Joel 1:2 - Samarenyo Meaning-Based Bible (1984)

² Pamati, kamo nga larolagas nga mga tawo; pamati, kamo ngatanan ha Juda. May-ada na ba nahinabo nga sugad hini yana nga panahon o ha panahon han iyo mga ginikanan?

Joel 1:2 Iomraidhean Croise

An Basahan ni Job 12:12

May kinaadman an mga kalagsan, kundi may kinaadman ngan gahom an Dyos. May pagsabot an mga kalagsan, kundi may pagsabot ngan gahom hin pagbuhat an Dyos.

An Basahan ni Job 15:10

Hinbaroan namon an amon kinaadman tikang hin ubanon na nga mga tawo— mga tawo nga una pa matawo kan imo tatay.

An Basahan ni Job 21:7

Kay ano nga tinutugotan man han Dyos nga mabuhi an magraot nga mga tawo ngan malagas ngan magmainuswagon hira?

An Basahan ni Job 8:8

Palandonga hin madaliay an kadaan nga kinaadman; painuinoha an mga kamatuoran nga hinbaroan han aton mga ginikanan.

Mga Salmo 49:1

Pamatii ini niyo ngatanan! Pamati, ngatanan nga katawhan ha ngatanan nga dapit,

Isaias 34:1

Kadi kamo, nga tawo han ngatanan nga kanasoran! Pag-alirong kamo ngan pamati. Pakadi ngan pamati kamo, an bug-os nga tuna, ngan an ngatanan nga nag-uokoy ha tuna.

Isaias 7:17

“Ipadadara han Ginoo ngada ha imo han imo mga tawo, ngan han bug-os nga hadianon nga panimalay, in mga adlaw hin kasamokan nga makalilisang pa kay han bisan ano nga adlaw nga inmabot tikang mahibulag han Juda an ginhadian han Israel—ipadadara niya an hadi han Asiria!

Jeremias 30:7

Maabot in usa nga makalilisang nga adlaw; waray iba nga adlaw nga mahitatanding hini— panahon ini hin kakurian para han akon mga tawo; kundi mabubuhi hira.”

Jeremias 5:21

Pamati, kamo nga lurong ngan waray buot nga mga tawo nga may-ada mga mata, kundi diri nakakakita, ngan may-ada mga talinga, kundi diri nakakabati.

Daniel 12:1

Nagsiring an anghel nga nakakabado hin lino nga panapton, “Dida hito nga panahon mapakita an dako nga anghel nga hi Miguel nga nagbabantay han imo katawhan. Niyan magkakamay-ada panahon hin mga kasamokan nga labi kamakuri tikang pa han kahimo han kanasoran. Pag-abot hito nga panahon matatalwas an ngatanan nga mga tawo han imo nasod kanay mga ngaran nahisusurat dida han basahon han Dyos.

Oseas 4:1

May sumbong an Ginoo kontra han katawhan nga nag-uokoy dinhe hini nga tuna. Pamati, Israel, han iya igsisiring: “Waray pagkamatinumanon o paghigugma dinhe ha tuna, ngan diri ako kinikilala nga Dyos han katawhan.

Oseas 5:1

“Pamati hini, kamo nga kapadian! Pamati, katawhan han Israel! Pamati, kamo nga mga sakop han panimalay nga hadianon! Angay unta kamo maghukom hin matadong—sanglit paghuhukman kamo! Nahimo kamo nga bitik didto ha Mispa, usa nga pukot nga ginbitad didto ha Bukid Tabor,

Joel 1:14

Pagsugo hin pagpuasa; pagtawag hin katirok! Tiroka an mga pangulo ngan an ngatanan nga mga tawo han Juda ngadto han Templo han Ginoo nga iyo Dyos ngan pagsangpit kamo ngadto ha iya!

Joel 2:2

Masirom ngan madulom ini nga adlaw, maitom ngan madampog nga adlaw. Nasulong an dako nga kabalay hin mga duron, sugad hin kasisidman nga nakakalukop ha igbaw han kabukiran. Waray pa gud sugad hini hadto ngan waray na gud masusugad hini.

Amos 3:1

Mga tawo han Israel, pamati hini nga mensahe nga ginhimangraw han Ginoo hiunong ha iyo, an bug-os nga nasod nga ginpagawas niya tikang ha Ehipto:

Amos 4:1

Pamati hini, kamo nga kababayen-an han Samaria, nga natambok sugad han kabakahan ha Basan nga maupay an katubong, nga magdarahog han mga magluya, magtalumpigos han mga kablas, ngan karuyag niyo nga dayuday mag-andam ha iyo an iyo mga bana hin makahurubog nga irimnon!

Amos 5:1

Pamati, mga tawo han Israel, hini nga masulob-on nga kanta nga akon ginkakanta ha iyo:

Miqueas 1:2

Pamatii ini, kamo ngatanan nga mga nasod; pamatii ini, kamo ngatanan nga nag-uokoy ha tuna! Magpapamatuod kontra ha iyo an Ginoo nga Dyos. Pamati! Naghihimangraw hiya tikang han iya langitnon nga templo.

Miqueas 3:1

Pamati, kamo nga mga punoan han Israel! Angay unta kamo manimangno han katadongan,

Miqueas 3:9

Pamati ha akon, kamo nga mga punoan han Israel, kamo nga nasalikway han katadongan ngan naghihimo nga sayop han matadong.

Mateo 13:9

Ngan sinmiring hi Jesus, “Sanglit pamati kamo, kon may-ada niyo durunggan!”

Mateo 24:21

An kasamok hadto nga panahon labaw pa kamakalilisang kay han bisan ano nga nahinabo tikang pa ha tinikangan han kalibutan ngada yana nga adlaw; ngan waray na sugad hini nga mahinanabo.

Ginpadayag 2:7

“Sanglit kon may-ada ka durunggan, pamati han igsisiring han Espiritu ngadto han mga singbahan! “Adton makakapot han pagdarag-an ihahatag ko an katungod hin pagkaon han bunga han kahoy han kinabuhi nga gintanom didto han Tanaman han Dyos.