Joel 3:11 - Samarenyo Meaning-Based Bible (1984)

¹¹ Pagdagmit ngan pakadi, kamo ngatanan nga nagpapalibot nga mga nasod, ngan pagtitirok kamo didto han kahamub-an.’” Palusara, O Ginoo, an imo kasondalohan hin pagsulong ha ira!

Joel 3:11 Iomraidhean Croise

Mga Salmo 103:20

Kusgan nga mga anghel, dayawa an Ginoo, namamati, natuman han iya mga sugo.

Isaias 10:34

Pupuohon hira han Ginoo sugad hin mga kahoy nga ginpulod hin parakol didto han butnga han kagurangan, sugad nga kapukan han labi ka maupay nga mga kahoy han Libano!

Isaias 13:3

Gintawag han Ginoo an iya mag-isog ngan magsinarigon nga mga sondalo nga makiaway hira para han Ginoo ngan pagkastigohon hira adton nasisinahan niya.

Isaias 37:36

Kinmadto han kampo nga Asiriahanon in usa nga anghel han Ginoo ngan pinamatay niya in 185,000 nga mga sondalo. Ha kaagahon han pagkabuwas, nalunay na hira ngatanan nga patay na!

Joel 3:2

Titirokon ko an ngatanan nga mga nasod ngan dadad-on ko hira ngadto han Kahamub-an han Paghukom. Didto paghuhukman ko hira tungod han ngatanan nga ginbuhat nira ngadto han akon mga tawo. Ginpasarang nira an mga Israelita didto hin langyaw nga mga nasod ngan ginbahinbahin nira an Israel nga akon tuna.

Miqueas 4:12

Kundi diri maaram ini nga mga nasod han hunahuna han Ginoo. Diri hira maaram nga gintirok hira basi pagkastigohon ha sugad nga paagi nga gintitirok an mga inani basi paggiokon.

Sofonias 3:8

“Hulat la,” nasiring an Ginoo. “Hulata an adlaw kon bumangon na ako hin pagsumbong han mga nasod. Ginlarang ko na hin pagtirok hin mga nasod ngan mga ginhadian basi abaton nira an kusog han akon kasina. Pag-uugtangon ko an bug-os nga tuna pinaagi han kalayo han akon kapungot.

2 Mga Taga-Tesalonica 1:7

ngan papapahuwayon kamo nga nag-aantos ngan sugad man kami. Bubuhaton niya ini kon umabot na an Ginoo nga Jesus tikang ha langit, inupdan han iya gamhanan nga mga anghel,

Ginpadayag 19:14

Masunod ha iya an mga kasondalohan han langit, nga nakakasakay hin busag nga mga kabayo, ngan nakakabado hin limpyo ngan mabusag nga lino.