Joel 3:16 - Samarenyo Meaning-Based Bible (1984)

¹⁶ Masinggit an Ginoo tikang ha Bukid Sion; mag-aaningal an iya tingog tikang ha Jerusalem; mangungurog an tuna ug langit. Kundi pananalipdan niya an iya katawhan.

Joel 3:16 Iomraidhean Croise

Mga Salmo 18:2

An Ginoo an naalinsakob ha akon, makusog nga arayopan ngan madig-on. An Dyos an akon sinasalirongan, kon upod ha iya waray kahadlokan. Sukad hin taming iya ako sinasalipdan, ngan dida ha iya waray kabarak-an.

Mga Salmo 29:11

Iya katawhan hin kusog tinagan, hin kalinaw hira ginbendisyonan.

Mga Salmo 61:3

kay ikaw man an akon sinasarigan; ha akon mga kaaway makusog nga darangpan.

Mga Darahonon 18:10

Sugad an Ginoo hin marig-on nga lantawan nga darangpan han mga magtadong basi makalikay hira han karat-an.

Isaias 33:16

Niyan waray niyo sadang kahadlokan; waray niyo kakulba kay sugad kamo hin aadto hin marig-on nga kuta. Diri kamo kukulangan hin pagkaon ngan hin tubig nga irimnon.

Isaias 33:21

Ipapakita ha aton han Ginoo an iya himaya. Mag-uokoy kita ha ligid hin dagko nga mga salog ngan mga sapa, kundi waray mga kaaway nga barko nga magpapasipara hin pag-agi hini nga mga salog ug sapa.

Isaias 42:13

Nagawas an Ginoo hin pakiaway sugad hin paraaway nga andam ngan may karuyag tinguha gud hin pakiaway. Nagoliat hiya hin araway, an goliat ha pag-awayan; ipinapakita niya an iya gahom kontra han iya mga kaaway.

Isaias 51:16

Ginbitad ko an kalangitan ngan ginpahimutang ko an mga patukoranan han tuna; nasiring ako ngadto ha Jerusalem, ‘Akon kamo mga tawo! iginhatag ko ha iyo an akon pagturon-an, ngan pinanalipdan ko kamo pinaagi han akon kamot.’”

Jeremias 16:19

O Ginoo, amo ikaw an nananalipod ngan nagpapakusog ha akon; nabulig ka ha akon ha mga panahon hin kakurian. Mapakada ha imo an mga nasod tikang ha mga sidsid han tuna ngan masiring, “An amon kaapoy-apoyan waray mga butang labot han diri matuod nga kadiyosan, waray gud labot han waray la pulos nga mga diyosdiyos.

Jeremias 17:17

Ayaw gad itugot nga mahadlok ako ha imo; ikaw an akon darangpan kon naabot an kakurian.

Ezequiel 38:19

Igpapahayag ko ha kapaso han akon kapungot nga dida hito nga adlaw magkakamay-ada makusog hin duro nga linog didto han tuna han Israel.

Oseas 11:10

“Masunod ha akon an akon katawhan kon magngurob ako sugad hin liyon han ira mga kaaway. Magdadagmit hira ngadi ha akon tikang ha katundan.

Amos 1:2

Nagsiring hi Amos, “Nagngungurob an Ginoo tikang ha Bukid Sion; nag-aaningal an iya tingog tikang ha Jerusalem. Nagmamara an mga panibsiban, ngan nauuga an kabanwaan didto ha Bukid Carmelo.”

Amos 3:8

Kon magngungurob in liyon, hin-o in diri mahahadlok? Kon naghihimangraw an Ginoo nga Dyos, hin-o in makakapugong hin pagsangyaw han iya mensahe?

Nahum 1:7

Maupay an Ginoo; iya sinasalipdan an iya mga tawo ha mga panahon hin kakurian; minamangnoan niya adton mga nadangop ha iya.

Hageo 2:6

“Diri maiha, pagbabay-ogon ko an langit ug tuna, an kamad-an ug dagat.

Hageo 2:7

Pupukanon ko an ngatanan nga kanasoran, ngan pagdadad-on ko nganhi an mga manggad hini, ngan mapupuno hin manggad an Templo.

Zacarias 10:12

Pakukusgon ko an akon mga tawo; pagsisingbahon ngan pagsusugton ako nira.” An Ginoo an nagyakan.

Zacarias 10:6

“Pakukusgon ko an mga tawo han Juda; tatalwason ko an mga tawo han Israel. Kalolooyan ko hira, ngan dadad-on ko hira hin pag-uli ha ira nasod. Masusugad hira hin waray ko igsalikway. Amo ako an Ginoo nga ira Dyos; babatonon ko an ira mga pag-ampo.

Zacarias 9:12

Balik, kamo nga mga bihag nga malaomon na; balik ngadto han iyo dapit nga darangpan. Sinusumatan ko kamo yana nga doble nga kaupayan an igbabalos ko ha iyo, tungod han ngatanan nga iyo gin-antos.

Hebreo 12:26

Nakabay-og han tuna an iya tingog hadto nga panahon, kundi nagsaad hiya yana, “Babay-ogon ko hin makausa pa diri la an tuna kundi pati an langit.”

Ginpadayag 11:13

Dida dayon nagkamay-ada makusog nga linog; naruba an ikanapulo ka bahin han syudad ngan pito ka yukot nga mga tawo in nagkamatay. Nagkahadlok hin duro an nanhibilin nga mga tawo ngan gindayaw nira an pagkagamhanan han Dyos han langit.

Ginpadayag 11:19

Nabuksan an templo han Dyos didto ha langit, ngan hinkit-an didto an Kahon han Ginsaaran. Ngan nagkamay-ada mga kikidlat, mga dinalugdog, mga lilinti, linog ngan uranos hin mga yelo.

Ginpadayag 16:18

Nagkikidlat, nagdalugdog, naglilinti, ngan linminog hin makusog. Waray pa gud sugad hini hin kamakusog nga linog han paghimoa han tawo; amo ini an gikukusogi han ngatanan nga linog!

1 Samuel 15:29

Diri nagbubuwa o nagbabalhin han iya hunahuna an harangdon nga Dyos han Israel. Diri hiya tawo—diri hiya nagbabalhin han iya hunahuna.”