Jonas 4:2 - Samarenyo Meaning-Based Bible (1984)

² Sanglit nag-ampo hiya, “Ginoo, diri ba ako nagsiring ha imo han waray pa ako lalakat nga amo gud ini an imo pagbubuhaton? Sanglit nagtalinguha ako hin pagkalagiw ngadto ha Espania! Maaram ako nga mahigugmaon ngan malolooyon ka nga Dyos, dayuday mapailobon, dayuday malolooyon, ngan dayuday andam hin pagliwat han imo hunahuna ngan diri hin pagkastigo.

Jonas 4:2 Iomraidhean Croise

1 Hadi 19:4

ngan nagbaktas hi Elias hin bug-os nga adlaw ngadto ha kamingawan. Inmukoy hiya ngan linmingkod ha lindong hin usa nga kahoy, ngan nag-ungara nga mamatay na la hiya. Nag-ampo hiya, “Uraora na ini, O Ginoo. Kuhaa na la an akon kinabuhi; gabay pa ako mamatay!”

Mga Salmo 103:8

An Ginoo maloloy-on ug mahigugmaon, mahinay masina, may gugma nga dayon.

Mga Salmo 145:8

Ginoo mahigugmaon, maloloy-on, mahinay masina, may gugma nga dayon.

Mga Salmo 78:38

Kundi maloloy-on an Dyos han iya katawhan, iya ginpapasaylo an ira mga kasal-anan; waray man niya puoha an ngatanan, agsob nga an iya kasina iya ginpupudngan.

Mga Salmo 86:15

Kundi ikaw Dyos an mahigugmaon ug maloloy-on, kanunay mailobon ug matinumanon.

Mga Salmo 86:5

Maupay ka ha amon ngan maloloy-on, hadton nag-aampo ha imo, ikaw mahigugmaon.

Mga Salmo 90:13

Tubtob san-o an imo kasina ha amon, Ginoo, kalooyi an mga surugoon nimo.

Exodo 32:14

Sanglit ginliwat han Ginoo an iya hunahuna, ngan waray na ipadara ngadto han iya mga tawo an karat-an nga iya ginhunahuna.

Jeremias 18:8

kundi kon tungod hini bumaya ito nga nasod han iya pagkamaraot, diri ko pagbubuhaton an akon iginsiring.

Jeremias 20:7

Ginlimbongan mo ako, O Ginoo, ngan nalimbongan ako. Makurukusog ka kay ha akon, ngan linupigan mo ako. Ginbibiaybiay ako han ngatanan; gintitinawaan ako nira ha bug-os nga adlaw.

Jeremias 26:13

Kinahanglan pagliwaton niyo an paagi han iyo kinabuhi ngan an mga butang nga iyo binubuhat, ngan kinahanglan pagsugton niyo an Ginoo nga iyo Dyos. Kon pagbuhaton ini niyo, pagliliwaton niya an iya hunahuna hin pagbungkag nga iya iginsiring nga iya ipapadara ha iyo.

Jeremias 42:10

‘Kon karuyag niyo magpadayon hin pag-ukoy dinhe hini nga tuna, pagtitindogon ko kamo ngan diri ko kamo pagpupukanon; igtatanom ko kamo ngan diri ko kamo gagaboton. Nakapabido hin duro ha akon an karat-an nga gindara ko ha iyo.

Amos 7:3

Nagliwat an Ginoo han iya hunahuna ngan nagsiring, “Diri mahinanabo an imo hinkit-an.”

Amos 7:6

Nag-iba na liwat an Ginoo han iya hunahuna ngan nagsiring, “Diri liwat ini mahinanabo.”

Jonas 1:3

Kundi nagtipahirayo lugod hi Jonas basi makalikay hiya han Ginoo. Kinmadto hiya ha Jope, diin nakaagi hiya hin sakayan nga tigirikan na ngadto ha Espania. Binaydan niya an iya pasahe ngan sinmakay tipakadto ha Espania basi mahirayo hiya han Ginoo.

Jonas 3:10

Hinkit-an han Dyos an ira ginbuhat; hinkit-an niya nga binayaan nira an magraot nira nga mga panggawi. Sanglit ginliwat niya an iya hunahuna ngan waray hira pagkastigoha sumala han iya ginsaad ha ira.

Jonas 3:9

Manggad na la magliwat an Dyos han iya hunahuna; manggad na la umukoy na hiya hin kasina ngan diri kita magkamatay!”

Miqueas 7:18

Waray na iba nga diyos nga sugad ha imo, O Ginoo; nagpapasaylo ka han mga sala han imo mga tawo nga nanhisalin nga buhi. Diri ka nagpapabilin hin kasina ha kadayonan, kundi nalilipay ka hin pagpakita ha amon han imo dayuday nga paghigugma.

Lucas 10:29

Kundi karuyag magpakamatadong ha iya kalugaringon an magturutdo han balaod, sanglit nagpakiana pa hiya kan Jesus, “Hin-o man an akon igkasi-tawo?”

Deuteronomio 4:31

Maloloy-on hiya nga Dyos. Diri kamo niya babayaan o pupuohon, ngan diri niya hingangalimtan an ginsaaran nga ginhimo niya ha iyo mga ginikanan.