Joel 2:1 - Samarenyo Meaning-Based Bible (1984)

¹ Pagtrompeta; patungga an pahimatngon didto ha Sion, an baraan nga pungtod han Dyos. Pangurog, mga tawo han Juda! Maabot na an adlaw han Ginoo.

Joel 2:1 Iomraidhean Croise

1 Cronicas 15:28

Ginbunyogan han ngatanan nga mga Israelita an Kahon han Ginsaaran ngadto ha Jerusalem ngan dida ha dalan naggogliat hira hin kalipay, nagpatunog han mga trompeta, mga budyong, ug mga gimbal ngan nagtokar han mga arpa.

Mga Salmo 119:120

Tungod ha imo makulba para ha akon, ngan nahadlok ako han imo paghukom.

Mga Salmo 87:1

An Dyos an nagtindog hadton syudad niya, ha baraan nga bukid ini pagtindoga.

Exodo 10:14

Nagkaabot ini nga pinangon nga mga duron ngan hinmugdon ha bug-os nga nasod. Amo ini an gidadakoi nga mga pangon hin mga duron nga hinkit-an tikang ha tinikangan ngan diri na gud hikikit-an liwat.

Isaias 13:6

Goliat tungod hin kasakit! Hirani na an adlaw han Ginoo, maabot na an adlaw nga pupuohon han Labi Kamakagarahum an nasod.

Isaias 13:9

Maabot an adlaw han Ginoo—ito nga mapintas nga adlaw han iya makalilisang nga kasina ngan kapungot. Mahihimo nga kamingawan an tuna, ngan pupuohon an tagsa nga makasasala.

Isaias 2:12

Dida hito nga adlaw papaubson han Ginoo nga Labi Kamakagarahum an ngatanan nga gamhanan, an ngatanan nga mapinahitas-on ngan maparayawnon.

Isaias 66:2

Ako an nagtuha han bug-os nga kalibutan! Nalilipay ako hadton mga nagpapaubos ngan nagbabasol, hadton nahahadlok ngan nagsusugot ha akon.

Isaias 66:5

Pamati han igyayakan han Ginoo, kamo nga nahahadlok ngan nagsusugot ha iya: “Tungod nga matinumanon kamo ha akon, napupungot ha iyo in pipira han iyo kalugaringon nga mga tawo ngan diri hira mangingilabot ha iyo. Nagyuyubit hira ha iyo ngan nasiring, ‘Ipakita han Ginoo an iya pagkagamhanan ngan talwason kamo niya basi hikit-an namon nga nagrarayhak kamo.’ Kundi hira ngahaw an pagpapakaalohan!

Jeremias 16:10

“Kon sumatan mo hira hini ngatanan, mapakiana hira ha imo kon kay ano nga naghunahuna ako hin pagkastigo ha ira hin duro. Mapakiana hira kon ano an ira sala, ngan kon ano nga sala an ira nabuhat kontra han Ginoo nga ira Dyos.

Jeremias 16:7

Waray tawo nga makikigsaro o makikig-inom bisan kan kanay hin pagliaw ha iya kon may mamamatay nga iya hinigugma. Waray tawo nga magpapakita hin pagpaid, bisan ngani ha iya nga nawad-an han iya amay o iroy.

Jeremias 4:5

Patungga an trompeta ha bug-os nga tuna! Goliat hin dako ngan malanoy nga tingog! Sidnga an mga tawo han Juda ug Jerusalem nga manadlagan hira ngadto han pinarig-on nga mga syudad.

Jeremias 5:22

Ako amo an Ginoo; kay ano nga diri kamo natahod ha akon? Kay ano nga diri kamo nakurog ha akon atubangan? Iginbutang ko an baybayon sugad nga pag-ultan han dagat, an usa nga dayon nga pag-ultan ngan diri ini matatabok. Bisan magrumpat ngan madagko an mga balod han dagat, diri gud malalapwas an pag-ultan.

Ezequiel 12:23

Sidnga hira yana han igyayakan ko, an Ginoo nga Dyos, hiunong han darahonon. Tataposon ko na ito nga darahonon. Diri na gud ini pagbabalikbalikon dinhe ha Israel. Sumati lugod hira hini: Inmabot na an panahon, ngan natutuman na an mga panagna!

Ezequiel 21:12

Pagnguyngoy nga mabidoon, anak hin tawo; para han akon mga tawo ini nga espada, ngan para han ngatanan nga mga pangulo han Israel. Panmamatayon hira kaupod han iba nga akon mga tawo. Pukpoka an imo dughan tungod hin pagturaw!

Ezequiel 30:3

Hirani na an adlaw, an adlaw nga magios na an Ginoo. Usa nga adlaw hin mga dampog ngan hin kakurian para han mga nasod.

Ezequiel 33:3

Kon hikit-an niya nga tiabot na an kaaway, pinapatunog niya an pahimatngon para hin pagpaandam han ngatanan.

Ezequiel 33:6

Kundi kon hikit-an han magbarantay nga tiabot na an kaaway ngan diri niya patunggon an pahimatngon, maabot an kaaway ngan pamamatayon ito nga mga makasasala, kundi an magbarantay an akon pagbabasolon han ira kamatayon.

Ezequiel 7:10

Maabot na an adlaw han karat-an. Naglalarab na an panlupig. Duro na gud an pagkamapinahitas-on.

Ezequiel 7:12

Maabot na an panahon. Hiraniay na an adlaw, nga mawawaray na kapulsanan an pagpalit ngan pagbaligya, kay maabot an kastigo han Dyos ngada han ngatanan.

Daniel 6:26

Nagsusugo ako nga ha bug-os ko nga ginhadian kinahanglan mahadlok ngan magtahod an ngatanan han Dyos ni Daniel. “Buhi hiya nga Dyos, ngan maghahadi hiya ha kadayonan. Diri gud mabubungkag an iya ginhadian, ngan diri gud matatapos an iya gahom.

Daniel 9:16

Ginpanalipdan mo kami hadto pa nga panahon, sanglit ayaw na gad kasinahi an Jerusalem. Imo ini syudad nga imo baraan nga pungtod. Gintatamay an Jerusalem ngan an imo katawhan han ngatanan nga mga tawo han higrani nga kanasoran tungod han amon mga sala ngan han karat-an nga ginbuhat han amon kaapoy-apoyan.

Daniel 9:20

Nagpadayon ako hin pag-ampo nga nagkokompisal han akon mga sala ngan han mga sala han akon katawhan nga Israel ngan nakikimalooy han Ginoo nga akon Dyos nga ipahiuli an iya baraan nga Templo.

Oseas 5:8

Patungga an mga trompeta didto ha Gabaa! Patungga an mga budyong hin pagpahimatngon didto ha Rama! Igoliat an pakig-away didto ha Betaben! Ngadto ha pag-awayan, mga tawo han Benjamin!

Oseas 8:1

Nasiring an Ginoo, “Patungga an pahimatngon! An mga kaaway nanhuhugdon ha akon tuna sugad hin mga agila! Ginsupak han akon katawhan an ginsaaran nga akon ginhimo ha ira, ngan sinmupil hira han akon pagturon-an.

Joel 1:15

Hirani na an adlaw han Ginoo, an adlaw nga magdadara hin kabungkagan an Labi Kamakagarahum. Hin kamakaharadlok han mahinanabo hito nga adlaw!

Joel 2:11

Nagoliat an Ginoo ha pagsugo han iya kasondalohan. Damo ngan gamhanan an mga kasondalohan nga nagsusugot ha iya. Hin kamakalilisang han adlaw han Ginoo! Hin-o in mahisasalin nga buhi?

Joel 2:15

Pagtrompeta didto han Bukid Sion; pagsugo hin pagpuasa ngan pagtawag hin katirok!

Joel 2:31

Magmamasirom an adlaw, ngan magmamapula an bulan sugad hin dugo ha diri pa maabot an makarit ngan makalilisang nga adlaw han Ginoo.

Joel 3:14

Yinukotyukot an aadto han Kahamub-an han Paghukom. Aadto didto aabot an diri na maiha nga adlaw han Ginoo.

Joel 3:17

“Niyan, Israel, mahibabaro kamo nga amo ako an Ginoo nga iyo Dyos. Nag-uokoy ako ha Sion, an akon baraan nga bukid. Mahihimo nga baraan nga syudad an Jerusalem; diri na gud ini pagsasakopon hin mga lumalangyaw.

Amos 3:6

Nagtutunog ba in trompeta hin away dida hin syudad nga diri ini makapahadlok han mga tawo? Hinahampak ba hin karat-an in syudad labot kon ipadara ini han Ginoo?

Amos 5:18

Hin kamakalilisang para ha iyo nga ngangangandoy han adlaw han Ginoo! Ano man an kaupayan ha iyo hito nga adlaw? Para ha iyo magigin adlaw ini hin kasisidman, ngan diri hin kapawa.

Amos 8:2

Pinmakiana an Ginoo, “Amos, ano an imo hinkikit-an?” “Alat nga puno hin mga bunga,” binmaton ako. Nagsiring ha akon an Ginoo, “Inmabot na an kataposan para han akon nasod nga Israel. Diri ko na liliwaton an akon hunahuna hin pagkastigo ha ira.

Abdias 1:15

“Hirani na an adlaw nga ako nga Ginoo maghuhukom han ngatanan nga mga nasod. Edumea, pagbubuhaton ha imo an imo ginbuhat. Mabalik ha imo an maraot nga imo iginhatag.

Sofonias 1:14

Hirani na an dako nga adlaw han Ginoo—hiraniay na gud ngan maabot hin madagmit! Magmamapait ito nga adlaw, kay bisan an giiisogi nga mga sondalo magtatangis tungod hin pagturaw!

Sofonias 1:16

adlaw nga puno han aringasa hin mga trompeta hin away ngan han gogliat han araway hin mga sondalo nga nasulong hin panarig-on nga mga syudad ngan hin higtaas nga mga lantawan.

Sofonias 1:7

Hirani na an adlaw nga maghuhukom na an Ginoo; sanglit paghilom kamo ha iya atubangan. Nag-aandam na an Ginoo hin paghalad han iya mga tawo ngan nagdapit na hin mga kaaway hin panikas han Juda.

Sofonias 3:11

Dida hito nga panahon, mga tawo ko, diri na kamo kinahanglan maawod nga sinmupil kamo ha akon. Kukuhaon ko an ngatanan nga mapahitas-on ngan parayawan, ngan diri na gud kamo masupil ha akon didto han akon baraan nga pungtod.

Zacarias 14:1

Hiraniay na an adlaw nga maghuhukom na an Ginoo. Niyan paninikasan an Jerusalem ngan pagbabahinbahinon an mga tinikas ha atubangan han iyo mga mata.

Zacarias 8:3

Mabalik ako ngadto ha Jerusalem nga akon baraan nga syudad, ngan mag-uokoy ako didto. Kikilalahon ini nga amo an matinumanon nga syudad, ngan tatawagon nga baraan nga pungtod an pungtod han Ginoo nga Labi Kamakagarahum.

Malaquias 4:1

Nasiring an Ginoo nga Labi Kamakagarahum, “Maabot an adlaw nga masusunog sugad hin uhot an ngatanan nga magpahitas-on ngan magraot nga mga tawo. Dida hito nga adlaw mauugtang hira ngan waray gud mahisasalin ha ira.

Numero 10:2

“Paghimo hin duha nga mga trompeta nga salapi nga gagamiton hin pagtirok han mga tawo ngan hin pagbalhin han kampo.

Numero 10:3

Kon malanoy an pagpatunog han duha nga mga trompeta, mag-aalirong ha imo an bug-os nga bungto dida han agian han akon Tulda.

1 Mga Taga-Corinto 14:8

Ngan kon diri klaro an pagpatunog han trompeta hin pagtawag han mga sondalo, hin-o man in mag-aandam para han away?

Mga Taga-Filipos 2:12

Sanglit, mga hinigugma nga kasangkayan, kinahanglan magsugot kamo ha akon yana nga hirayo ako ha iyo, labaw pa han pasugot niyo hadto han kaupod pa ako niyo. Pagpadayon kamo hini pagbuhat, upod an kahadlok ngan pagtahod, basi mahingpit an iyo katalwasan,

1 Mga Taga-Tesalonica 5:2

Kay maaram gud kamo ngahaw nga maabot an Adlaw han Ginoo sugad hin pag-abot hin kawatan ha kagab-ihon.

Santiago 5:8

Kinahanglan magmailobon liwat kamo. Magmalinaomon gud kamo kay hirani na an adlaw han pag-abot han Ginoo.

1 Pedro 4:7

Hiraniay na an kataposan han ngatanan nga mga butang. Kinahanglan mag-ikmat ngan magpugong kamo han iyo kalugaringon, basi makag-ampo kamo.

Ginpadayag 6:17

An makalilisang nga adlaw han ira kapungot aanhi na, ngan hin-o in makakailob hini?”