Jeremias 22:3 - Samarenyo Meaning-Based Bible (1984)

³ “Nagsusugo ako nga Ginoo nga pagbuhaton niyo an angay ngan matadong. Panalipdi an tawo nga ginlilimbongan hadton karuyag maglimbong ha iya. Ayaw niyo buhati hin maraot o pagraogdaoga an mga lumalangyaw, an mga ilo, o an mga balo nga kababayen-an; ngan ayaw kamo pagpatay hin mga tawo nga waray sala dinhe hini nga baraan nga dapit.

Jeremias 22:3 Iomraidhean Croise

Miqueas 6:8

Diri, ginsumatan kita han Ginoo kon ano an maupay. Amo ini an ginkikinahanglan niya ha aton: pagbuhat hin matadong, pagpakita hin dayuday nga paghigugma, ngan pag-ukoy ha mapinaubsanon nga pakigkausa han aton Dyos.

Jeremias 22:17

Kundi nakita ka la han imo halot nga mga tinguha; ginpapatay mo an mga waray sala, ngan ginraraogdaog mo an imo mga tawo. An Ginoo an nagyakan.

Santiago 1:27

Para han Dyos nga Amay, an putli ngan matuod nga tuloohan amo ini: an panimangno han mga ilo ngan mga balo nga babaye dida han ira mga kakurian, ngan an pagbantay nga diri madum-itan an iya kalugaringon han mga kahilayan han kalibutan.

Ezequiel 22:7

Waray na didto han syudad nagtatahod han iya mga kag-anak. Ginlilimbongan mo in mga lumalangyaw ngan nasingabot ka han mga balo nga kababayen-an ngan han mga ilo.

Malaquias 3:5

Nasiring an Ginoo nga Labi Kamakagarahum, “Mapakita ako dida ha iyo hin paghukom, ngan magpapamatuod ako dayon kontra hadton mga nagbubuhat hin diwata, kontra han mga parapanlibog, kontra hadton nagsasaksi hin buwa, hadton mga naglilimbong han suhol han ira mga magtratrabaho, ngan hadton mga nasingabot han mga balo nga kababayen-an, mga ilo, ngan mga lumalangyaw—kontra han ngatanan nga diri nagtatahod ha akon.

Joel 3:19

“Mahihimo nga kamingawan an Ehipto, ngan sugad man an Edumea. Kay ginsulong nira an tuna han Juda ngan pinanmatay an waray sala nga iya mga tawo.

Jeremias 9:24

Kon may-ada tawo nga karuyag pumarayaw, kinahanglan pumarayaw hiya nga nakilala ngan nakakasabot hiya ha akon, kay dayuday an akon paghigugma, ngan binubuhat ko an maupay ngan matadong. Amo ini nga mga butang an nakakalipay ha akon. Ako nga Ginoo an nagyakan.”

Jeremias 5:28

ngan magtambok ngan dayuday mga busog hira. Waray katubtoban an ira magraot nga mga binuhatan. Diri nira tinatagan an mga ilo han ira mga katungod o waray nira pag-ugop han katadongan han mga ginraraogdaog.

Isaias 1:23

Mga magsinupilon an imo mga pangulo ngan kasangkayan hira hin mga kawatan; dayuday nakarawat hira hin mga regalo ngan mga hukip. Diri gud nira pinananalipdan an mga ilo didto ha hukmanan, o pinamamatian an mga balo nga kababayen-an kon magsusumbong hira didto ha hukmanan.

Mga Darahonon 23:10

Ayaw gud pagbalhina an kadaan nga pag-ultan o pag-agawa an tuna nga gintatag-iya hin mga ilo.

Mga Salmo 68:5

Ikaw an Dyos nga amo an nagpupuyo, adton hadton imo baraan nga templo, amay nga napaid hadton mga ilo, ngan nananalipod hadton mga balo.

2 Hadi 24:4

ngan labi na gud tungod han ngatanan nga pinamatay niya nga waray sala nga mga tawo. Tungod hito waray makapasaylo kan Manases an Ginoo.

Deuteronomio 24:7

“Kinahanglan patayon an bisan hin-o nga magpirit hin pagdara hin igkasi Israelita ngan paghimoon hiya nga iya oripon o igbaligya hiya ngadto hin pagkaoripon. Ha sugad hini nga paagi makukuha niyo ini nga karat-an ha iyo bungto.

Jeremias 26:16

Niyan nagsiring an mga pangulo ngan an mga tawo ngadto han kapadian ngan han mga manaragna, “Naghimangraw ha aton ini nga tawo ha ngaran han Ginoo nga aton Dyos; diri hiya angay pagpatayon.”

Mga Salmo 94:21

nga nagsasarabot kontra han magtadong, ngan ginsisirotan hira'n kamatayon.

Mga Salmo 94:6

Ginpapatay nira mga ilo, balo, ngan mga langyaw nga dinhe pagpupuyo.

An Basahan ni Job 24:9

Gin-ooripon hin magraot nga mga tawo in mga minasus-an nga waray mga amay, ngan kinukuha nira an mga anak han kablas nga tawo sugad nga bayad hin mga utang.

An Basahan ni Job 22:9

Diri la nga dinmiri ka hin pagbulig hin mga balo nga kababayen-an, kundi imo liwat gintikasan ngan ginraogdaog in mga ilo.

2 Samuel 23:3

Naghimangraw an Dyos han Israel; nagsiring ha akon an mananalipod han Israel: “An hadi nga naghahadi hin matadong, nga naghahadi hin matinahoron han Dyos,

Deuteronomio 27:19

“‘Higagabaan han Dyos an bisan hin-o nga magpugong han mga katungod han mga lumalangyaw, mga ilo, ngan mga balo nga kababayen-an.’ “Ngan an ngatanan nga mga tawo mabaton, ‘Amen!’

Deuteronomio 25:1

“Pananglit kumadto ha hukmanan in duha nga mga Israelita hin pagtuhay hin kalipongan, ngan igpahayag nga waray sala an usa ngan salaan an ikaduha.

Deuteronomio 10:18

Gintatalingoha niya nga katagan hin katadongan an mga ilo ngan mga balo nga kababayen-an. Nahigugma hiya han mga lumalangyaw nga nag-uokoy tampo han aton mga tawo, ngan nahatag hiya ha ira hin pagkaon ngan mga panapton.

Levitico 19:15

“Pagtangkod ngan pagmatadong kamo kon nagtutuhay kamo hin mga sumbong; ayaw kamo pagpakita nga nagapil kamo han mga kablas o nga nahadlok han mga riko.

Miqueas 3:11

Naghahadi an mga punoan han syudad tungod hin mga hukip, ginhuhubad han kapadian an Balaod tungod hin bayad, nananagna an mga manaragna tungod hin kwarta—ngan nasiring hira ngatanan nga aada ha ira an Ginoo. Nasiring hira, “Waray karat-an nga maabot ha amon; aadi ha amon an Ginoo.”

Exodo 22:22

Ayaw niyo pagraogdaoga an bisan hin-o nga balo nga babaye o ilo.

Mateo 23:23

“Kamakaharadlok para ha iyo, mga magturutdo han Balaod ngan mga Parisiyo! Mga salingkapaw! Ihinahatag niyo sa Dyos an ikanapulo nga bahin bisan han mga panakot, sugad han herbabuyna, han anis ngan han kanila, kundi ginpapabay-an niyo an labaw pa ka importante nga mga pagturon-an han Balaod, sugad han katadongan, pagkalooy ngan pagkatangkod. Angay niyo pagbuhata ini ngan diri pagpasibay-an an iba.

Exodo 22:21

“Ayaw niyo pagtalimpigosa o pagraogdaoga in lumalangyaw; panumdom nga mga lumalangyaw kamo hadto anay didto ha Ehipto.

Isaias 58:6

“Amo ini an paagi hin pagpuasa nga akon karuyag: Tangtanga niyo an mga kadena hin pagtalumpigos ngan an yugo hin diri pagkamatadong, ngan buhii an mga gintatalumpigos.

Isaias 58:7

Bahini han iyo pagkaon an mga ginugutom ngan pasak-a ha iyo mga balay an mga pobre nga waray mga urokyan. Tagi hin panapton adton waray iginbabado, ngan ayaw pagbaribad hin pagbulig han iyo kalugaringon nga kauropdan.

Jeremias 7:23

Kundi nagsugo ako ha ira nga magsugot ha akon, basi magin Dyos ako nira ngan magin mga tawo nakon hira. Ngan gintugon ko hira nga mag-ukoy hira hin kinabuhi sumala han akon iginsugo ha ira, basi maghingaupay hira.

Jeremias 19:4

Pagbubuhaton ko ini kay ginbayaan na ako han mga tawo ngan ginhugawan nira ini nga dapit pinaagi hin paghalad dinhe hin mga halad nga tinubod ngadto hin iba nga kadiyosan—kadiyosan nga waray gud hikilal-i nira, o han ira kaapoy-apoyan, o han kahadian han Juda. Ginluob nira ini nga dapit han dugo hin mga tawo nga waray sala,

Pagnguyngoy 3:36

Maaram hiya kon ginlulubag an katadongan didto han mga hukmanan.

Ezequiel 18:12

Naglilimbong hiya han mga pobre, naninikas hiya, diri niya inuuli an mga iginprinda ha iya hin usa nga nautang o nahuram. Napakadto hiya han pagano nga mga siringbahan ngan nagsisingba han makapupungot nga mga diyosdiyos,

Ezequiel 45:9

Nagsiring an Ginoo nga Dyos, “Maiha na hin duro an pagpinakasala niyo nga mga punoan han Israel! Hunonga na an iyo panlupig ngan panraogdaog. Buhata an maupay ngan matadong. Kinahanglan diri na gud niyo pagpaiwason an akon mga tawo tikang han ira tuna. Ako nga Ginoo nga Dyos an nagyayakan hini ha iyo.

Amos 5:24

Paawasa lugod niyo an katadongan sugad hin sapa ngan an pagkamatadong sugad hin salog nga diri gud nagmamara.

Deuteronomio 24:17

“Ayaw niyo pagkuhai han ira mga katungod an mga lumalangyaw ngan mga ilo; ngan ayaw pagkuhaa nga garantiya hin utang an bado hin balo nga babaye.

Mga Salmo 82:4

An mga pobre, makalolooy, tabangan mo, bawia ha gahom han magraot nga tawo.

Ezequiel 18:7

Diri hiya nanlilimbong o naninikas hin bisan hin-o. Inuuli niya an iginprenda hin usa nga nautang o nahuram; pinapakaon niya an mga ginugutom ngan binabadoan niya an mga hubo.

Amos 5:15

Pagdumti an maraot, higugmaa an maupay, ngan parig-ona an katadongan didto han mga hukmanan. Bangin malooy an Ginoo ha mga tawo hini nga nasod nga nanhisalin pa nga buhi.