Joel 2:3 - Samarenyo Meaning-Based Bible (1984)

³ Sugad hin kalayo kinukotkot nira an mga tanom. Kon diri pa hira nahugdon, an tuna sugad han Tanaman han Eden, kundi ha pagbaya nira, usa na la ini nga kamingawan. Waray gud nakakalikay ha ira.

Joel 2:3 Iomraidhean Croise

Genesis 13:10

Sanglit sinmiplat hi Lot ngan hinkit-an niya nga damo an tubig han bug-os nga Kahamub-an han Jordan, tubtob gud ngadto ha Zoar, nga sugad han Tanaman han Ginoo, o sugad han tuna han Ehipto. (Waray pa hini nga panahon pagbungkaga han Ginoo an mga syudad han Sodoma ug Gomora.)

Genesis 2:8

Niyan nagbutang an Ginoo nga Dyos hin usa nga tanaman didto ha Eden, didto ha Sinirangan, ngan didto iginbutang niya an tawo nga iya ginhimo.

Mga Salmo 50:3

Tiarabot an aton Dyos, kundi diri ha kahilom; ha atubangan niya may naglalahimgad nga kalayo, ha palibot niya may makusog nga bagyo.

Mga Salmo 97:3

Kalayo amo an ha iya nauna, pag-ugtang han kaaway palibot niya.

Exodo 10:15

Naluob hini an tuna tubtob nga nag-iritom na la ini hin duron; ginkaon hini an bisan ano nga nahisalin han pag-uranos han mga bato nga yelo, lakip an ngatanan nga mga bunga han kakahoyan. Waray gud lapyo nga dahon nga nahisalin dida hin bisan ano nga kahoy o tanom ha bug-os nga tuna han Ehipto.

Exodo 10:5

Madadamo hin duro an mga duron ngan maluluob gud hini an tuna. Kakaonon hini an ngatanan nga waray mabungkag han mga bato nga yelo, bisan pa an nanhisalin nga kakahoyan.

Isaias 14:17

Amo ba ini an tawo nga nagbungkag hin mga syudad ngan naghimo han kalibutan nga usa nga kamingawan? Amo ba ini an tawo nga waray gud magpagawas han iya mga priso o magpauli ha ira ngadto han ira kalugaringon nga tuna?”

Isaias 15:6

Nagmara an sapa han Nimrim, nanlaya na an mga banwa ha ligid han sapa, ngan waray na an malangbo nga kabanwaan.

Isaias 33:4

Inaagaw ngan gintitikas an ira mga hiagi ngan naangkon nga mga butang.

Isaias 51:3

“Kalolooyan ko an Jerusalem, an ngatanan nga nag-uokoy didto han mga naruba han syudad. Bisan kon kamingawan na an iya tuna, hihimoon ko ini nga usa nga tanaman, sugad han tanaman nga akon gintanom didto ha Eden. Mahiaagian didto an kalipay ngan pagrayhak, ngan mga kanta hin pagdayaw ngan pagpasalamat ha akon.

Isaias 9:18

An kamaraogdaog han mga tawo nakakasunog sugad hin kalayo nga nag-uugtang hin katungkan nga kabagwakan. Nakakasunog ini sugad hin kalayo ha kagurangan nga nagpapaulyab hin mga magdakmol nga aso.

Isaias 9:19

Tungod kay nasisina an Ginoo nga Labi Kamakagarahum, naglalaga sugad hin kalayo ha bug-os nga tuna an iya pagkastigo ngan nakakapuo han mga tawo, ngan waray tawo nga makakatalwas han iya igkasi-tawo.

Jeremias 5:17

Pangangaonon nira an iyo mga abot ngan an iyo mga pagkaon; panmamatayon nira an iyo mga anak nga kalalaken-an ngan kababayen-an. Pangingihawon nira an iyo mga panon ngan an iyo kahayopan, ngan pupuohon nira an iyo mga ubas ngan mga igos. Pagbubungkagon han ira kasondalohan an pinarig-on nga mga syudad nga iyo dinadangpan.

Ezequiel 36:35

Maghihimangraw an ngatanan hiunong hini nga tuna kon gin-unan-o nga nahimo ini nga sugad han Tanaman han Eden nga kamingawan man ini hadto, ngan an mga syudad nga ginbungkag, gintikasan, ngan ginbayaan nga mga ruba, yana inuokyan na man ngan pinarig-on na.

Amos 7:4

Iginpakita ha akon han Ginoo nga Dyos in lain nga panan-awon, diin hinkit-an ko hiya nga nag-aandam hin pagkastigo han iya mga tawo pinaagi hin kalayo. Ginsunog han kalayo an hiluag nga kalalawdan ha ilarom han tuna ngan nagtikang liwat ini hin pag-ugtang han tuna.

Habacuc 1:6

Ginhihimo ko nga gamhanan an mga Babilonianhon, ito nga magbangis ngan madagmit masina nga mga tawo. Ginlalatas nira an kalibutan hin pagsulong hin iba nga mga tuna.

Zacarias 7:14

Sugad hin bagyo ginpasarang ko hira hin pag-ukoy didto hin langyaw nga mga nasod. Ginbayaan nga sugad hin kamingawan ini nga matahom nga tuna nga waray na nag-uokoy didto.”