Juan 1:10 - Samarenyo Meaning-Based Bible (1984)

¹⁰ An Pulong dinhe na ha kalibutan, ngan bisan kon an kalibutan ginhimo han Dyos pinaagi ha iya, kundi waray kumilala ha iya an kalibutan.

Juan 1:10 Iomraidhean Croise

Genesis 16:13

Nagpakiana hi Agar ha iya la ngahaw, “Hinkit-an ko ba hin tinuod an Dyos ngan nabuhi pa ako hin pagsumat hiunong hini?” Sanglit gintawag niya an Ginoo nga naghimangraw ha iya, “Usa ka Dyos nga Nakita.”

Genesis 17:1

Han 99 na an panuigon ni Abram, pinmakita ha iya an Ginoo ngan nagsiring, “Amo ako an Dyos nga Labi Kamakagarahum. Pagsugta ako ngan dayuday pagbuhata an matadong.

Genesis 18:33

Katapos niya makighimangraw kan Abraham, linmakat an Ginoo, ngan inmoli hi Abraham.

Isaias 53:3

Gintamay ngan ginsalikway ta hiya; gin-ilob niya an pag-antos ug kasakitan. Waray gud ngani natan-aw ha iya— ginpabay-an ta hiya ngan ginpakawaray ta la hiya.

Mateo 11:27

“Iginhatag ha akon han akon Amay an ngatanan nga mga butang. Waray makilala han Anak labot han Amay, ngan waray makilala han Amay labot han Anak, ngan hadton karuyag han Anak nga magpadayag han Amay.

Juan 1:11

Kinmanhi hiya han iya kalugaringon nga tuna, kundi waray hiya karawata han iya kalugaringon nga katawhan.

Juan 1:18

Waray pa gud nakakita han Dyos. Kundi an bugtong nga Anak, nga Dyos, ngan kausa han Amay, amo an nagpakilala ha iya.

Juan 1:3

Gintuha han Dyos an ngatanan nga mga butang pinaagi han Pulong, sanglit waray nahimo nga bisan usa han ngatanan nga mga binuhat, nga diri pinaagi ha iya.

Juan 1:5

An kapawa naglamrag dida han kasisidman, ngan an kasisidman waray gud makaparong ha iya.

Juan 17:25

Matadong nga Amay, diri nakilala ha imo an kalibutan, kundi nakilala ako ha imo, ngan maaram ini hira nga ikaw an nagsugo ha akon.

Juan 5:17

Ginbaton hira ni Jesus, “Dayuday nagbubuhat an akon Amay, sanglit kinahanglan liwat magbuhat ako.”

Mga Buhat 14:17

Kundi pirme hiya nagpapamatuod hiunong han iya kalugaringon pinaagi han magupay nga mga butang nga iya ginbubuhat: nahatag hiya ha iyo hin uran tikang ha langit ngan mga abot han tuna ha igo nga panahon; nahatag hiya ha iyo hin pagkaon ngan ginpupuno pa hin kalipay an iyo mga kasingkasing.”

1 Mga Taga-Corinto 1:21

Kay iginbuot han Dyos tungod han iya kinaadman, nga diri an mga tawo makahimo hin pagkilala ha iya pinaagi han ira kalugaringon nga kinaadman. Lugod pinaagi han ira sinisiring nga “linurong” nga mensahe nga amon iginwawali, an Dyos nakahunahuna hin pagtalwas hadton mga natoo.

1 Mga Taga-Corinto 2:8

Waray bisan usa han mga punoan hini nga kalibutan in nahibaro hini nga kinaadman. Kon hinbaroan pa ini nira, diri unta nira iginraraysang ha kros an mahimayaon nga Ginoo.

1 Mga Taga-Corinto 8:6

kundi para ha aton uusa gudla an Dyos, an Amay nga magburuhat han ngatanan nga mga butang, ngan nabubuhi kita tungod ha iya. Ngan uusa gudla an Ginoo, hi Jesu-Cristo nga pinaagi ha iya ginhimo an ngatanan nga mga butang ngan nabubuhi kita.

Mga Taga-Colosas 1:16

Kay pinaagi ha iya ginhimo han Dyos an ngatanan ha langit ngan ha tuna, an kinikita ngan an diri kinikita nga mga butang, lakip na an gahom nga espirituhanon, mga ginoo, mga punoan, ngan mga magburuot. Pinaagi ha iya ngan para ha iya ginhimo han Dyos an ngatanan.

Hebreo 11:3

Tungod hin pagtoo hinsabotan naton nga nahimo an bug-os nga kalibutan pinaagi han pulong han Dyos, sanglit ginhimo an mga butang nga kinikita tikang han mga butang nga diri kinikita.

1 Juan 3:1

Tan-awa niyo kon ano kadako an paghigugma ha aton han Amay! Dako gud an iya gugma ha aton, sanglit gintawag kita nga mga anak han Dyos—ngan matuod nga mga anak kita niya. Amo ini an hinungdan kay ano nga an kalibutan diri nakilala ha aton: tungod kay an kalibutan waray kumilala han Dyos.