Joel 1:4 - Samarenyo Meaning-Based Bible (1984)

⁴ Hinmugdon dida han mga abot in sunodsunod nga kabalay hin mga duron. An nahisalin han mga duron gin-ubos pagkaona han mga lukton.

Joel 1:4 Iomraidhean Croise

1 Hadi 8:37

“Kon may-ada gutom dinhe ha tuna, o piste, o madaot an mga tanom tungod hin nakalilisang nga sirak, o hin mga kabalay hin duron, o kon sulongon han ira mga kaaway an imo mga tawo, o kon may-ada balatian o sakit dida ha ira,

2 Cronicas 6:28

“Kon may-ada gutom ha tuna o piste o madaot an mga tanom han makalilisang nga sirak o hin mga kabalay hin mga duron, o kon sulongon an imo mga tawo han ira mga kaaway, o kon may sakit o balatian dida ha ira,

2 Cronicas 7:13

Kon parad-an kamo han maiha nga huraw o hin mga duron hin pagkaon han mga tanom, o hin sakit an akon mga tawo,

Mga Salmo 105:34

Pagsugo n'ya nagkaabot mga duron, diri gud maihap nga minilyon-milyon;

Mga Salmo 78:46

Mga kabalay hin duron iya ginpadara, nagkaon han tanom ug nagbungkag han uma.

Exodo 10:4

Kon magpadayon ka hin pagdumiri, buwas gud igpapadara ko nganhi han imo nasod in mga duron.

Exodo 10:5

Madadamo hin duro an mga duron ngan maluluob gud hini an tuna. Kakaonon hini an ngatanan nga waray mabungkag han mga bato nga yelo, bisan pa an nanhisalin nga kakahoyan.

Isaias 33:4

Inaagaw ngan gintitikas an ira mga hiagi ngan naangkon nga mga butang.

Jeremias 51:14

Nagsumpa na ha iya kalugaringon nga kinabuhi an Ginoo nga Labi Kamakagarahum nga ipapadara niya in damo nga mga tawo hin pagsulong han Babilonia sugad hin usa ka panon hin mga duron, ngan magoliat hira hin pagdarag-an.

Jeremias 51:27

“Ighatag na an sinyal hin pagsulong! Pagpatunog na han trompeta basi makabati an mga nasod! Andama an mga nasod hin pakig-away kontra han Babilonia! Sidnga an mga ginhadian han Ararat, Mini, ug Askenas nga masulong hira. Pagtudlok hin usa nga opisyal nga mangungulo han pagsulong. Dad-a an kakabayohan nga sugad hin panon hin mga duron.

Joel 2:25

Ig-uuli ko ha iyo an iyo nawara hadto nga mga tuig nga ginkaon hin kabalay nga mga duron an iyo mga abot. Ako an nagpadara hini nga kabalay kontra ha iyo.

Amos 4:9

“Ginpadara ko in mapaso nga hangin basi magmara an iyo mga tanom. Gin-ubos han mga duron an ngatanan niyo nga mga tanaman ngan mga urubasan, an iyo mga kaigosan ngan mga kaolibohan. Kundi waray kamo gihapon bumalik ha akon.

Amos 7:1

Iginpakita ha akon han Ginoo nga Dyos in usa nga panan-awon. Dida hini nga panan-awon hinkit-an ko hiya nga nagtutuha hin kabalay hin mga duron kahuman gudla magarab an sakate nga bahin han hadi, ngan nagtikang na liwat panubo an kabanwaan.

Malaquias 3:11

Diri ko itutugot nga uboson han mga mananap an iyo mga abot, ngan an iyo mga ubas manhuhuyot hin damo nga mga bunga.

Deuteronomio 28:38

“Magtatanom kamo hin damo nga mga binhe, kundi gutiay la an iyo pag-aanihon, kay kakaonon han mga duron an iyo mga tanom.

Deuteronomio 28:42

Kakaonon hin gudtiay nga mga mananap an ngatanan niyo nga mga kahoy ngan mga abot.