Joel 2:2 - Samarenyo Meaning-Based Bible (1984)

² Masirom ngan madulom ini nga adlaw, maitom ngan madampog nga adlaw. Nasulong an dako nga kabalay hin mga duron, sugad hin kasisidman nga nakakalukop ha igbaw han kabukiran. Waray pa gud sugad hini hadto ngan waray na gud masusugad hini.

Joel 2:2 Iomraidhean Croise

Mga Salmo 10:6

Nasiring hiya ha iya kalugaringon, “Diri manta ako nga pagkawangon; ngan diri gud nakon hingangadtoan, hin bisan ano nga mga kakurian.”

Mga Salmo 97:2

Magdakmol nga dampog nalibot ha iya; matadong ug husto an paghadi niya.

Exodo 10:14

Nagkaabot ini nga pinangon nga mga duron ngan hinmugdon ha bug-os nga nasod. Amo ini an gidadakoi nga mga pangon hin mga duron nga hinkit-an tikang ha tinikangan ngan diri na gud hikikit-an liwat.

Exodo 10:6

Pupun-on hini an imo mga palasyo ngan an kabablayan han ngatanan mo nga mga opisyal ngan ngatanan mo nga mga tawo. Labaw pa ini kamaraot kay han bisan ano nga hinkit-an han iyo kaapoy-apoyan.’” Katapos tinmalikod dayon hi Moises ngan linmakat.

Exodo 20:21

Kundi pinmahirayo la gihapon hin pagtindog an mga tawo, ngan hi Moises la an hinmarani han madakmol nga dampog diin nakadto an Dyos.

Isaias 5:30

Kon umabot na ito nga adlaw pagngunguroban nira an Israel nga sugad han dagat hin kamaaringasa. Tan-awa daw ini nga nasod! Kasisidman ngan kagul-anan bisan diin nga dapit! An kapawa nagmasirom kay natahoban hin dampog.

Isaias 8:22

o tumamod nganhi ha tuna, kundi waray nira makikita labot hin kasamok ngan kasisidman, makaharadlok nga kasisidman nga amo an ira dadangatan. Waray nira sadang ka palagiwan tikang hini nga panahon hin kasamokan.

Jeremias 13:16

Pasidunggi an Ginoo, nga iyo Dyos, ha diri pa hiya magdadara hin kasisidman, ngan mahipakdol kamo ha kabukiran; ha diri pa niya hihimoon nga duro hin kamasirom an kapawa nga iyo ginlaoman.

Jeremias 13:6

Paglabay hin panahon ginpabalik ako han Ginoo ngadto ha Eufrates hin pagkuha han karsonsilyo.

Pagnguyngoy 1:12

“Siplat kamo ha akon!” nasangpit hiya ngadto han ngatanan nga nalabay. “May-ada ba ha iyo nag-antos sugad han akon gin-antos, tungod han sirot nga ginhatag ha akon han Ginoo ha panahon han iya kasina?

Ezequiel 32:7

Kon puohon ko na ikaw, tatahoban ko an langit ngan pasisidmon ko an mga bitoon. Sasalipdan hin mga dampog an adlaw ngan diri na mahatag hin kapawa an bulan.

Ezequiel 34:12

ha amo ngahaw nga paagi nga nagmamangno in usa nga magmarangno han iya mga karnero nga nahisalaag ngan nahibalik na liwat. Ibabalik ko hira tikang han ngatanan nga mga dapit diin hira nahisalaag ha usa ka adlaw nga masirom ngan makaharadlok.

Ezequiel 38:9

Sugad hin bagyo masulong hiya ngan an iya kasondalohan ngan an damo nga mga nasod nga kaupod sugad hin dampog niya ngan tatahoban niya an tuna.”

Daniel 12:1

Nagsiring an anghel nga nakakabado hin lino nga panapton, “Dida hito nga panahon mapakita an dako nga anghel nga hi Miguel nga nagbabantay han imo katawhan. Niyan magkakamay-ada panahon hin mga kasamokan nga labi kamakuri tikang pa han kahimo han kanasoran. Pag-abot hito nga panahon matatalwas an ngatanan nga mga tawo han imo nasod kanay mga ngaran nahisusurat dida han basahon han Dyos.

Daniel 9:12

Gintuman mo an imo iginsiring ha amon ngan ha amon mga punoan. Ginkastigo mo an Jerusalem hin labaw kamasigpit kay han bisan ano nga syudad dinhe ha tuna

Joel 1:6

Ginhugpaan an aton tuna hin kabalay hin mga duron. Gamhanan hira nga diri gud maiihap; sugad hin kanan liyon kamagtarom an ira mga ngipon.

Joel 2:25

Ig-uuli ko ha iyo an iyo nawara hadto nga mga tuig nga ginkaon hin kabalay nga mga duron an iyo mga abot. Ako an nagpadara hini nga kabalay kontra ha iyo.

Joel 2:31

Magmamasirom an adlaw, ngan magmamapula an bulan sugad hin dugo ha diri pa maabot an makarit ngan makalilisang nga adlaw han Ginoo.

Joel 2:5

Kon nalukso hira ha mga sampaw han kabukiran, nagkakaradol hira sugad hin mga karuwahe. Nagbibitibiti hira sugad hin uga nga mga banwa nga ginsaritan. Nalaray hira sugad hin damo nga kasondalohan nga andam hin pakig-away.

Joel 3:4

“Tiro, Sidon, ug bug-os nga Filistia ano an iyo karuyag buhaton ha akon? Karuyag ba niyo bumulos tungod han akon nabuhat? Kon amo man, bubulson ko kamo dayon!

Amos 4:13

An Dyos amo an naghimo han kabukiran ngan nagtuha han kahanginan. Iginpahayag niya ha tawo an iya panhunahuna; ginhimo niya nga gab-i an adlaw. Naglakat hiya ha mga kahitas-an han tuna. Amo ini an iya ngaran: an Ginoo nga Dyos nga Labi Kamakagarahum!

Sofonias 1:7

Hirani na an adlaw nga maghuhukom na an Ginoo; sanglit paghilom kamo ha iya atubangan. Nag-aandam na an Ginoo hin paghalad han iya mga tawo ngan nagdapit na hin mga kaaway hin panikas han Juda.

Zacarias 14:6

Kon umabot na ito nga panahon, mawawaray na gud kahagkot o yelo,

Mateo 24:21

An kasamok hadto nga panahon labaw pa kamakalilisang kay han bisan ano nga nahinabo tikang pa ha tinikangan han kalibutan ngada yana nga adlaw; ngan waray na sugad hini nga mahinanabo.

Marcos 13:19

Kay an kagul-anan hadto nga mga adlaw malabaw pa gud hin kamapait kay hin bisan ano nga hinabo ha kalibutan, tikang pa han paghimoa han Dyos han kalibutan ngada yana. Waray na mahinanabo nga malabaw pa hini hin kamapait.

Deuteronomio 32:7

“Hinumdomi niyo an mga naglabay nga panahon; pakianhi an iyo mga ginikanan ngan susumatan kamo; pakianhi an iyo mga katigurang ngan igsusumat ha iyo an nahinabo.

Hebreo 12:18

Waray kamo makahirani sugad han mga tawo han Israel ngadto hin usa nga butang nga aaboton niyo ngadto han iya nagdidilaab nga kalayo didto ha Bukid Sinai, han kasisidman ngan han kadulman, han bagyo,

Judas 1:13

Sugad hira han dagko nga mga balod han dagat, ngan an ira makaarawod nga mga buhat baga la hin burat. Sugad la hira hin mga layaw nga mga bitoon nga ginandaman han Dyos ha kadayonan hin dapit didto han labi ka hilarom nga kasisidman.

Ginpadayag 9:2

Gin-abrehan han bitoon an kahiladman, nga ginmawas in madakmol nga aso, sugad hin aso nga tikang hin dako nga hudno. An adlaw ngan an hangin naputos hin kasisidman tungod han aso nga tikang ha kahiladman.