Joel 1:3 - Samarenyo Meaning-Based Bible (1984)

³ Sumati hini an iyo mga anak; susumatan nira an ira mga anak nga magsusumat liwat han nasunod ha ira nga katulinan.

Joel 1:3 Iomraidhean Croise

Mga Salmo 145:4

An ngatanan gud nga imo binuhatan pagdadayawon ha tanan katuigan. Dagkong' mga buhat mo igsasangyaw man han sunod-sunod nga mga katulinan.

Mga Salmo 44:1

Hinbatian han amon mga talinga, O Dyos, ginsumatan kami han amon mga ginikanan, hiunong han dagko nga mga butang nga imo ginbuhat ha ira panahon, han kamaihaan na nga mga adlaw.

Mga Salmo 71:18

Ayaw ako pagpabay-i, O Dyos, yana nga tigurang na ako ngan mabusag na an ako buhok! Updi ako samtang iginsasangyaw ko an imo gahom ngan kusog ha ngatanan nga katulinan nga tiarabot.

Exodo 13:14

Ha tiarabot nga panahon, kon pakianhan kamo han iyo anak kon ano an kahulogan hini nga turumanon, iyo babatonon hiya, ‘Pinaagi hin dako nga gahom, ginpagawas kami han Ginoo tikang ha Ehipto, an dapit diin gin-oripon kami.

Isaias 38:19

An mga buhi amo an magdadayaw ha imo, Sugad nga gindadayaw ko ikaw yana. Nagsusumat an mga amay ha ira mga anak mahitungod han imo pagkamatinumanon.

Deuteronomio 6:7

Igtutdo ini ha iyo mga anak. Ayaw hunong hin pagtutdo hini didto ha iyo balay o kon naglalakaton kamo, kon napahuway kamo ngan kon nagtratrabaho kamo.