Joel 3:9 - Samarenyo Meaning-Based Bible (1984)

⁹ “Ipahibaro ini dida han kanasoran: ‘Pag-andam hin pakiaway; tawga an iyo mga paraaway; tiroka an ngatanan niyo nga mga sondalo ngan sulong na kamo!

Joel 3:9 Iomraidhean Croise

Mga Salmo 96:10

Sidnga'n kanasoran, “Ginoo hadi na! An kalibutan ginpahimutang niya. Diri mabantad kay iya ginparig-on, katawhan paghuhukman gud hin matadong.”

Isaias 34:1

Kadi kamo, nga tawo han ngatanan nga kanasoran! Pag-alirong kamo ngan pamati. Pakadi ngan pamati kamo, an bug-os nga tuna, ngan an ngatanan nga nag-uokoy ha tuna.

Jeremias 31:10

Nasiring an Ginoo, “Kanasoran, pamati kamo ha akon, ngan igsangyaw an akon mga pulong didto han hirayo nga kabaybayonan. Ginpasarang ko an akon mga tawo, kundi pagtitirokon ko hira, ngan pagbabantayan ko hira sugad hin usa nga magmarangno nga nagbabantay han iya panon.

Jeremias 50:2

“Igpahayag an sumat ngadto han mga nasod! Igsangyaw ini! Ighatag an sinyal ngan igpahibaro an sumat! Ayaw ini pagtagoa! Napukan na an Babilonia! Narumok na hi Mardok nga iya diyos! Naalohan an mga diyosdiyos han Babilonia, nagkapupusak an iya makapupungot nga mga ladawan!

Jeremias 51:11

Gintukso han Ginoo an kahadian han Media kay an iyo tuyo amo an pagbungkag han Babilonia. Amo ini an iya paagi hin pagbulos tungod han pagbungkaga han iya Templo. Nasugo an nasulong nga mga opisyal, “Pamaira an iyo mga pana! Andama an iyo mga taming!

Jeremias 51:27

“Ighatag na an sinyal hin pagsulong! Pagpatunog na han trompeta basi makabati an mga nasod! Andama an mga nasod hin pakig-away kontra han Babilonia! Sidnga an mga ginhadian han Ararat, Mini, ug Askenas nga masulong hira. Pagtudlok hin usa nga opisyal nga mangungulo han pagsulong. Dad-a an kakabayohan nga sugad hin panon hin mga duron.

Jeremias 6:4

Masiring hira, “Pag-andam hin pagsulong han Jerusalem! Pag-andam! Masulong kita yana nga udto!” Kundi masiring hira, “Orhe na kita hin duro, tikaturunod na an adlaw, ngan matikang na an kamasirom han kagab-ihon.

Ezequiel 38:17

Ikaw amo an akon hinnabihan hin maiha na, han pagpahibaro ko pinaagi han akon mga surugoon nga mga manaragna han Israel, nga ha mga adlaw nga tiarabot, magdadara ako hin usa nga masulong han Israel.” An Ginoo nga Dyos an nagyakan.

Ezequiel 38:7

Sidnga hiya nga mag-andam hiya ngan ha iya pagsugo mag-andam liwat an ngatanan niya nga kasondalohan.

Miqueas 3:5

Ginlilimbongan an akon mga tawo hin mga manaragna nga nagsasaad hin kalinaw hadton mga nagbabayad ha ira, kundi gintatarhog hin away adton mga diri nagbabayad. Nasiring an Ginoo ngadto hini nga mga manaragna,

Hageo 2:7

Pupukanon ko an ngatanan nga kanasoran, ngan pagdadad-on ko nganhi an mga manggad hini, ngan mapupuno hin manggad an Templo.

Zacarias 14:2

Pagtitirokon han Ginoo an ngatanan nga mga nasod hin pakiaway han Jerusalem. Makukuha an syudad, paninikasan an kabablayan, ngan panlulugoson an kababayen-an. Bibihagon an katunga han mga tawo, kundi diri kukuhaon tikang han syudad an iba ha ira.

Zacarias 14:3

Niyan magawas an Ginoo ngan makikiaway hiya hadto nga mga nasod sugad han pakiaway niya han nag-agi nga mga panahon.