Joel 3:12 - Samarenyo Meaning-Based Bible (1984)

¹² “Kinahanglan mag-andam an mga nasod ngan kumadto han Kahamub-an han Paghukom. Didto malingkod ako nga Ginoo hin paghukom han ngatanan nga nagpapalibot nga mga nasod.

Joel 3:12 Iomraidhean Croise

2 Cronicas 20:26

Ha ikaupat ka adlaw nagtitirok hira ha Kahamub-an Beraca ngan gindayaw nira an Ginoo tungod han ngatanan nga iya ginbuhat. Amo ito nga gintawag nga “Beraca” ini nga kahamub-an.

Mga Salmo 7:6

Bangon, O Ginoo, tungod han imo kasina! Tindog ngan an pamintas han kaaway asdanga; pagmata, panginano ug buligi ako! An katadongan ha imo an nagsusugo.

Mga Salmo 96:13

ha Ginoo kay maabot hiya gud man, katawhan ha tuna iya paghadian han pagkamatadong ngan kamatuoran.

Mga Salmo 98:9

Kay makanhi hiya, tuna hahadian, iya paghahadian mga katawhan! An bug-os nga tuna hinin kalibutan subay han hustisya ug han kaangayan.

Isaias 2:4

Magtutuhay hiya hin mga kalipongan dida han dagko nga mga nasod. Pipilpigon nira an ira mga espada ngan hihimoon nga mga arado, ngan an ira mga bangkaw hihimoon nga mga garab. Diri na gud makikig-away an mga nasod, diri na gud mag-aandam para hin araway.

Isaias 22:1

Mensahe ini mahitungod han Kahamub-an han Panan-awon. Ano an nahinanabo? Kay ano nga nagsasaurog an ngatanan nga mga tawo han syudad didto han mga atop han kabablayan?

Isaias 3:13

Andam na an Ginoo hin pag-asoy han iya sumbong, andam na hiya hin paghukom han iya mga tawo.

Ezequiel 30:3

Hirani na an adlaw, an adlaw nga magios na an Ginoo. Usa nga adlaw hin mga dampog ngan hin kakurian para han mga nasod.

Ezequiel 39:11

Nagsiring an Ginoo, “Kon mahinabo na ini ngatanan, tatagan ko hi Gog hin lurubngan nga tuna didto ha Israel, didto han Kahamub-an han-mga-Naglalakaton, ha sinirangan han Dagat nga Patay. Didto iglulubong hi Gog ngan an ngatanan niya nga kasondalohan, ngan pagngangaranan an kahamub-an nga ‘Kahamub-an han Kasondalohan ni Gog.’

Joel 3:14

Yinukotyukot an aadto han Kahamub-an han Paghukom. Aadto didto aabot an diri na maiha nga adlaw han Ginoo.

Joel 3:2

Titirokon ko an ngatanan nga mga nasod ngan dadad-on ko hira ngadto han Kahamub-an han Paghukom. Didto paghuhukman ko hira tungod han ngatanan nga ginbuhat nira ngadto han akon mga tawo. Ginpasarang nira an mga Israelita didto hin langyaw nga mga nasod ngan ginbahinbahin nira an Israel nga akon tuna.

Miqueas 4:3

Pagtutuhayon niya in mga kalipongan dida han mga nasod, dida han dagko nga mga kagamhanan nga higrani ngan higrayo. Pagpipilpigon nira an ira mga espada hin paghimo hin mga arado, ngan an ira mga bangkaw hin paghimo hin mga garab. Diri na gud makikig-away an mga nasod, diri na gud hira mangangandam para hin away.

Zacarias 14:4

Dida hito nga panahon matindog hiya didto ha Bukid han mga Olibo, nga aadto ha sinirangan han Jerusalem. Niyan an Bukid han mga Olibo matutunga tungod hin dako nga kahamub-an tikang ha sinirangan ngadto ha katundan. Mababalhin tipaamihan nga dapit an katunga han bukid ngan tipasalatan an katunga hini.

Ginpadayag 19:11

Niyan hinkit-an ko nga nabuksan an langit, ngan nakadto in busag nga kabayo. Matinumanon nga Matuod an ngaran han nasakay hini; an iya katadongan amo an naghuhukom ngan nakikig-away.