Jeremias 26:2 - Samarenyo Meaning-Based Bible (1984)

² nagsiring ha akon an Ginoo, “Tindog ikaw didto han bungsaran han Templo ngan igsangyaw an ngatanan nga akon iginsugo ha imo hin pagsiring ngadto han mga tawo nga nagkakaabot hin pagsingba didto, tikang han mga bungto han Juda. Ayaw gud hilikati in bisan ano.

Jeremias 26:2 Iomraidhean Croise

Jeremias 1:17

Pag-andam, Jeremias; kadtoa ngan pagsumati hira han ngatanan nga ipinapagsumat ko ha imo. Ayaw kahadlok ha ira yana, kay kon diri, ikaw lugod an akon paghahadlokon kon kaupod ka na nira.

Jeremias 1:7

Kundi nagsiring ha akon an Ginoo, “Ayaw pagsiring nga batan-on ka pa kaupay, kundi pakadto han mga tawo nga akon padadad-an ha imo, ngan sumati hira han ngatanan nga akon igsusugo ha imo hin pagyakan.

Jeremias 19:14

Niyan binayaan ko an Topet nga ginpakadtoan ha akon han Ginoo hin pagsangyaw han iya mensahe. Kinmadto ngan tinmindog ako didto han bungsaran han Templo ngan ginsumatan ko an ngatanan nga mga tawo

Jeremias 23:28

An manaragna nga nag-inop angay unta sumiring nga inop la ini; kundi an manaragna nga nakabati han akon mensahe, kinahanglan magsangyaw nga matinumanon hito nga mensahe. Ano an kaupayan hin uhot kon itatanding ini han trigo?

Jeremias 25:2

Nagsiring ako ngadto han ngatanan nga mga tawo han Juda ug Jerusalem,

Jeremias 28:5

Niyan ha atubangan han kapadian ngan han mga tawo ngatanan nga nagkakatukdaw didto han Templo, ginsiring ko hi Ananias:

Jeremias 36:10

Niyan, samtang namamati an ngatanan nga mga tawo, ginbasa ni Baruc dida han linikid nga basahan an ngatanan nga akon iginsiring. Ginbasa ini niya didto ha Templo, didto han kwarto ni Gemarias nga anak ni Safan, nga sekretaryo han palasyo. Nakadto an iya kwarto ha uruigbaw nga bungsaran nga hirani han aragian han Bag-o nga Ganghaan han Templo.

Jeremias 42:4

Binmaton ako, “Maupay man. Mag-aampo ako ngadto han Ginoo nga aton Dyos sumala han iyo hangyo, ngan igsusumat ko ha iyo an bisan ano nga iya igsiring. Diri ako maglilirong ha iyo hin bisan ano.”

Jeremias 7:27

“Sanglit, Jeremias, ighihimangraw mo ini ngatanan nga mga pulong ngadto han akon mga tawo, kundi diri hira mamamati ha imo; tatawagon mo hira, kundi diri hira mabaton.

Ezequiel 3:10

Nagpadayon an Dyos hin pagsiring, “Anak hin tawo, pamati hin maupay ngan hinumdomi an ngatanan nga akon igsisiring ha imo.

Ezequiel 33:7

“Yana, anak hin tawo, ginhihimo ko ikaw nga magbarantay han nasod han Israel. Kinahanglan ihatag mo ha ira an mga pahimatngon nga akon ihinahatag ha imo.

Ezequiel 40:4

Nagsiring hiya ha akon, “Pagkita, anak hin tawo; Pamati hin maupay ngan tigamni hin maupay an ngatanan nga akon ipakikita ha imo, kay amo ini an hinungdan han pagdad-a ko ha imo nganhi. Pagsusumatan mo an mga tawo han Israel han ngatanan nga imo hikikit-an.”

Mateo 28:20

ngan tutdoi hira hin pagtuman han ngatanan nga akon iginsugo ha iyo. Ngan hinumdomi! Dayuday ako maupod ha iyo ha ngatanan nga katuigan tubtob ha katapos han kalibutan.”

Lucas 19:47

Nagtutdo hi Jesus ha Templo adlaw-adlaw. Karuyag nga patayon hiya han mga puno han kapadian, han mga magturutdo han Balaod, ngan han mga pangulo han mga tawo.

Juan 18:20

Nagbaton hi Jesus, “Dayuday dayag an akon pagyakan ha ngatanan. Ginbuhat ko an ngatanan nga pagtutdo didto ha mga sinagoga ngan ha Templo, diin napakadto didto an ngatanan nga mga Judiyo. Waray gud ako magyakan hin bisan ano nga diri dayag ha iyo.

Juan 8:2

Han pagkabuwas han temprano pa, binmalik hiya ha templo. Ginalirongan hiya han mga tawo, ngan linmingkod hiya ngan nagtikang hin pagtutdo ha ira.

Mga Buhat 20:20

Sayod man kamo nga waray ko iglirong ha iyo an bisan ano nga sadang makabulig ha iyo dida han akon pagwali ngan pagtutdo ha iyo ha gawas ngan ha sakob han iyo mga balay.

Mga Buhat 20:27

Kay waray ko igdiwara ha iyo an bug-os nga katuyoan han Dyos; waray ako gintago ha iyo.

Mga Buhat 5:25

Niyan inmabot in usa ka tawo nga nagsiring ha ira, “An mga tawo nga iyo ginpriso aadto na ha Templo nagtututdo han mga tawo!”

Mga Buhat 5:42

Ngan nagpadayon hira kada adlaw didto ha Templo ngan ha mga balay han mga tawo hin pagtutdo ngan pagwali han Maupay nga Sumat mahitungod kan Jesus nga Mesiyas.

Deuteronomio 12:32

“Pagbuhata niyo an ngatanan nga akon iginsugo ha iyo; ayaw niyo pagdugangi o pag-ibani ini nga mga sugo.

Deuteronomio 12:5

Tikang han katunaan han ngatanan niyo nga mga tribo magpipili an Ginoo han usa nga dapit nga kakadtoan han mga tawo ha iya atubangan hin pagsingba ha iya.

Deuteronomio 4:2

Ayaw niyo pagdugangi hin bisan ano an akon iginsugo ha iyo, ngan ayaw liwat pag-ibani. Pagtumana an mga sugo han Ginoo nga iyo Dyos, nga akon iginhatag ha iyo.

Josue 8:35

An tagsa nga kasugoan ni Moises ginbasa ni Josue ha bug-os nga katirok, diin upod an kababayen-an ug kabataan, sugad man an mga lumalangyaw nga nag-uokoy dida ha ira.

Ginpadayag 22:19

Kon may-ada mag-iban han panagna nga mga pulong hini nga basahan, kukuhaon liwat han Dyos ha iya an iya bahin han bunga han kahoy han kinabuhi, ngan han Baraan nga Syudad, nga iginsusumat dinhe hini nga basahan.