Juan 1:4 - Samarenyo Meaning-Based Bible (1984)

⁴ Dida han Pulong nakada an kinabuhi, ngan an kinabuhi amo an kapawa han mga tawo.

Juan 1:4 Iomraidhean Croise

Mga Salmo 49:6

hin mga tawo nga nasarig han ira mga manggad, nga naghahambog han ira dagko nga karikohan.

Mga Salmo 84:11

Ginoo an panalipod, arayopan, ngan amo an aton hadi nga gamhanan; an nahatag ha aton hin kaupayan, hin mga kalooy ngan hin kadungganan. Waray maupay nga iya pinupugngan hadton mga magtadong an binuhatan.

Isaias 42:16

“Pagtutugwayan ko an akon buta nga mga tawo dida hin mga dalan nga waray pa nira pag-agii. Hihimoon ko nga kapawa an ira kasisidman, ngan paghahamison ko an sagkahon nga tuna ha ira atubangan. Amo ini an akon mga saad, ngan pagtutumanon ko gud ini hin waray pagkapakyas.

Malaquias 4:2

Kundi para ha iyo nga nagsusugot ha akon, masirang ngada ha iyo sugad han adlaw an akon matalwason nga gahom ngan magtatambal sugad han mga sirak han adlaw. Talwas ngan malipayon kamo sugad hin mga nati nga baka nga ginpagawas han toril.

Mateo 4:16

An mga tawo nga nag-uukoy ha kasisidman makita hin dako nga kapawa. Ha ira nga nag-uokoy ha masirom nga tuna han kamatayon malamrag an kapawa!”

Lucas 2:32

Kapawa nga magpapadayag ha mga Hentil han imo paagi ngan magdadara hin kadungganan han imo katawhan nga Israel.”

Juan 11:25

Nagsiring hi Jesus ha iya, “Hi ako an pagkabanhaw ngan an kinabuhi. Mabubuhi an bisan hin-o nga natoo ha akon, bisan kon mamatay hiya;

Juan 12:35

Nagbaton hi Jesus, “Halipotay na la nga panahon an pag-upod ha iyo han kapawa. Pagpadayon ha iyo dalan samtang aada pa ha iyo an kapawa, basi diri kamo abotan han kasisidman; kay an naglalakat ha kasisidman diri maaram kon tipakain hiya.

Juan 12:46

Kinmanhi ako usa nga kapawa han kalibutan, basi diri na magpabilin ha kasisidman an ngatanan nga natoo ha akon.

Juan 14:6

Nagbaton ha iya hi Jesus, “Amo ako an dalan, an kamatuoran, ngan an kinabuhi; waray makakadto han Amay kon diri pinaagi ha akon.”

Juan 3:19

Amo ini an paagi han paghukom: inmabot an kapawa ha kalibutan, kundi ginpalabi han mga tawo an kasisidman kay han kapawa, kay nagbubuhat man hira hin maraot.

Juan 5:21

Sugad nga ginbabanhaw han Amay an mga minatay ngan tinatagan hira hin kinabuhi, ha amo man nga paagi, nahatag an Anak hin kinabuhi hadton iya karuyag tagan.

Juan 5:26

Sugad nga an Amay, ha iya ngahaw, amo an tinikangan han kinabuhi, ha sugad man nga paagi, ginhimo niya an iya Anak nga magin tinikangan han kinabuhi.

Juan 8:12

Naghimangraw na liwat hi Jesus ha ira, “Ako an kapawa han kalibutan. Magkakamay-ada kapawa han kinabuhi an bisan hin-o nga magsunod ha akon, ngan diri na gud hiya maglalakat ha kasisidman.”

Juan 9:5

Ako an kapawa han kalibutan samtang aanhi pa ako ha kalibutan.”

Mga Buhat 26:23

nga an Cristo kinahanglan mag-antos, ngan tungod nga hiya man an syahan nga mabanhaw tikang han mga minatay, hiya man an magpapasangyaw han kapawa ngadto han mga Judiyo ngan ngadto han mga Hentil.”

1 Mga Taga-Corinto 15:45

Kay nasiring an Kasuratan nga an syahan nga tawo, hi Adan, kinmarawat hin kinabuhi; kundi an kataposan nga Adan, amo hiya an Espiritu nga humaratag hin kinabuhi.

Mga Taga-Efeso 5:14

kay an bisan ano nga nadadayag hin maupay nahihimo nga kapawa. Sanglit nasiring, “Pagmata na, ikaw nga nakaturog, ngan bangon tikang han mga minatay! ngan sisirakan ka ni Cristo.”

Mga Taga-Colosas 3:4

An iyo matuod nga kinabuhi amo hi Cristo, ngan kon magpahayag na hiya, magpapahayag man liwat kamo upod ha iya ngan maangbit kamo han iya himaya!

1 Juan 1:1

Nagsusurat kami ha iyo mahitungod han Pulong nga nahatag han kinabuhi nga nakada na nga daan tikang pa ha tinikangan. Amon ini hinbatian ngan amon ini hinkit-an han amon mga mata; tinuod amon ini hinkit-an ngan amon ini hinkaptan.

1 Juan 1:2

Han pagpadayag na hini nga kinabuhi, hinkit-an namon ini; sanglit amon ini ginhihimangraw ngan ginsusumat namon ha iyo mahitungod han dayon nga kinabuhi nga nakada han Amay ngan iginpahayag ha amon.

1 Juan 5:11

Sanglit amo ini an pagsaksi: naghatag an Dyos ha aton han waray kataposan nga kinabuhi, ngan aada han iya Anak ini nga kinabuhi.

Ginpadayag 22:1

Ginpakita ha akon han anghel an salog han tubig han kinabuhi, matin-aw sugad hin salaming, ngan natikang ha trono han Dyos ngan han Kordero,

Ginpadayag 22:16

“Ako, hi Jesus, nagpadara han akon anghel hin pagpasangyaw hini nga mga butang ngadto ha iya dida ha mga singbahan. Tulin ako han panimalay ni David; ako amo an mapawa nga bitoon ha kaagahon.”