Juan 1:1 - Samarenyo Meaning-Based Bible (1984)

¹ Han waray pa himoa an kalibutan, nakada na an Pulong. Kausa han Dyos an Pulong, ngan Dyos gud an Pulong.

Juan 1:1 Iomraidhean Croise

Genesis 1:1

Ha tinikangan, han pagtuha han Dyos han bug-os nga kalibutan ug han mga butang ha kalangitan

Mga Salmo 45:6

An trono nga han Dyos ginhatag ha imo, magpapabilin hin kadayonan ito; matadong ka maghadi'n ginhadian mo.

Isaias 7:14

Sanglit an Ginoo ngahaw an mahatag ha iyo hin tigaman: Mag-aanak hin lalake in usa nga burod nga daragita ngan pagngangaranan hiya nga ‘Emmanuel’.

Isaias 9:6

Natawo ha aton in bata! Iginhatag ha aton in anak nga lalake! Ngan magigin punoan hiya naton. Pagtatawgon hiya nga “Urusahon nga Magsaragdon,” “Gamhanan nga Dyos,” “Amay nga Waray Kataposan,” “Prinsipe han Kamurayaw.”

Mateo 1:23

“Magbuburod in usa nga uray nga daraga ngan mag-aanak hin lalake, ngan tatawgon hiya nga Emmanuel” (nga karuyag sidngon, “An Dyos aanhi upod ha aton”).

Lucas 24:53

ngan dayuday didto hira ha Templo, hin pagpasalamat han Dyos.

Juan 1:14

Nahimo nga tawo an Pulong, ngan puno hin grasya ngan kamatuoran, nag-ukoy dinhe ha aton. Hinkit-an naton an iya himaya—an himaya nga kinarawat niya ha iya pagka bugtong nga Anak han Dyos Amay.

Juan 1:18

Waray pa gud nakakita han Dyos. Kundi an bugtong nga Anak, nga Dyos, ngan kausa han Amay, amo an nagpakilala ha iya.

Juan 1:2

Tikang pa ha tinikangan kausa na han Dyos an Pulong.

Juan 16:28

Tikang gud ako han Amay ngan kinmanhi ako ha kalibutan; ngan yana mabaya na ako han kalibutan ngan mabalik ako ngadto han Amay.”

Juan 17:5

Amay ko, himayaa ako yana ha imo atubangan sugad han himaya nga akon hadto han kaupod pa ako nimo, han waray pa himoa an kalibutan.

Juan 20:28

Nagbaton hi Tomas ha iya, “Ginoo ko ngan Dyos ko!”

Juan 8:58

Nagbaton hi Jesus, “Susumatan ko kamo hin tinuod: Diri pa tawo hi Abraham, ‘Amo na ako’.”

Mga Taga-Roma 9:5

mga tulin hira han mga patriyarka; ngan tikang han ira tulin natawo hi Cristo. Pagdayawon unta ha kagihaponan an Dyos nga naghahadi han ngatanan! Amen.

Mga Taga-Efeso 3:9

ngan pagpakita ha ngatanan nga mga tawo kon uunanhon hin katuman an tinago nga pagburot-an han Dyos. Han naglabay nga mga panahon waray ini nga tinago ipadayag han Dyos nga Magburuhat han ngatanan nga mga butang,

Mga Taga-Filipos 2:6

Dayuday may-ada niya kinaiya han Dyos, kundi waray hiya makahuna-huna hin pagtupong han Dyos pinaagi hin kusog.

Mga Taga-Colosas 1:15

Hi Cristo amo an kinikita nga ladawan han diri kinikita nga Dyos. Amo hiya an suhag nga Anak nga labaw gud han ngatanan nga mga binuhat.

Mga Taga-Colosas 1:17

Han waray pa an ngatanan nga mga butang, nakada na hi Cristo ngadaan, ngan dida ha pakig-usa ha iya, may-ada angay nga pagkasunodsunod han ngatanan nga mga butang.

1 Timoteo 3:16

Waray makakaglirong han pagkadako han tinago han aton tuloohan! Pinmakita hiya nga usa nga tawo, iginpakita nga matadong pinaagi han Espiritu, ngan hinkit-an han mga anghel. Iginwali hiya ha mga nasod, gintoohan ha bug-os nga kalibutan, ngan ginbayaw ngadto ha langit.

Tito 2:13

samtang naghuhulat kita han ginlalaoman ta nga baraan nga Adlaw, diin makikita an kaharangdon han aton gamhanan nga Dyos ngan Magtaralwas, hi Jesu-Cristo.

Hebreo 13:8

Amo la gihapon hi Jesu-Cristo hadto, yana, ngan ha kadayonan.

Hebreo 7:3

Waray gud may nahisurat hiunong han amay o iroy ni Melquisedec, o han bisan hin-o nga iya mga ginikanan; waray gud may nahisurat hiunong han iya katawo o han iya kamatay. Sugad hiya han Anak han Dyos; nagpapabilin hiya nga padi ha kadayonan.

2 Pedro 1:1

Tikang kan Simon Pedro, surugoon ngan apostol ni Jesu-Cristo— Ngadto ha ira nga pinaagi han pagkamatadong han aton Dyos ngan Magtaralwas, hi Jesu-Cristo, natagan na hin pagtoo nga sugad hin kamahal han amon pagtoo.

1 Juan 5:20

Maaram kita nga kinmanhi na an Anak han Dyos ngan naghatag ha aton hin sarabotan basi kumilala kita han matuod nga Dyos. Nag-uokoy na kita dida hin paghiusa han matuod nga Dyos, dida hin paghiusa han iya Anak nga hi Jesu-Cristo. Amo hiya an matuod nga Dyos, ngan amo ini an kinabuhi nga waray kataposan.

1 Juan 5:7

May-ada tulo nga mga saksi:

Ginpadayag 1:11

Nagsiring ini nga tingog, “Isurat kon ano an imo hikit-an ngan ipadara an imo ginsurat ngadto han pito nga mga singbahan: ha Efeso, Smirna, Pergamo, Tiatira, Sardia, Filadelfia ug Laodicea.”

Ginpadayag 1:17

Han pakakita ko ha iya, nahiraptay ako ha iya tiilan. Kinaptan ako han iya tuo nga kamot ngan nagsiring hiya, “Ayaw kahadlok! Amo ako an syahan ngan an kataposan.

Ginpadayag 1:2

ngan iginsumat ni Juan an ngatanan nga iya hinkit-an. Amo ini an iya sumat mahitungod han mensahe han Dyos ngan han kamatuoran nga iginpadayag ni Jesu-Cristo.

Ginpadayag 1:8

“Ako amo an syahan ngan an kataposan,” nasiring an Ginoo nga Dyos nga Labi Kamakagarahum, nga Dyos yana, han naglabay, ngan han tiarabot.

Ginpadayag 19:13

Luob hin dugo an iya hilawig nga bado. “An Pulong han Dyos” amo an iya ngaran.

Ginpadayag 2:8

“Isurat ini ngadto han anghel han singbahan ha Smirna: “Amo ini an tugon tikang ha iya nga amo an syahan ngan an kataposan, nga namatay ngan nabuhi liwat.

Ginpadayag 21:6

Ngan nagsiring hiya, “Nahuman na! Amo ako an syahan ngan an orhe an tinikangan ngan an katapusan. Ha iya nga inuuhaw, ihahatag ko an katungod hin pakainom tikang han burabod han tubig han kinabuhi hin diri hiya mabayad.

Ginpadayag 22:13

Amo ako an syahan ngan an orhe, an tinikangan ngan an katapusan.”

Ginpadayag 3:14

“Isurat ini ngadto han anghel han singbahan ha Laodicea: “Amo ini an tugon tikang han Amen, an kasasarigan ngan matuod nga saksi, nga amo an tikangan han ngatanan nga ginhimo han Dyos.