Joel 3:7 - Samarenyo Meaning-Based Bible (1984)

⁷ Yana, pagagawson ko hira tikang han mga dapit nga iyo ginbaligyaan ha ira. Pagbubuhaton ko ha iyo an ginbuhat niyo ha ira.

Joel 3:7 Iomraidhean Croise

Ester 7:10

Sanglit ginbitay hi Aman dida han biritayan nga ginpatindog niya para kan Mardoqueo. Niyan napuypoy an kasina han hadi.

Isaias 11:12

Iisahon han Ginoo in tigaman nga bandera ha pagpakita han kanasoran nga gintitirok na liwat niya an nagsarang nga mga tawo han Israel ug Juda, ngan ibabalik hira tikang han upat nga mga kanto han tuna.

Isaias 49:12

Maabot an akon mga tawo tikang ha kahigrayoan, tikang ha amihanan ngan ha katundan, ngan tikang ha Aswan didto ha timogan.”

Isaias 66:6

Pamati! Ito nga dako nga aringasa didto han syudad, ito nga aringasa didto han Templo amo an aringasa han Ginoo nga nagkakastigo han iya mga kaaway!

Jeremias 23:8

Lugod magsusumpa hira pinaagi ha akon sugad nga buhi nga Dyos nga nagpagawas han mga tawo han Israel tikang hin usa nga tuna ha amihanan ngan tikang han iba nga mga nasod nga ginpasadngan ko ha ira. Niyan mag-uokoy na hira didto han ira kalugaringon nga tuna.”

Jeremias 30:10

“Ayaw kamo kahadlok, akon mga tawo; ayaw kalisang, mga tawo han Israel. Babawion ko kamo tikang hito nga hirayo nga tuna, han tuna nga diin mga bihag kamo. Mauli kamo ngan mag-uokoy ha kalinaw; himyang na an iyo kamutangan ngan waray na maghahadlok ha iyo.

Jeremias 30:16

Kundi yana, lalamonon an ngatanan nga naglamon ha iyo, ngan mabibihag an ngatanan niyo mga kaaway. Pagraraogdaogon an ngatanan nga nagraraogdaog ha iyo, ngan paninikasan an ngatanan nga nanikas ha iyo.

Jeremias 31:8

Pagdadad-on ko hira tikang ha amihanan, ngan pagtitirokon ko hira tikang han mga sidsid han tuna. Maupod ha ira an mga buta ngan an mga piay, an burod nga kababayen-an ngan an mga tipag-aranak. Mabalik hira nga usa na nga dako nga nasod.

Jeremias 32:37

Pagtitirokon ko an mga tawo tikang han ngatanan nga mga nasod nga akon ginpasarangan ha ira tungod han akon kasina ngan kapungot, ngan igbabalik ko hira nganhi hini nga dapit ngan pauokyon ko hira dinhe hin waray kahadlok.

Ezequiel 36:24

Kukuhaon ko kamo tikang han tagsa nga nasod ug tuna ngan ibabalik ko kamo ngadto han iyo kalugaringon nga tuna.

Ezequiel 38:8

Katapos hin damo nga mga tuig susugoon ko hiya hin pagsulong hin usa nga tuna diin an mga tawo gintirok tikang hin damo nga mga nasod ngan nag-ukoy hin waray na kahadlok hin araway. Susulongon niya an kabukiran han Israel, nga nagmamingaw ngan binayaan hin maiha na, kundi nag-uokoy na yana hin waray kataragman an ngatanan nga mga tawo.

Joel 3:4

“Tiro, Sidon, ug bug-os nga Filistia ano an iyo karuyag buhaton ha akon? Karuyag ba niyo bumulos tungod han akon nabuhat? Kon amo man, bubulson ko kamo dayon!

Zacarias 9:13

Gagamiton ko an Juda sugad hin bawog hin sondalo, ngan an Israel sugad hin mga pana. Gagamiton ko an mga tawo han Sion sugad hin espada, pakiaway han mga tawo han Grecia.”

Mateo 7:2

Kay paghuhukman kamo han Dyos sumala han paghukom niyo han iba, ngan an iyo igsusukol han iba amo man an gagamiton ha iyo.

2 Mga Taga-Tesalonica 1:6

Bubuhaton han Dyos an matadong: papapag-antoson niya an mga nagpapaantos ha iyo,

Santiago 2:13

Kay diri malolooy an Dyos kon maghukom na hiya han tawo nga waray pagkalooy. Kundi dinadaog gud han kalooy an paghukom.

Ginpadayag 13:10

Bibihagon manta an birihagon, papatayon manta pinaagi hin espada an paratayon pinaagi hin espada. Nagkikinahanglan ini hin pagpailob ngan pagtoo para han mga magtinuohon.”

Ginpadayag 16:6

Gin-ula han mga tawo an dugo han mga magtinuohon ngan han mga manaragna, ngan ginpainom mo hira hin dugo. Amo ini an angay ha ira!”

Ginpadayag 19:2

Matuod ngan matadong an iya mga paghukom! Ginhukman niya ha karat-an an babaye nga maraot an bantog nga nakakadarahig han tuna pinaagi han iya maghilas nga kalaw-ayan. Ginsirotan hiya han Dyos kay iya ginpamatay an iya mga surugoon.”

Mga Maghurukom 1:7

Nagsiring hi Adonisedec, “Setenta nga kahadian nga pinangutdan han mga tamuragko han ira mga tiil ngan mga kamot in nakahimo hin pagtimod han mga salin ha ilarom han akon lamesa. Ginbuhat na yana ha akon han Dyos an akon ginbuhat ha ira.” Gindara hiya ngadto ha Jerusalem diin didto hiya namatay.

1 Samuel 15:33

Nagsiring hi Samuel, “Sugad nga pinaagi han imo espada nawarayan anak in damo nga mga iroy, sanglit yana mawawarayan man anak an iroy nimo.” Ngan iya gintirotigbas hi Agag ha atubangan han altar didto ha Gilgal.