Juan 10:1 - Samarenyo Meaning-Based Bible (1984)

¹ “Susumatan ta kamo hin tinuod: kawatan ngan tikasan an tawo nga diri naagi ha porta hin pagsulod han turil, kundi nagsasaka hin iba nga agian.

Juan 10:1 Iomraidhean Croise

Jeremias 14:15

Ako nga Ginoo nagsusumat ha imo kon ano an akon pagbubuhaton hito nga mga manaragna nga waray ko pagsugoa kundi nagyayakan ha akon ngaran ngan nasiring nga diri hahampakon ini nga tuna hin araway ug kagutom—pamamatayon ko hira pinaagi hin araway ngan kagutom.

Jeremias 23:21

Nagsiring an Ginoo, “Waray ko pagsugoa ini nga mga manaragna, kundi napakadto gihapon hira. Waray ko hira tagi hin bisan ano nga mensahe, kundi naghimangraw hira gihapon ha akon ngaran.

Jeremias 23:32

Pamatii niyo an igyayakan ko, an Ginoo! Nasupak ako han mga manaragna nga nagsusumat han ira mga inop nga puro la buwa. Iginsusumat nira ini nga mga inop ngan ginpapasalaag nira an akon mga tawo pinaagi han ira mga buwa ngan han ira panhambog. Waray ako magpadara o magsugo ha ira, ngan diri gud hira makakabulig han mga tawo. Ako nga Ginoo an nagyakan.”

Joel 2:9

Dinadasdas nira an syudad; linulukso nira an mga pader; sinasaka nira an kabablayan, ngan nasulod hira dida han mga bintana sugad hin mga kawatan.

Mateo 7:15

“Pag-ikmat kamo han buwaon nga mga manaragna; napahirani hira ha iyo sugad hin mga karnero pagkit-on, kundi balitaw, ha sulod, sugad gud hira hin magbangis nga mga lubo.

Juan 10:7

Sanglit nagsiring liwat hi Jesus, “Susumatan ta kamo hin tinuod: amo ako an porta para han mga karnero.

Juan 3:3

Nagbaton hi Jesus, “Susumatan ko ikaw hin tinuod: waray tawo nga makakakita han Ginhadian han Dyos, labot kon matawo na liwat hiya.”

Mga Taga-Roma 10:15

Ngan uunanhon hin paghisangyaw han mensahe kon diri ipadara an mga magsarangyaw? Sumala han siring han Kasuratan, “Kamaruruyag han pag-abot hadton mga nagdadara han Maupay nga Sumat!”

Mga Taga-Roma 16:18

Kay ini nga mga tawo diri nag-aalagad kan Cristo nga aton Ginoo, kundi han ira la kalugaringon nga mga karuyagon. Pinaagi han ira magtahom ngan magnamit nga mga pulong, ginlilimbongan nira an inosente nga mga tawo.

Tito 1:11

Kinahanglan paukyon an ira pagyinakan, kay ira ginsasamok in bug-os nga mga panimalay pinaagi hin pagtutdo han diri angay igtutdo, tungod la hin makaarawod nga tuyo hin panalapi.

Hebreo 5:4

Waray nagpipili para ha iya kalugaringon han dungog hin pagkalabaw nga padi. Nahihimo nga Labaw nga Padi in tawo pinaagi la han tawag han Dyos—sugad han pagtawaga kan Aaron.

1 Pedro 1:10

Nangita ngan nag-usisa hin maupay mahitungod hini nga katalwasan an mga manaragna; ngan nagtagna hira mahitungod hini nga upa nga ihahatag ha iyo han Dyos.

2 Pedro 2:1

Nagpakita hadto nga panahon in diri matuod nga mga manaragna dida han mga tawo, ngan ha sugad nga paagi magpapakita man in mga diri matuod nga magturutdo dida ha iyo. Magdadara hira hin makakadaot ngan diri matuod nga mga pagturon-an, ngan igsasalikway nira an Agaron nga nagtubos ha ira, sanglit maabot ha ira in kalit nga pagkapuo.

2 Pedro 2:3

Tungod han ira kahalot makakapanalapi ini nga mga diri matuod nga mga magturutdo pinaagi hin pagsinumat ha iyo hin hinimohimo nga mga susumaton. Maiha na nga andam an ira Maghurukom, ngan diri nakaturog an Magpupuo ha ira!

1 Juan 4:1

Hinigugma ko nga kasangkayan, ayaw kamo too han ngatanan nga masiring nga an Espiritu aada ha ira, kundi panginanoa niyo kon tikang ba sa Dyos an Espiritu nga aada ha ira. Kay nagsarang ha kalibutan in damo nga diri matuod nga mga manaragna.