nga magmarangno andam pag-unong han iya kinabuhi tungod han mga karnero.

Juan 10:11 Iomraidhean Croise

2 Samuel 24:17

Hinkit-an ni David an anghel nga namamatay han mga tawo, ngan ginsiring niya an Ginoo, “Ako an nakasala. Ako an nakasayop. Ano an nabuhat hini nga makalolooy nga mga tawo? Kinahanglan ako ngan an akon panimalay an imo kastigohon.”

Mga Salmo 23:1

An Ginoo an magmarangno ha akon, dida ha iya waray ko iiliwon.

Mga Salmo 80:1

Pamatii kami, O Magmarangno han Israel; dungga kami, pangulo han imo panon. O ikaw nga nalingkod han imo trono dida han kerubim,

Isaias 40:11

Pagmamangnoan niya an iya panon sugad hin magmarangno han mga karnero; pagtitirokon niya an nati nga mga karnero, ngan iya hira kukugoson; ngan iya aagakon adton anakan nga mga karnero.

Isaias 53:6

Sugad kita ngatanan hin mga karnero nga nagkawawara, an kada usa ha aton napakadto han iya kalugaringon nga aragian. Kundi kinarawat han Ginoo an kastigo, an kastigo nga angay ha aton ngatanan.

Ezequiel 34:2

Nagsiring hiya, “Anak hin tawo, sawaya an mga punoan han Israel. Panagna ngan sumati hira han akon, an Ginoo nga Dyos, igyayakan ha ira: Maghihikaraot kamo nga mga magmarangno han Israel! Nagmamangno kamo han iyo la kalugaringon, kundi diri gud niyo ginmamangnoan an mga karnero.

Ezequiel 34:23

Tatagan ko hira hin hadi nga sugad kan David nga akon surugoon nga magigin ira usa nga magmarangno, ngan iya ini hira pagmamangnoan.

Ezequiel 37:24

Magigin hadi nira in usa nga hadi nga sugad kan David nga akon surugoon. Magigin usa hira ngatanan ha ubos hin usa nga punoan ngan magsusugot hira nga matinumanon han akon mga balaod.

Miqueas 5:4

Kon umabot hiya, paghahadian niya an iya mga tawo pinaagi han kusog nga natikang han Ginoo ngan pinaagi han pagkaharangdon han Ginoo nga Dyos. Mag-uokoy nga murayaw an iya mga tawo kay an mga tawo ha bug-os nga kalibutan makilala han iya pagkagamhanan,

Zacarias 13:7

Nasiring an Ginoo nga Labi Kamakagarahum, “Pagmata, espada, ngan sulonga an magmarangno nga nagbabantay ha akon ngaran! Pataya hiya ngan magsasarang an mga karnero. Susulongon ko an akon mga tawo,

Mateo 20:28

sugad han Anak han Tawo nga waray makanih hin pagpaataman, kundi hin paghatag han iya kinabuhi para hin pagtubos hin damo nga mga tawo.”

Juan 10:2

Magmarangno han mga karnero an tawo nga naagi ha porta.

Juan 15:13

An gidadakoi nga gugma nga maaangkon hin usa ka tawo tungod han iya kasangkayan, amo an pagtubyan han iya kinabuhi para ha ira.

Mga Taga-Efeso 5:2

An gugma kinahanglan maghadi han iyo kinabuhi sugad han paghigugma ni Cristo ha aton, ngan iginhatag an iya kinabuhi tungod ha aton, sugad hin mahamot nga halad nga nakakalipay han Dyos.

Tito 2:14

Igintubyan niya an iya kalugaringon tungod ha aton, hin pagtalwas ha aton tikang han ngatanan nga karat-an, ngan hin paghimo ha aton nga putli nga mga tawo nga sakop gudla ni Cristo, ngan nagtitinguha pagbuhat hin maupay.

Hebreo 13:20

Ginbanhaw han Dyos an aton Ginoo nga Jesus nga amo an Gamhanan nga Magmarangno han mga karnero, nga tungod han iya kamatayon, ginpadig-on an dayon nga ginsaaran.

1 Pedro 5:4

Ngan kon magpadayag na an Labaw nga Magmarangno, makarawat kamo han mahimayaon nga pudongpudong nga diri malubad.

1 Juan 3:16

Amo ini an pagkilala naton kon ano an gugma: iginhatag ni Cristo an iya kinabuhi tungod ha aton. Sanglit angay man naton ihatag an aton kinabuhi tungod han aton kabugtoan.

Ginpadayag 7:17

kay an Kordero nga aada ha butnga han trono amo an ira Magmarangno ngan tutugwayan hira ngadto han mga burabod han tubig nga nahatag hin kinabuhi. Ngan papahiron han Dyos an tagsa nga luha ha ira mga mata.”