Juan 1:13 - Samarenyo Meaning-Based Bible (1984)

¹³ Nahimo hira nga mga anak han Dyos diri hin natural nga paagi, an karuyag sidngon diri pinaagi hin tawo nga amay; an Dyos ngahaw amo an ira Amay.

Juan 1:13 Iomraidhean Croise

Genesis 25:22

Karuha an iginburod ni Rebecca, ngan han waray pa hira katatawo, nagpapadarudaisog hira ha sulod han iya tiyan. Nagsiring hiya, “Kay ano nga sugad hini an mahinanabo ha akon?” Sanglit kinmadto hiya han Ginoo hin pagpakiana.

Genesis 25:28

Ginpalabi ni Isaac hi Esau, kay nalipay hiya hin pagkaon han mga pinanganopan nga gin-ihaw niya, kundi ginpalabi ni Rebecca hi Jacob.

Genesis 27:33

Nangurog hin duro an bug-os nga lawas ni Isaac ngan pinmakianan hiya, “Hin-o man ngay-an adto nga nag-ihaw hin hayop ngan nagdurot hini ha akon? Kinaon ko yana pa gudla han waray ka pa aabot. Iginhatag ko na ha iya an akon kataposan nga bendisyon, sanglit iya na adto ha kadayonan.”

Genesis 27:4

Igluto ako han marasa nga pagkaon nga akon ayon ngan igdurot ha akon. Katapos ko pagkaon, ighahatag ko ha imo an akon kataposan nga bendisyon san-o ako mamatay.”

Mga Salmo 110:3

Mabulontad pag-away an im' katawhan ha adlaw umasdang ka ha pag-awayan; daw tun-og makadto im' kalalaken-an ha imo ha baraan nga kabukiran.

Mateo 3:9

Ayaw kamo tapod nga mga anak kamo ni Abrahan. Nasiring ako ha iyo nga ini nga mga bato mahihimo han Dyos nga mga anak ni Abraham.

Juan 3:3

Nagbaton hi Jesus, “Susumatan ko ikaw hin tinuod: waray tawo nga makakakita han Ginhadian han Dyos, labot kon matawo na liwat hiya.”

1 Mga Taga-Corinto 3:6

ako an nagtanom, hi Apolo an nagbaribe, kundi an Dyos an nagpapatubo han tanom.

Mga Taga-Filipos 2:13

kay dayuday nagbubuhat an Dyos dida ha iyo, basi maruyag kamo han pagbuhat ngan makahimo kamo hin pagtuman han iya mga panuyo.

Tito 3:5

gintalwas kita niya. Diri adto tungod hin ano man nga mag-upay nga mga buhat nga aton gintuman, kundi tungod han iya kalugaringon nga pagkalooy nga gintalwas kita niya pinaagi han paghugas han Espiritu Santo nga nahatag ha aton hin bag-o nga pagkatawo ngan bag-o nga kinabuhi.

Santiago 1:18

Ginhimo kita niya ha iya kalugaringon nga kaburut-on, pinaagi han pulong han kamatuoran, basi magin labaw kita han ngatanan niya nga mga binuhat.

1 Pedro 1:23

Kay gin-anak liwat kamo, pinaagi han buhi ngan waray kataposan nga pulong han Dyos. Mga anak na kamo diri hin ginikanan nga may kamatayon, kundi hin ginikanan nga waray kamatayon.

1 Pedro 1:3

Pagpasalamat kita han Dyos ngan Amay han aton Ginoo Jesu-Cristo! Tungod han iya dako nga kalooy, gintagan kita niya hin bag-o nga kinabuhi pinaagi han pagbanhawa kan Jesu-Cristo. Nakahatag ini ha aton hin buhi nga paglaom,

1 Pedro 2:2

Masugad unta kamo hin mga minasus-an, nga dayuday inuuhaw han lus-ay nga espirituhanon nga gatas, basi pag-inom niyo hini nga gatas tumubo kamo ngan matalwas.

1 Juan 3:9

An bisan hin-o nga anak han Dyos diri nagpapadayon hin pagpinakasala, kay aada ha iya an kinaiya han Dyos; ngan tungod nga Amay na niya an Dyos, diri na hiya makakagpadayon hin pagpinakasala.

1 Juan 4:7

Hinigugma ko nga kasangkayan, maghigugmaay kita, kay natikang sa Dyos an gugma, sanglit anak han Dyos ngan nakilala han Dyos an bisan hin-o nga nahigugma.

1 Juan 5:1

Anak han Dyos adton natoo nga hi Jesus amo an Mesiyas; ngan adton nahigugma hin usa nga amay nahigugma man liwat han anak hini nga amay.

1 Juan 5:18

Maaram kita nga waray anak han Dyos nga nagpapadayon hin pagpinakasala, kay pinananalipdan hiya han Anak han Dyos, sanglit diri makakadaog ha iya an Yawa.

1 Juan 5:4

kay an tagsa nga anak han Dyos makakahimo hin pakadaog han kalibutan. Nakadaog kita han kalibutan pinaagi han aton pagtoo.