Joel 3:4 - Samarenyo Meaning-Based Bible (1984)

⁴ “Tiro, Sidon, ug bug-os nga Filistia ano an iyo karuyag buhaton ha akon? Karuyag ba niyo bumulos tungod han akon nabuhat? Kon amo man, bubulson ko kamo dayon!

Joel 3:4 Iomraidhean Croise

2 Cronicas 21:16

May mga Filisteohanon ngan mga Arabeanhon nga nag-ukoy hirani han gin-ukyan hin mga Sudanhon ha ligid han baybayon. Gin-aghat hira han Ginoo hin pakig-away kan Joram.

Isaias 14:29

Mga tawo han Filistia, nabari an tungkod nga naghampak ha iyo, kundi ayaw kamo pagkalipay, kay kon napatay in usa nga halas nasaliwan liwat in labaw pa hin kamalara nga halas ngan nahihimo ini nga nalupad nga dragon!

Isaias 34:8

Amo ini an panahon nga tatalwason han Ginoo an Sion ngan pipirdehon niya an iya mga kaaway.

Isaias 59:18

Kakastigohon niya an iya mga kaaway sumala han ira nabuhat, bisan pa adton mga nag-uokoy didto han higrayo nga katunaan.

Jeremias 47:1

Han waray pa susulonga an Gasa han hadi han Ehipto, naghimangraw ha akon an Ginoo mahitungod han Filistia.

Jeremias 47:4

Inmabot na an panahon hin pagbungkag han Filistia, hin pag-utod tikang ha Tiro ug Sidon han ngatanan nga bulig nga nahibibilin. Ako nga Ginoo an magbubungkag han mga Filisteohanon, han ngatanan nga nagkaabot tikang ha kabaybayonan han Creta.

Jeremias 51:6

Palagiw kamo tikang ha Babilonia! Talwasa an iyo mga kinabuhi! Ayaw kamo pakig-unong tungod han sala han Babilonia. Nabulos na ako yana ngan kakastigohon ko sugad han angay ha iya.

Joel 2:10

Nababay-og an tuna kon nasulong hira; nangungurog an langit. Nagsisirom an adlaw ngan an bulan, ngan diri na nasilaw an mga bitoon.

Joel 2:2

Masirom ngan madulom ini nga adlaw, maitom ngan madampog nga adlaw. Nasulong an dako nga kabalay hin mga duron, sugad hin kasisidman nga nakakalukop ha igbaw han kabukiran. Waray pa gud sugad hini hadto ngan waray na gud masusugad hini.

Mateo 11:21

“Kairo nimo, Corasin! Kairo man liwat nimo, Betsaida! Kon an mga milagro nga ginbuhat dida ha iyo didto pa pagbuhata ha Tiro ngan ha Sidon, maiha na unta an mga tawo didto nga nagsusul-ot hin sako ngan nagsaribo hin agbon ha ira mga ulo, hin pagpakita nga binmaya na hira han ira mga sala.

Mateo 11:22

Sanglit, hinumdomi nga ha Adlaw han Paghukom, labaw pa nga malolooy an Dyos han mga tawo han Tiro ug Sidon kay ha iyo!

Lucas 10:13

“Kamakaharadlok an mahinanabo ha imo, Corasin! Kamakaharadlok an mahinanabo ha imo liwat, Betsaida! Kon an mga milagro nga ginbuhat dinhe ha imo didto pagbuhata ha Tiro ug Sidon, maiha na unta nga linmingkod an mga tawo didto, nagbado hin sako, ngan nagsabrag hin agbon ha ira ngahaw, hin pagpakita nga nagbasol na hira han ira mga sala!

Lucas 10:14

Mas kalolooyan pa han Dyos an Tiro ug Sidon, kay ha iyo, ha Adlaw han Paghukom.

Lucas 18:7

Niyan, kon maghukom an Dyos diri ba hiya maugop han iya kalugaringon nga mga tawo nga nasangpit ha iya adlaw gab-i hin pakibulig? Maglalangan ba hiya hin pagbulig ha ira?

Mga Buhat 9:4

Natumba hiya ngan hinbatian niya in tingog nga nasiring ha iya, “Saulo, Saulo, kay ano nga ginpapakurian mo ako?”

Deuteronomio 32:35

Mabulos ngan makastigo ha ira an Ginoo; maabot an panahon nga mapupukan hira; hirani na an adlaw han ira karat-an.

2 Mga Taga-Tesalonica 1:6

Bubuhaton han Dyos an matadong: papapag-antoson niya an mga nagpapaantos ha iyo,

Mga Maghurukom 11:12

Niyan nagsugo hi Jefte hin mga magsarangyaw ngadto han hadi han Amon hin pagsiring, “Ano in iyo pakiaway ha amon? Kay ano nga ginsulong niyo an akon nasod?”