Biblia Todo Logo
Bìoball air-loidhne

- Sanasan -




Joel 3:1 - Samarenyo Meaning-Based Bible (1984)

1 Nasiring an Ginoo, “Hito nga panahon ipapahiuli ko an kauswagan han Juda ug Jerusalem.

Faic an caibideil Dèan lethbhreac




Joel 3:1
23 Iomraidhean Croise  

Nag-aampo ako nga umabot na unta an katalwasan tikang ha Sion ngadto ha Israel. Hin ka malipayon han mga tawo han Israel kon ibalik na liwat han Ginoo an ira kamainuswagon!


Ginoo, an imo tuna imo kinalooyan, an Israel ibinalik mo liwat han iya kauswagan.


Pamati kon sawayon ko kamo; sasagdonan ko kamo hin maupay ngan babahinan ko kamo han akon hibaro.


“Tatagan ko hin tubig an inuuhaw nga tuna, ngan paaawason in mga sapa didto han mamara nga tuna. Ibububo ko an akon espiritu ngada han iyo mga anak, ngan an akon bendisyon ngada han iyo mga tulin.


Magsusumpa lugod hira pinaagi ha akon sugad nga buhi nga Dyos nga nagpagawas han mga tawo han Israel tikang didto ha amihanan nga tuna ngan tikang ha iba pa nga mga nasod nga ginhalinan ko ha ira. Igbabalik ko hira ngadto han kalugaringon nira nga nasod, han tuna nga iginhatag ko ha ira kaapoy-apoyan. Ako nga Ginoo an nagyakan.”


Tinuod, nasiring ako nga hiaagian ako niyo, ngan igpapahiuli ko kamo ngadto han iyo tuna. Pagtitirokon ko kamo tikang han tagsa nga nasod ngan tagsa nga dapit diin ginpasarang ko kamo, ngan igbabalik ko kamo ngadto han tuna nga ginpaiwasan ko ha iyo ngadto ha pagkabihag. Ako nga Ginoo an nagyakan.’


Nasiring an Ginoo, “Pauulion ko ha ira tuna an akon mga tawo, pagtitindogon ko na liwat an Jerusalem; ngan ibabalik ko an iya palasyo.


kay maabot an panahon nga akon pauulion an akon mga tawo, an Israel ug Juda. Igbabalik ko hira ngadto han tuna nga iginhatag ko han ira kaapoy-apoyan, ngan hira na liwat an magtatag-iya hini. Ako nga Ginoo an nagyakan.”


Nagsiring an Ginoo ngadto ha Jerusalem, “Pauuswagon ko na liwat hira—an Sodoma ngan an iya kabaryohan ngan an Samaria ngan an iya kabaryohan. Tinuod, pauuswagon ko liwat ikaw.


Nagsiring an Ginoo nga Dyos, “Kundi yana ipakikita ko ha ira an akon pagkalooy ngadto han mga tulin ni Jacob, an mga tawo han Israel, ngan pauuswagon ko na liwat hira. Pananalipdan ko an akon baraan nga ngaran.


Nagsiring an anghel nga nakakabado hin lino nga panapton, “Dida hito nga panahon mapakita an dako nga anghel nga hi Miguel nga nagbabantay han imo katawhan. Niyan magkakamay-ada panahon hin mga kasamokan nga labi kamakuri tikang pa han kahimo han kanasoran. Pag-abot hito nga panahon matatalwas an ngatanan nga mga tawo han imo nasod kanay mga ngaran nahisusurat dida han basahon han Dyos.


Hito nga panahon iipison ko an akon espiritu bisan ngada hin mga surugoon nga kalalaken-an ug kababayen-an.


Ibabalik ko an akon mga tawo ngadto han ira tuna. Pagtitindogon na liwat nira an ira mga syudad nga nagkaruruba ngan mag-uokoy hira didto. Magtatanom hira hin mga urubasan ngan manginginom hira han bino. Maghihimo hira hin mga tanaman ngan mangangaon hira han mga bunga.


Binmaton hi Moises, “Nababaraka ka ba tungod han akon kaupayan? Ihatag unta han Ginoo an iya espiritu ngadto han ngatanan niya nga mga tawo, ngan paguliaton hira ngatanan sugad hin mga manaragna!”


ngan nagsiring an Ginoo, “Yana pamatii an akon igsisiring! Kon may-ada mga manaragna dida ha iyo, nagpapadayag ako ha ira pinaagi hin mga panan-awon ngan naghihimangraw ako ha ira pinaagi hin mga inop.


niyan malolooy ha iyo an Ginoo nga iyo Dyos. Igbabalik kamo niya tikang han mga nasod diin iginpasarang kamo, ngan magmamainuswagon na liwat kamo.


Lean sinn:

Sanasan


Sanasan