Jeremias 9:2 - Samarenyo Meaning-Based Bible (1984)

² Maupay pa unta kon may dapit nga akon pag-uokyan didto han kamingawan, basi mahirayo ako han akon mga tawo. Kay diri magtinumanon hira ngatanan, ngan hugpo hira hin mga maglingo.

Jeremias 9:2 Iomraidhean Croise

Jeremias 23:10

Puno an tuna hin mga tawo nga maglingo han Ginoo; mga magraogdaog hira ngan nagpapasagad la hira han ira gahom. Tungod han panhimaraot han Ginoo, nagmamabidoon an tuna, ngan nagmara an mga panabsaban.

Oseas 4:2

Nagsasaad hira ngan diri nira gintutuman ini; nagbibinuwa hira, nanmamatay, nangangawat, ngan nanlilibog. Nagtitikadamo an mga pagtalapas ngan sunodsunod an panmatay.

Oseas 7:4

Maglingo ngan diri maunongon hira ngatanan. Naglalarab an ira kapungot sugad hin kalayo dida hin hudno, nga diri na kinahanglan nga dugangan pa an kapaso tubtob nga isulod an minasa hin pagluto.

Jeremias 12:6

Ginlingo ka ngani han imo kabugtoan nga kalalaken-an nga mga sakop han kalugaringon mo nga panimalay; naapi hira han mga pagpakaraot ha imo. Ayaw pagtapod ha ira, bisan kon maghihimangraw hira hin pakigsangkay ha imo.”

Jeremias 12:1

“Ginoo, kon makiglantugi ako ha imo hiunong han akon sumbong, diri ka magsasayop kay matadong ka. Kundi kinahanglan pakianhan ko ikaw mahitungod han katadongan. Kay ano nga mainuswagon man an magraot nga mga tawo? Kay ano nga naghihingaupay man an maglimbong nga mga tawo?

Santiago 4:4

Mga tawo nga waray pagtoo! Diri ba kamo maaram nga an pakigsangkay han kalibutan amo an pakig-away han Dyos? Magigin kaaway han Dyos an karuyag magin sangkay han kalibutan.

Malaquias 2:11

Ginsupak han mga tawo han Juda an ira saad sa Dyos ngan ginbuhat nira in makangingirhat nga butang didto ha Jerusalem ngan ha bug-os nga nasod. Ginhugawan nira an Templo nga hinihigugma han Ginoo. Nangasawa an kalalaken-an hin kababayen-an nga nagsisingba hin langyaw nga kadiyosan.

Sofonias 3:4

Diri kasasarigan ngan maglingo an iya mga manaragna; ginhuhugawan han kapadian an butang nga baraan, ngan ginlulubag an balaod han Dyos para la han ira kalugaringon nga kaupayan.

Oseas 6:7

“Kundi han pagsulod gud la nira han tuna didto ha Adan, ginsupak nira an ginsaaran nga akon ginhimo ha ira.

Oseas 5:7

Ginlingo nira an Ginoo; diri sakop niya an ira mga anak. Sanglit yana ha diri maiha pagpupukanon hira ngan an ira mga tuna.

Jeremias 5:11

Ginlingo na gud ako han mga tawo han Israel ug Juda, Ako nga Ginoo an nagyakan.”

Jeremias 13:22

Kon pumakiana ka kon kay ano nga nahinabo ha imo ini ngatanan—kay ano nga ginriksi an imo panapton ngan ginlugos ka—tungod ini kay makalilisang gud an imo sala.

Miqueas 6:12

Nasingabot han mga pobre an iyo mga riko, ngan mga buwaon kamo ngatanan.

Malaquias 2:14

Napakiana kamo kay ano nga diri na niya kinakarawat ini. Tungod ini nga maaram hiya nga naglingo ka han imo asawa nga imo pinangasawa han batan-on ka pa. Kapadis mo hiya hadto, ngan ginsupak mo an imo saad ha iya, bisan kon iginsaad mo ha atubangan han Dyos nga magmamatinumanon ka ha iya.

Mga Maghurukom 2:10

Nagkamatay an bug-os niya nga katulinan. An sunod nga katulinan nahingalimot han Ginoo ngan han iya ginbuhat para han Israel.

Isaias 59:3

Mga salaan kamo hin pagbinuwa, panlupig, ngan pagpatay.

Jeremias 4:22

Nasiring an Ginoo, “Lurong na an akon mga tawo; diri hira nakilala ha akon. Sugad hira hin lurong nga kabataan; waray nira sarabotan. Nahibaro hira hin pagbuhat han maraot, kundi mga bulok hira hin pagbuhat han matadong.”

Jeremias 5:1

Mga tawo han Jerusalem, sudoya an iyo kakalsadahan! Paniplat ha ngatanan nga dapit! Kamo ngahaw an kita! Usisaha niyo an mga taboan! Makakaagi ba kamo hin usa ka tawo nga nagbubuhat hin matadong, ngan nagtatalinguha hin diri paglingo han Dyos? Kon makaagi kamo, pasasayloon han Ginoo an Jerusalem.

Jeremias 5:2

Bisan kon nasiring kamo nga nagsisingba kamo han Ginoo, diri matuod an iyo ginyayakan.