Juan 1:5 - Samarenyo Meaning-Based Bible (1984)

⁵ An kapawa naglamrag dida han kasisidman, ngan an kasisidman waray gud makaparong ha iya.

Juan 1:5 Iomraidhean Croise

Mga Darahonon 1:22

“Mga lurong! Tubtob san-o an iyo karuyag hin pagkalurong? Tubtob san-o an iyo pagkalipay hin pagtamay han hibaro? Waray pa ba kamo pagmaan?

Mateo 5:15

Waray nadagkot hin suga ngan takloban. Lugod, ibinubutang ha burutangan hin suga basi makalamrag han ngatanan nga aada ha balay.

Juan 1:10

An Pulong dinhe na ha kalibutan, ngan bisan kon an kalibutan ginhimo han Dyos pinaagi ha iya, kundi waray kumilala ha iya an kalibutan.

Mga Buhat 26:18

basi kabuksan mo an ira mga mata ngan pabalikon mo hira tikang ha kasisidman ngadto han kapawa, ngan tikang ha gahom ni Satanas ngadto han Dyos, ngan pinaagi han ira pagtoo ha akon pasayloon hira han ira mga sala ngan kumarawat hira han ira dapit dida han mga pinili nga mga tawo han Dyos!’

Mga Taga-Roma 1:28

Tungod nga nadiri an mga tawo hin pagkilala han matuod nga Dyos, ginpabay-an na la hira ha ira magngil-ad nga mga panhunahuna ngan han diri angay nga ira ginawian.

1 Mga Taga-Corinto 2:14

Kundi adton tawo nga waray makaangkon han Espiritu, diri makakakarawat han mga hatag nga tikang han Espiritu han Dyos. In sugad nga tawo diri nakakasabot hini; kalurongan la ini para ha iya, kay an sukol han kapulsanan hini nga butang amo la an espirituhanon nga paagi.