Joel 3:8 - Samarenyo Meaning-Based Bible (1984)

⁸ Ipapabaligya ko an iyo mga anak nga kalalaken-an ug kababayen-an ngadto han mga tawo han Juda; ira igbabaligya hira ngadto han mga Sabiyanhon nga higrayo hin duro. Ako nga Ginoo an nagyakan.

Joel 3:8 Iomraidhean Croise

An Basahan ni Job 1:15

Tigda la nga sinmulong an mga Sabiyanhon ngan pinanikas ini ngatanan. Pinamatay nira an ngatanan nimo nga mga surugoon labot ha akon. Ako gudla an nakapalagiw hin pagsumat ha imo.”

Mga Salmo 72:10

Kahadian ha kapupud-an, Espania, hin mga regalo ha iya magdara; mga hadi ha Arabia ug Etiopia, magdadara'n mga halad nga't ha iya.

Isaias 60:14

Magkakaabot an mga anak nga kalalaken-an hadton mga nagtalumpigos ha imo, Ngan mayukbo hira hin pagtahod ha imo. Magsisingba ha imo tiilan an ngatanan nga hadto anay nagtamay ha imo. Tatawgon ka nira, ‘An Syudad han Ginoo.’ ‘Sion, an Syudad han Baraan nga Dyos han Israel.’

Jeremias 30:16

Kundi yana, lalamonon an ngatanan nga naglamon ha iyo, ngan mabibihag an ngatanan niyo mga kaaway. Pagraraogdaogon an ngatanan nga nagraraogdaog ha iyo, ngan paninikasan an ngatanan nga nanikas ha iyo.

Jeremias 6:20

Ano an labot ko han insyenso nga ira gindadara ha akon tikang ha Seba, o han mga pahamot tikang ha hirayo nga tuna? Diri ako makarawat han ira mga halad o malilipay ha ira mga halad nga tinubod.

Ezequiel 23:42

Mababatian an tingog hin nagrurugyaw nga mga tawo, nga usa ka hugpo hin kalalaken-an nga gindara tikang han kamingawan. Sinusul-otan nira hin mga pulseras an mga butkon han kababayen-an ngan hin magtahom nga mga korona an ira mga ulo.

Ezequiel 38:13

Mapakiana ha imo an mga tawo han Seba ug Dedan, ngan an mga magparatigayon nga tikang han mga bungto han Espania, ‘Gintirok mo ba an imo mga kasondalohan ngan sinmulong ka basi manikas ngan mangawat? Naghuhunahuna ka ba hin pagkuha hin salapi ug bulawan, kabakahan ngan mga hiagi, ngan paglakat dara ito ngatanan nga mga pinanikas?’”

Deuteronomio 32:30

Kay ano nga ginpirde hin usa ka tawo in usa ka yukot, ngan hin duha la ka tawo an napulo ka yukot? Ginbayaan hira han Ginoo nga ira Dyos; iginsalikway hira han ira makagarahum nga Dyos.

Mga Maghurukom 2:14

Sanglit napungot han Israel an Ginoo ngan itinugot han Ginoo nga sulongon ngan panikasan hira; nga marikopo hira han ira mga kaaway, ngan an mga Israelita waray na gud makakapanalipod ha ira ngahaw.

Mga Maghurukom 4:2

Sanglit itinugot han Ginoo nga mabihag hira ni Jabin, usa nga Canaanhon nga hadi nga naghadi ha syudad han Hasor. An pangulo han iya kasondalohan amo hi Sisera nga nag-ukoy didto ha Haroset.

Mga Maghurukom 4:9

Binmaton hi Debora, “Hala, maupod ako ha imo, kundi diri ka gud makarawat hin dungog han pagdarag-an, kay itutubyan han Ginoo hi Sisera ngadto hin usa nga babaye.” Sanglit inmupod hi Debora kan Barac ngadto ha Cades.