Juan 1:12 - Samarenyo Meaning-Based Bible (1984)

¹² May-ada kinmarawat ngan tinmoo ha iya sanglit ihinatag ha ira an katungod hin pagka anak han Dyos.

Juan 1:12 Iomraidhean Croise

2 Samuel 7:24

Ginhimo mo nga imo kalugaringon nga nasod an Israel ha kadayonan, ngan ikaw, O Ginoo, nahimo nga ira Dyos.

Isaias 56:5

niyan diri hingangalimtan dayon an imo ngaran didto han akon Templo ngan dida han akon mga tawo kay hin nagkamay-ada ka la mga anak nga kalalaken-an ug kababayen-an. Diri ka gud hingangalimtan.”

Jeremias 3:19

Nasiring an Ginoo, “Israel, karuyag ko unta hin pagkarawat ha iyo nga akon anak, ngan hin paghatag ha imo hin makaruruyag nga tuna, an gimamaupayi nga tuna ha bug-os nga kalibutan. Karuyag ko unta nga tawgon mo ako nga imo amay, ngan diri mo na gud bayaan.

Oseas 1:10

An katawhan han Israel masusugad han baras han dagat; diri gud ini maiihap o matatakos. Yana nasiring ha ira an Dyos, “Diri kamo akon katawhan,” kundi maabot an adlaw nga masiring hiya ha ira, “Mga anak kamo han buhi nga Dyos!”

Mateo 10:40

“An bisan hin-o nga nakarawat ha iyo nakarawat ha akon; ngan an bisan hin-o nga nakarawat ha akon nakarawat liwat han nagsugo ha akon.

Mateo 12:21

ngan paglalaoman hiya han ngatanan nga mga katawhan.”

Mateo 18:5

Ngan adton nakarawat hin sugad hini nga bata ha akon ngaran nakarawat man ha akon.

Juan 1:11

Kinmanhi hiya han iya kalugaringon nga tuna, kundi waray hiya karawata han iya kalugaringon nga katawhan.

Juan 1:7

hin pagsumat han mga tawo mahitungod han kapawa, basi an ngatanan makabati han mensahe ngan tumoo.

Juan 11:52

ngan diri la para ha ira, kundi pagtirok liwat ngan pag-urosa han ngatanan nga nagkakaburublag nga mga anak han Dyos.

Juan 2:23

Samtang nakadto ha Jerusalem hi Jesus, ha panahon han Pyesta han Paglabay, damo in tinmoo ha iya, han pakakita nira han nabuhat niya nga mga milagro.

Juan 20:31

Kundi iginsurat ini, basi tumoo kamo nga hi Jesus amo an Mesiyas, an Anak han Dyos, nga pinaagi hini nga pagtoo ha iya, makaangkon unta kamo han kinabuhi.

Juan 3:18

Diri ginhuhukman an bisan hin-o nga nasarig han Anak, kundi ginhukman na an bisan hin-o nga diri nasarig, kay waray hiya sumarig han bugtong nga Anak han Dyos.

Mga Buhat 3:16

An gahom han iya ngaran amo an nakaupay hini nga tawo. Ini nga iyo hinkit-an ngan hinbaroan nahimo pinaagi han pagtoo ha iya ngaran. An pagtoo kan Jesus amo an nakaupay ha iya sugad han iyo hinkit-an.

Mga Taga-Roma 8:14

Mga anak han Dyos an ginmamandoan han Espiritu han Dyos.

Mga Taga-Roma 8:16

An Espiritu han Dyos nakikig-usa han aton espiritu hin pagpamatuod nga mga anak kita han Dyos.

Mga Taga-Roma 8:19

An ngatanan nga mga binuhat naghuhulat upod in malaomon nga paghingyap nga igpapadayag han Dyos an iya mga anak.

Mga Taga-Galacia 3:26

Pinaagi hin pagtoo kan Cristo Jesus nagin anak kamo ngatanan han Dyos.

Mga Taga-Galacia 4:6

Ha pagpakita nga mga anak kamo niya, ginpakanhi han Dyos ha aton mga kasingkasing an Espiritu han iya Anak, an Espiritu nga natawag, “Amay, akon Amay.”

Mga Taga-Colosas 2:6

Tungod kay ginkarawat man niyo nga Ginoo hi Cristo Jesus, pakig-usa kamo ha iya.

2 Pedro 1:4

Dida hini nga paagi gintagan kita niya han gidadakoi ngan marahalon nga mga hatag nga iya iginsaad, basi pinaagi hini nga mga hatag makalikay unta kamo han nakakadaot nga kaipaon nga aanhi ha kalibutan, ngan makaangbit kamo han dyosnon nga kinaiya.

1 Juan 3:1

Tan-awa niyo kon ano kadako an paghigugma ha aton han Amay! Dako gud an iya gugma ha aton, sanglit gintawag kita nga mga anak han Dyos—ngan matuod nga mga anak kita niya. Amo ini an hinungdan kay ano nga an kalibutan diri nakilala ha aton: tungod kay an kalibutan waray kumilala han Dyos.

1 Juan 3:10

Amo ini an dayag nga kalainan han mga anak han Dyos ngan han mga anak han Yawa: diri anak han Dyos an bisan hin-o nga diri nagbubuhat hin matadong ngan diri nahigugma han iya bugto.

1 Juan 3:2

Mga hinigugma ko, mga anak na kita yana han Dyos, kundi diri pa gud dayag kon ano an aton aabotan. Kundi maaram kita nga kon magpakita na hi Cristo, masusugad kita ha iya, kay makita kita ha iya, han iya kinaiya.

1 Juan 3:23

Amo ini an iya iginsusugo: nga tumoo kita han ngaran han iya Anak nga hi Jesu-Cristo, ngan maghigugmaay kita sugad han iginsugo ni Cristo ha aton.