Jonas 2:9 - Samarenyo Meaning-Based Bible (1984)

⁹ Kundi magkakanta ako hin mga pagdayaw ha imo; paghahalaran ko ikaw hin halad nga tinubod, ngan pagtutumanon ko an akon iginsaad. Natikang ha Ginoo an katalwasan!”

Jonas 2:9 Iomraidhean Croise

Genesis 35:3

Mabaya kita dinhe ngan makadto kita ha Betel diin magtitindog ako hin usa nga altar para han Dyos nga binmulig ha akon ha panahon han akon kakurian, ngan nagin kaupod ko ha ngatanan nga dapit nga akon kinakadtoan.”

2 Samuel 15:7

Katapos hin upat ka tuig, nagsiring hi Absalon kan Hadi David, “Tugoti ako hin pagkadto ha Hebron basi makatuman ako han akon iginsaad han Ginoo.

An Basahan ni Job 22:27

Kon mag-aampo ka, babatonon ka niya, ngan tutumanon mo an mga pagsumpa nga imo iginsaad.

Mga Salmo 107:22

maghalad hin mga tinubod gud hira; ha pagpasalamat, maglipay, magkanta, igsumat gud tanan nga ginbuhat niya.

Mga Salmo 27:1

An Dyos akon kapawa ug katalwasan, sanglit waray sadang ko nga kahadlokan. Sinasalipdan ako ha kataragman, hin kakulba diri ako hisasakban.

Mga Salmo 3:8

An katalwason natikang han Ginoo— pagbendisyonan unta niya an iya katawhan.

Mga Salmo 50:14

An pagpasalamat asay ighalad niyo ngadto ha Dyos, ngan ihatag han Labi Kamakagarahum an iyo iginsaad.

Mga Salmo 50:23

An pagpasalamat amo an tinubod nga unong nga nagpapasidungog ha akon, ngan tatalwason ko gud an ngatanan nga nagsusugot ha akon.”

Mga Salmo 68:20

an Dyos nga natalwas nga Dyos naton yana. Hiya an Ginoo, an Ginoo naton, nga nagtatalwas tikang han kamatayon.

Mga Salmo 95:2

Hin pagpasalamat ngadto kit' ha iya, magrugya hin mga pagdayaw nga kanta,

Isaias 45:17

Kundi gintalwas han Ginoo an Israel ngan ha kadayonan an pagdarag-an han Israel; diri gud kaaalohan an iya mga tawo!’”

Jeremias 33:11

an gogliat hin pagrayhak ngan pagkalipay ngan an maglipayon nga mga tingog hin mga kombite hin pagkasal. Hibabatian mo in nagkakaranta nga mga tawo samtang nagdadara hira hin mga halad hin pagpasalamat ngadto han akon Templo; masiring hira, ‘Pagpasalamat ngadto han Ginoo nga Labi Kamakagarahum, kay maupay hiya, ngan waray kataposan an iya paghigugma.’ Paghihimoon ko ini nga tuna nga sugad hin kamainuswagon han hadto anay. Ako nga Ginoo an nagyakan.”

Oseas 14:2

Balik ngadto han Ginoo ngan ighalad niyo ha iya ini nga pag-ampo: “Pasayloa kami han ngatanan nga amon mga sala ngan karawta an amon pag-ampo, ngan pagdadayawon ka namon sumala han amon iginsaad.

Juan 4:22

Diri kamo nga mga Samaritano maaram kon hin-o an iyo ginsisingba; maaram kami nga mga Judiyo han amon ginsisingba, kay natikang ha mga Judiyo an katalwasan.

Mga Buhat 4:12

Hiaagian an katalwasan pinaagi gud la ha iya. Kay ha bug-os nga kalibutan waray lain nga ngaran nga iginhatag han Dyos ha mga tawo, nga sadang makatalwas ha aton.”

Mga Taga-Roma 12:1

Sanglit, kabugtoan ko, tungod han dako nga kalooy han Dyos ha aton, nanginginyupo ako ha iyo; ighalad niyo ngadto sa Dyos an iyo kalugaringon sugad hin buhi nga halad nga tinubyan ha pag-alagad ha iya, ngan nakakalipay ha iya. Amo ini an matuod nga pagsingba nga angay niyo ighalad.

Deuteronomio 23:18

Ayaw liwat gamita in kwarta nga tikang hini nga paagi didto ha Templo han Ginoo nga iyo Dyos ha pagtuman hin usa nga saad. Nangangalas an Ginoo hin sugad nga mga kababayen-an o kalalaken-an didto ha templo.

Hebreo 13:15

Sanglit dayuday paghalad kita hin mga pagdayaw ngadto han Dyos sugad hin aton sakripisyo pinaagi kan Jesus; ha aton pa, dayuday pasalamatan ta an iya ngaran pinaagi han aton mga im-im.

Ginpadayag 7:10

Naggoliat hira ha dako nga tingog: “An katalwasan natikang han aton Dyos nga nalingkod ha trono, ngan han Kordero!”

1 Samuel 12:21

Ayaw na kamo pagsunod hin diri matuod nga kadiyosan; diri ini makakabulig o makakatalwas ha iyo, kay diri ini matuod.