Jonas 4:8 - Samarenyo Meaning-Based Bible (1984)

⁸ Han pagsirang na han adlaw, nagpadara an Dyos hin mapaso nga hangin nga kabunghan, ngan haros na mahiraptay hi Jonas tungod han kapaso han adlaw nga nasirak ngada han iya ulo. Sanglit naghingyap na la hiya nga mamatay. Nagsiring hiya, “Gabay pa ako mamatay kay mabuhi.”

Jonas 4:8 Iomraidhean Croise

Genesis 41:6

Niyan binmuswak liwat in pito nga lain nga mga uhay hin trigo nga mga kuyapi ngan mga apa tungod han mapaso nga hangin,

1 Hadi 19:4

ngan nagbaktas hi Elias hin bug-os nga adlaw ngadto ha kamingawan. Inmukoy hiya ngan linmingkod ha lindong hin usa nga kahoy, ngan nag-ungara nga mamatay na la hiya. Nag-ampo hiya, “Uraora na ini, O Ginoo. Kuhaa na la an akon kinabuhi; gabay pa ako mamatay!”

1 Hadi 21:4

Inmoli hi Acab nga mabidoon ngan nasisina tungod han iginsiring ha iya ni Nabot. Hinmigda hiya nga naatubang han bungbong, ngan dinmiri hiya hin pagkaon.

An Basahan ni Job 2:10

Binmaton hi Job, “Diri ka nasabot han imo ginyiyinakan! Kon nagpapadara an Dyos ha aton hin kaupayan, aton ini kinakarawat. Kay ano nga magngungurotob kita kon nagpapadara hiya hin kakurian?” Bisan pa dida ha butnga han iya mga pag-antos, waray gud hi Job magyakan hin bisan ano nga pagpasulabi han Dyos.

An Basahan ni Job 7:15

tungod hini, gabay na la ako pitlokon basi mamatay, kay nga mabuhi dida hini nga makalolooy nga lawas.

Mga Salmo 121:6

Kapaso han adlaw di' ka maaano, O bulan ha gab-i di' ka mapapaso.

Mga Salmo 39:9

Mahilom ako, diri ako magyayakan, kay ginpaantos mo ako hin sugad hini.

Ecclesiastes 7:9

Pugngi an imo kapungot; tinuyaw an pagtipig hin pagdumot.

Kanta han mga Kanta 1:6

Ayaw ako pagtamaya tungod han akon panit, kay sinirakan ako han adlaw. Nasina ha akon an akon kabugtoan nga kalalaken-an ngan ginpatrabaho ako nira ha urubasan; ngan waray na ako panahon hin pagmangno han akon kalugaringon.

Isaias 49:10

diri na gud hira gugutomon o uuhawon. Diri makakadaot ha ira an adlaw o an kapaso han kamingawan, kay pagmamandoan hira hin usa nga nahigugma ha ira. Pagdadad-on niya hira ngadto hin mga burabod hin tubig.

Ezequiel 19:12

Kundi ginggabot ini hin maisog nga mga kamot ngan iginlabog ini ngada ha tuna. Gin-uga an mga bunga hini han hangin nga kabunghan. Nagkababanggi an mga sanga hini; nagkauuga ini ngan nasunog.

Oseas 13:15

Bisan maglangbo an Israel sugad hin kabanwaan, magpapadara ako hin mapaso nga hangin nga timog tikang ha kamingawan, ngan magmamara an ira mga burabod ngan mga atabay. Kukuhaon hini an ngatanan nga mga mapulsanon nga butang.

Levitico 10:3

Niyan nagsiring hi Moises kan Aaron, “Amo ini an iginhimangraw han Ginoo han iya pagsiring, ‘Kinahanglan magtahod han akon pagkabaraan an ngatanan nga nag-aalagad ha akon; igpapadayag ko an akon himaya ngadto han akon mga tawo.’” Kundi hinmilom la hi Aaron.

Jonas 1:17

Ha pagsugo han Ginoo, ginlam-oy hi Jonas hin dako nga isda, ngan nakadto hiya ha tiyan han isda sulod hin tulo ka adlaw ug gab-i.

Jonas 1:4

Kundi nagpadara an Ginoo hin makusog nga subasko. Makusog ini hin duro sanglit haros na maruba an sakayan.

Jonas 4:3

Sanglit, Ginoo, tugoti na la nga mamatay ako. Gabay pa ako mamatay kay mabuhi.”

Jonas 4:9

Kundi nagsiring ha iya an Dyos, “Ano an imo katungod hin pagkasina hiunong han tanom?” Binmaton hi Jonas, “May-ada ko gud katungod hin pagkasina—pagkasina nga angay ikamatay!”

Mateo 20:12

Nagsiring hira, ‘Iini nga mga tawo nga orhe magtrabaho, nagtrabaho sulod hin usa ka oras la, samtang kami nagtrabaho ha bug-os nga adlaw, ngan nag-antos han kapaso han adlaw. Kay ano nga gintagan mo hira pareho han iginhatag mo ha amon?’

Ginpadayag 3:19

Ginbubusaan ngan ginkakastigo ko adton akon hinihigugma. Pagmatadong ngan bayai an imo mga sala.

Ginpadayag 7:16

Diri na gud hira gugutomon o uuhawon; diri na hira mag-aantos han kapaso han adlaw o han bisan ano nga maping-it nga kapaso,

1 Samuel 3:18

Sanglit iginsumat ha iya ni Samuel an ngatanan; waray gud niya iginlirong nga bisan ano. Nagsiring hi Eli, “Amo hiya an Ginoo; tutumanon niya an bisan ano nga maupay gud buhaton niya.”