Jonas 2:4 - Samarenyo Meaning-Based Bible (1984)

⁴ Naghunahuna ako nga ginpaiwas na ako tikang ha imo atubangan, ngan diri na gud makakakita han imo baraan nga Templo.

Jonas 2:4 Iomraidhean Croise

1 Hadi 8:48

Kon didto hito nga tuna magbasol hira hin tinuod ngan kinasingkasing, ngan mag-ampo hira ha imo nga naatubang nganhi hini nga tuna nga imo iginhatag ha ira kaapoy-apoyan, hini nga syudad nga imo ginpili, ngan hini nga Templo nga akon gintindog para ha imo,

1 Hadi 9:7

tungod hini kukuhaon ko an akon mga tawo nga Israel tikang han tuna nga akon iginhatag ha ira. Akon liwat pababay-an ini nga Templo nga akon ginhalad nga pagsisingbahan ha akon ngan pag-iintrimisan ngan pagtatamayon an Israel han mga tawo ha ngatanan nga dapit.

2 Cronicas 6:38

Kon didto hito nga tuna magbasol hira hin tinuod ngan kinasingkasing ngan mag-ampo ha imo nga naatubang hira hini nga tuna nga imo iginhatag ha amon kaapoy-apoyan, hini nga syudad nga imo ginpili, ngan hini nga Templo nga gintindog ko para ha imo,

Mga Salmo 31:22

Nahadlok ako ngan naghunahuna nga gintabog na ako niya tikang ha iya atubangan. Kundi binmati hiya han akon pangaraba, han pagtawaga ko ha iya hin pakibulig.

Mga Salmo 42:8

Ipakita unta han Ginoo an iya dayuday nga paghigugma ha adlaw basi makagkanta ako ha gab-i, pag-ampo ngadto han Dyos han akon kinabuhi.

Mga Salmo 5:7

Kundi tungod han imo dako nga gugma makakasulod ako ngadto ha imo balay; Makakasingba ako ha imo baraan nga Templo ngan mayukbo ako pagtahod ha imo.

Mga Salmo 88:6

Iginlabog mo ako ngadto han mga kahiladman han lubnganan, ngadto han gisisiromi ngan gihihilaromi nga luong.

Mga Salmo 88:7

Dinadat-ogan ako han imo kasina, ngan narurugmok ako ha ilarom han mga balod hito.

Isaias 38:17

Mahihimo nga kamurayaw an akon kapaitan. Gintalwas mo an akon kinabuhi tikang ha ngatanan nga kataragman; Ginpasaylo mo an ngatanan ko nga mga sala.

Isaias 49:14

Kundi nagsiring an mga tawo han Jerusalem, “Ginsikway na kami han Ginoo! Hinngalimtan na kami niya.”

Jeremias 15:1

Niyan nagsiring ha akon an Ginoo, “Bisan kon tumindog dinhe hira Moises ug Samuel hin pakimalooy ha akon, diri gud ako malolooy hini nga mga tawo. Paiwasa hira; ipahirayo hira ha akon atubangan.

Jeremias 7:15

Paiiwason ko kamo ha akon atubangan sugad han akon pagpaiwas han iyo kauropdan nga mga tawo han Israel. Ako nga Ginoo an nagyakan.”

Pagnguyngoy 3:54

Nalampo ako han tubig ngan naghunahuna ako nga hirani na ha akon an kamatayon.

Ezequiel 37:11

Nagsiring ha akon an Dyos, “Anak hin tawo, sugad an mga tawo han Israel hini nga mga tul-an. Nasiring hira nga uga na hira, nga waray na gud paglaom, ngan waray na kabubwason.

Daniel 6:10

Han paghibaro ni Daniel nga ginpirmahan na an sugo, inmoli hiya. Didto hin usa nga igbaw nga kwarto han iya balay may mga bintana nga naatubang ngadto ha Jerusalem. Didto, sugad han iya nababatasan, linmuhod hiya didto han binuksan nga bintana ngan nag-ampo nakakatulo ngadto ha Dyos ha kada adlaw.

Jonas 2:7

Han pag-abat ko nga nagtitikaluya na ako, nag-ampo ako ha imo, O Ginoo, ngan hinbatian mo ako didto han imo baraan nga Templo.