Joel 3:10 - Samarenyo Meaning-Based Bible (1984)

¹⁰ Himoa nga mga espada an mga punta han iyo mga arado ngan himoa nga mga bangkaw an iyo mga garab. Kinahanglan umaway bisan an mga magluya.

Joel 3:10 Iomraidhean Croise

2 Cronicas 25:8

Bangin ka makahunahuna nga makakahimo hira nga magmakusog ka ha pag-awayan, kundi an Dyos amo an may gahom hin paghatag hin pagdarag-an o kapirdehan, ngan ipapapirde ka niya han imo mga kaaway.”

Isaias 2:4

Magtutuhay hiya hin mga kalipongan dida han dagko nga mga nasod. Pipilpigon nira an ira mga espada ngan hihimoon nga mga arado, ngan an ira mga bangkaw hihimoon nga mga garab. Diri na gud makikig-away an mga nasod, diri na gud mag-aandam para hin araway.

Jeremias 51:11

Gintukso han Ginoo an kahadian han Media kay an iyo tuyo amo an pagbungkag han Babilonia. Amo ini an iya paagi hin pagbulos tungod han pagbungkaga han iya Templo. Nasugo an nasulong nga mga opisyal, “Pamaira an iyo mga pana! Andama an iyo mga taming!

Miqueas 4:3

Pagtutuhayon niya in mga kalipongan dida han mga nasod, dida han dagko nga mga kagamhanan nga higrani ngan higrayo. Pagpipilpigon nira an ira mga espada hin paghimo hin mga arado, ngan an ira mga bangkaw hin paghimo hin mga garab. Diri na gud makikig-away an mga nasod, diri na gud hira mangangandam para hin away.

Zacarias 12:8

Dida hito nga panahon pananalipdan han Ginoo adton mga nag-uokoy didto ha Jerusalem, ngan masusugad kan David ka makusog bisan an labi hin kamaluya dida ha ira. An mga tulin ni David magmamando ha ira sugad han anghel han Ginoo, sugad han Dyos ngahaw.

Lucas 13:12

Han paghikit-i ha iya ni Jesus, ginsiring hiya, “Babaye, talwas ka na han imo sakit!”

Lucas 22:36

Nagsiring hi Jesus, “Kundi kon hin-o ha iyo nga may-ada supot o surudlan hin limos kinahanglan nga dad-on niyo yana; ngan an waray espada, kinahanglan magbaligya han iya bado ngan pumalit hin usa.