Jeremias 9:3 - Samarenyo Meaning-Based Bible (1984)

³ Dayuday andam hira hin pagbinuwa; naghahadi ha tuna an kamalimbong, ngan diri lugod an kamatuoran. Nasiring an Ginoo, “Sunodsunod an pagbuhat hin karat-an han akon mga tawo, ngan diri hira nagtutug-an nga ako amo an ira Dyos.”

Jeremias 9:3 Iomraidhean Croise

Genesis 39:16

Ginhimos niya an hilawig nga bado ni Jose tubtob han pag-uli han agaron ni Jose.

Mga Darahonon 12:5

Maupay magdumara ha imo an tangkod nga mga tawo; karuyag la han mga magraot an paglimbong ha imo.

Isaias 1:3

Maupay pa an baka kay nakilala han iya agaron ngan an asno nakilala han pasungan nga gintutubongan ha iya han agaron kundi an akon mga tawo, an Israel, diri maaram ngan diri nasabot.”

Isaias 3:5

An tawo masingabot han iya igkasi-tawo. An mga batan-on diri matahod han ira mga tigurang, ngan an bastos nga mga tawo diri matahod han ira mga labaw.

Isaias 6:5

Nagsiring ako, “Waray na ako paglaom. Kamakalolooy ko kay salaan an tagsa nga pulong nga nagawas han akon mga im-im ngan nag-uokoy ako tampo hin mga tawo nga salaan an tagsa nira nga pulong. Ngan bisan pa ngani, hini hinkit-an ko han akon kalugaringon nga mga mata an Hadi nga Ginoo nga Labi Kamakagarahum!”

Isaias 9:18

An kamaraogdaog han mga tawo nakakasunog sugad hin kalayo nga nag-uugtang hin katungkan nga kabagwakan. Nakakasunog ini sugad hin kalayo ha kagurangan nga nagpapaulyab hin mga magdakmol nga aso.

Jeremias 12:6

Ginlingo ka ngani han imo kabugtoan nga kalalaken-an nga mga sakop han kalugaringon mo nga panimalay; naapi hira han mga pagpakaraot ha imo. Ayaw pagtapod ha ira, bisan kon maghihimangraw hira hin pakigsangkay ha imo.”

Jeremias 22:16

Tinagan niya hin matadong nga paghukom an mga kablas, sanglit waray karat-an nga inmabot ha iya. Amo ini an kahulogan han pagkilala han Ginoo.

Jeremias 31:34

Waray na ha ira magtututdo han iya igkasi taga nasod hin pagkilala han Ginoo, kay makilala ha akon an ngatanan, tikang han gigugutiayi ngadto han gidadakoi. Pasasayloon ko an ira mga sala ngan diri ko na gud hinunumdoman an ira mga sayop. Ako nga Ginoo an nagyakan.”

Jeremias 4:22

Nasiring an Ginoo, “Lurong na an akon mga tawo; diri hira nakilala ha akon. Sugad hira hin lurong nga kabataan; waray nira sarabotan. Nahibaro hira hin pagbuhat han maraot, kundi mga bulok hira hin pagbuhat han matadong.”

Jeremias 5:4

Niyan naghunahuna ako, “An mga kablas ngan mga tapang la ini. Nanggagawi hira hin linurong; diri hira maaram kon ano an ginkikinahanglan han ira Dyos, kon ano an karuyag ipabuhat ha ira han Ginoo.

Jeremias 5:5

Mapakadto ako han mga tawo nga gamhanan, ngan makikighimangraw ako ha ira. Maaram gud hira kon ano an ginkikinahanglan han ira Dyos, kon ano an karuyag ipabuhat ha ira han Ginoo.” Kundi ginsalikway nira ngatanan an pagburot-an han Ginoo, nga dinmiri hira hin pagsugot ha iya.

Jeremias 6:28

Magtig-a an mga ulo nira ngan magsinupilon hira ngatanan, nga sugad hin bronse ug puthaw hin kamatig-a. Magraot hira ngatanan, nga nagsusudoysudoy hira hin paglinibak.

Jeremias 7:26

Kundi waray gud bisan usa ha ira nga namati o binmali. Linmabaw pa lugod kamo han iyo kaapoy-apoyan hin kamagtig-a hin mga ulo ngan kamagsinupilon.

Jeremias 9:5

Ginlilimbongan nira ngatanan an ira kasangkayan, ngan waray nagsusumat han kamatuoran; gintutdoan nira hin pagbuwa an ira mga dila; ngan nagpapadayon hira hin pagpinakasala. Sunodsunod an ira panlupig, ngan sunodsunod an ira panlimbong. Nasiring an Ginoo nga iginsisikway na hiya han iya mga tawo.

Jeremias 9:8

Sugad hin makamaratay nga mga pana an ira mga dila; waray hunong an ira pagbinuwa. An tagsatagsa ha ira naghihimangraw hin pakigsangkay han iya amyaw, kundi ha tinuod an ira tuyo amo an pagbitik ha iya.

Ezequiel 8:13

Niyan ginsiring ako han Ginoo, “Hikikit-an mo hira nga magbubuhat hin labaw pa ngani hito hin kamakapupungot nga mga butang.”

Daniel 11:27

Niyan magsasaro an duha nga mga hadi dida hin usa nga lamesa, kundi magraot an ira mga tuyo ngan maggigipabuwabuwa hira. Diri nira maaangkon an ira karuyag, kay waray pa umabot an panahon para hini.

Levitico 19:11

“Ayaw kamo pangawat o panlimbong o pagbuwa.

Marcos 8:38

Sanglit an tawo nga maawod ha akon ngan han akon pagturon-an dida hini nga makasasala nga kalibutan ikakaawod man han Anak han Tawo kon kumanhi na hiya ha kagamhanan han Amay niya, kaupod an iya baraan nga mga anghel.”

Juan 17:3

Ngan amo ini an dayon nga kinabuhi; nga kumilala ha imo an mga tawo, nga ikaw la an matuod nga Dyos, ngan kumilala kan Jesu-Cristo nga imo ginsugo.

Mga Buhat 24:9

An mga Judiyo inmabuyon liwat ha ira, ngan nagsiring nga matuod ini ngatanan.

Mga Taga-Roma 1:16

Diri ko ikinaawod an Maupay nga Sumat; amo ini an gahom han Dyos hin pagtalwas han ngatanan nga may pagtoo, syahan ngadto han mga Judiyo ngan ngadto man liwat han mga Hentil.

Mga Taga-Roma 1:28

Tungod nga nadiri an mga tawo hin pagkilala han matuod nga Dyos, ginpabay-an na la hira ha ira magngil-ad nga mga panhunahuna ngan han diri angay nga ira ginawian.

Mga Taga-Roma 3:13

Sugad hin binuksan nga lubnganan an ira mga baba; ginagamit nira an ira mga dila hin paglimbong, ngan an lara hin halas natikang han ira mga im-im;

1 Mga Taga-Corinto 15:34

Balik na ha maupay niyo nga panmurubuot, ngan ayaw na kamo pagpinakasala. Ginyayakan ko ini basi mahikaawod kamo: an iba ha iyo diri pa nakilala han Dyos.

Mga Taga-Filipos 1:28

Ayaw kamo kahadlok han iyo mga kaaway; dayuday magmadasigon kamo, ngan magpapakita ini ha ira nga ira an kapakyasan ngan iyo an pagdarag-an, kay an Dyos an nahatag han pagdarag-an!

2 Timoteo 3:13

kundi an magraot nga mga tawo magpapadayon hin paghingaraot, maglilimbong hira han iba, ngan kalilimbongan man liwat hira.

Judas 1:3

Hinigugma ko nga kasangkayan, gintatalinguha ko hin pagsurat ha iyo mahitungod han katalwasan nga aton ginkaarangbitan. Kundi kinahanglan nga hagilayon magsurat ako ha pagdasig ha iyo basi magpadayon kamo hin pakig-away para han pagtoo nga nakausa la ihatag han Dyos ngadto han mga tawo.

Ginpadayag 12:11

Nagdaog ha iya an aton kabugtoan pinaagi han dugo han Kordero, ngan pinaagi han kamatuoran nga iginpasangyaw nira; ngan andam hira hin paghalad han ira kinabuhi, ngan pagpakamatay.

Mga Maghurukom 14:17

Nagtinangis hiya sulod han pito ka adlaw han kombite. Kundi dida han ikapito ka adlaw ginsumatan hiya ni Samson han kahulogan han tirigohon, kay sinasamokan na ha iya hi Samson. Niyan ginsumatan niya an mga Filisteohanon.

Mga Maghurukom 2:10

Nagkamatay an bug-os niya nga katulinan. An sunod nga katulinan nahingalimot han Ginoo ngan han iya ginbuhat para han Israel.

1 Samuel 2:12

Mga bugoy an mga anak ni Eli. Waray nira pagtahod han Ginoo