Jeremias 9:4 - Samarenyo Meaning-Based Bible (1984)

⁴ Kinahanglan an tagsatagsa magtagam kontra han iya sangkay, ngan diri tumapod han iya bugto nga lalake; kay sugad kan Jacob malingo an kada bugto, ngan nagpapakaraot han iya kasangkayan an tagsatagsa.

Jeremias 9:4 Iomraidhean Croise

Jeremias 6:28

Magtig-a an mga ulo nira ngan magsinupilon hira ngatanan, nga sugad hin bronse ug puthaw hin kamatig-a. Magraot hira ngatanan, nga nagsusudoysudoy hira hin paglinibak.

Mateo 10:21

“Igtutubyan han mga tawo an ira kalugaringon nga kabugtoan basi patayon hira, ngan amo ngahaw an bubuhaton han mga amay ha ira mga anak; maato an mga anak han ira mga kag-anak ngan ipapapatay hira.

Levitico 19:16

Ayaw kamo pagpasarang hin mga buwa hin bisan hin-o ngan kon ginbibista in usa ka tawo tungod han iya kinabuhi, pagyakan kamo kon makakabulig ha iya an iyo pagpamatuod. Hi ako an Ginoo.

Jeremias 12:6

Ginlingo ka ngani han imo kabugtoan nga kalalaken-an nga mga sakop han kalugaringon mo nga panimalay; naapi hira han mga pagpakaraot ha imo. Ayaw pagtapod ha ira, bisan kon maghihimangraw hira hin pakigsangkay ha imo.”

Mga Darahonon 25:18

An diri matuod nga sumbong sugad kamakamaratay hin espada, balbag, o matarom nga pana.

Mga Darahonon 10:18

Buwaon hiya nga tawo, an nagtatago han iya pagdumot; lurong an bisan hin-o nga naglilibak.

Mga Salmo 15:3

an diri nayubit pagtamay han iba, diri nagdadaot kasangkayan niya, diri napasarang hin sumat nga buwa, ha mga kaamyaw, kahigrani niya.

Genesis 32:28

Nagsiring an tawo, “Diri na Jacob an imo ngaran. Nakigdulong ka han Dyos ngan han mga tawo, ngan nagdaog ka; sanglit Israel na an imo ngaran.”

1 Mga Taga-Tesalonica 4:6

Sanglit mahitungod hini, kinahanglan waray tawo nga magbuhat hin maraot ha iya bugto o mapanamastamas ha iya. Ginsumatan na kamo namon hini hadto pa, ngan ginpahimangno na liwat kamo nga pagsisirotan han Ginoo adton magbuhat hin sugad nga mga kasaypanan.

Lucas 21:16

Igtutubyan kamo han iyo mga kag-anak, kabugtoan, kauropdan, ngan kasangkayan; papatayon ngani an iba ha iyo.

Mateo 10:17

Pagbantay kamo kay may mga tawo nga magdadakop ngan magdadara ha iyo ngadto ha hukmanan, ngan paglalatobon kamo nira didto ha ira mga sinagoga.

Ezequiel 22:9

Nagbibinuwa in pira han imo mga tawo basi la ipapatay in mga tawo. Nakaon in pira ha ira han mga halad nga tinubod nga iginhalad ngadto han mga diyosdiyos. Dayuday nagpapatakas an iba han ira mga kaipahon.

Mga Darahonon 6:16

May pipito nga mga butang nga napupungtan han Ginoo ngan dinidiri gud niya: Mapinahitas-on nga paniplat, buwaon nga dila, mga kamot nga napatay hin tawo nga waray sala, hunahuna nga naglalarang hin karat-an, mga tiil nga nagdadagmit hin pagbuhat hin maraot, saksi nga dayuday an pagbinuwa, ngan tawo nga nag-aaghat hin kasamokan dida hin kasangkayan.

Mga Salmo 101:5

Tawo nga matamay akon pupuohon, nga han iya sangkay naglilinibakon. Diri manta ako hin tawo mauyon, hadton parayawan ngan mapahitas-on.

Isaias 59:13

Sinmupil kami ha imo, iginsalikway ka namon, ngan dinmiri kami hin pagsunod ha imo. Gintalumpigos namon in iba nga mga tawo ngan binmaya kami ha imo. Buwaon an amon mga panhunahuna ngan mga buwa an amon mga pulong.

Jeremias 9:8

Sugad hin makamaratay nga mga pana an ira mga dila; waray hunong an ira pagbinuwa. An tagsatagsa ha ira naghihimangraw hin pakigsangkay han iya amyaw, kundi ha tinuod an ira tuyo amo an pagbitik ha iya.

Malaquias 2:10

Diri ba kita ngatanan may usa la nga amay? Diri ba gintuha kita ngatanan hin usa la nga Dyos? Niyan, kay ano man nga nagpapalingolingo man kita, ngan kay ano man nga gintatamay ta an ginsaaran nga ginhimo han Dyos ngan han aton kaapoy-apoyan?

Mga Darahonon 4:16

Diri nahingangaturog an mga magraogdaog kon diri hira nakakagbuhat hin sayop. Nagmiminata la hira, tubtob nga makahimo hira hin paghuka hin tawo.

Mga Darahonon 4:17

An pagkamaraogdaog ngan pagkamaraot amo na an ira pagkaon ug irimnon.

Isaias 9:16

Ginlipatlipat ngan ginggupong hira hadton mga nagmamangulo hini nga mga tawo.