Joel 3:5 - Samarenyo Meaning-Based Bible (1984)

⁵ Ginkuha niyo an akon salapi ug bulawan, ngan gindara niyo ngadto han iyo mga templo an akon mahal nga mga manggad.

Joel 3:5 Iomraidhean Croise

2 Hadi 12:18

Kinuha ni Hadi Joas han Juda an ngatanan nga mga halad nga iginhalad ngadto han Ginoo nira Hadi Josafat, Joram, ug Ahasias nga mga una ha iya, upod an kalugaringon niya nga mga halad, ngan an ngatanan nga bulawan ha mga hirimosan han Templo ngan han palasyo, ngan iginpadara ini nga regalo kan Hadi Hasael. Niyan binmaya han Jerusalem hi Hadi Hasael.

2 Hadi 16:8

Ginkuha ni Acas ha Templo ngan ha hirimosan han palasyo an salapi ug bulawan ngan ginpadara ini nga regalo.

2 Hadi 24:13

ngan gindara ha Babilonia an ngatanan nga mga manggad han Templo ngan han palasyo. Sumala han igintagna han Ginoo, ginbuong ni Nabucodonosor an ngatanan nga bulawan nga mga garamiton nga ginhimo ni Hadi Solomon para ha Templo nga paggamit.

Isaias 11:11

Kon umabot na ini nga adlaw gagamiton na liwat han Ginoo an iya gahom ngan pauulion adton iya mga tawo nga nahibilin didto ha Asiria, ha Ehipto, didto han katunaan han Patros, Sudan, Elam, Babilonia, ug Hamat, ngan didto han kabaybayonan ngan mga puro ha dagat.

Jeremias 23:7

Nasiring an Ginoo, “Maabot an panahon nga diri na an mga tawo magsusumpa pinaagi ha akon sugad nga amo an buhi nga Dyos nga nagpagawas han mga tawo han Israel tikang ha tuna han Ehipto.

Jeremias 50:28

Nalikay tikang ha Babilonia in mga kalagiw ngan napakadto ha Jerusalem, ngan nagsusumat hira hiunong han pagbulos han Ginoo nga aton Dyos tungod han ginbuhat han iya Templo han mga Babilonianhon.)

Jeremias 51:11

Gintukso han Ginoo an kahadian han Media kay an iyo tuyo amo an pagbungkag han Babilonia. Amo ini an iya paagi hin pagbulos tungod han pagbungkaga han iya Templo. Nasugo an nasulong nga mga opisyal, “Pamaira an iyo mga pana! Andama an iyo mga taming!

Ezequiel 37:12

Sanglit panagna ngadto han akon mga tawo, an Israel, ngan sidnga hira nga bubuksan ko, an Ginoo nga Dyos, an ira mga lubnganan. Igagawas ko hira ngan ibabalik hira ngadto han tuna han Israel.

Daniel 11:38

Pagpapasidunggan lugod niya an diyos nga amo an nananalipod han madig-on nga mga kota. Maghahalad hiya hin bulawan, salapi, mga alahas, ngan iba pa nga mahal nga mga regalo ngadto hin usa nga diyos nga waray pa gud pagsingbaha han iya kaapoy-apoyan.

Abdias 1:17

“Kundi didto han Bukid Sion may pira nga makalagiw, ngan magigin baraan ini nga dapit. Pagtatag-iyahon han mga tawo ni Jacob an ira ngahaw kalugaringon nga tuna.