Jeremias 21:2 - Samarenyo Meaning-Based Bible (1984)

² “Pakighimangraw gad han Ginoo tungod ha amon, kay ginsusulong an syudad nira Hadi Nabucodonosor han Babilonia ngan han iya kasondalohan. Manggad pa pagbuhaton para ha amon han Ginoo in usa han iya mga milagro ngan piriton hin pag-isol hi Nabucodonosor.”

Jeremias 21:2 Iomraidhean Croise

Jeremias 37:3

Ginsugo ni Hadi Sedequias hi Jehukal nga anak ni Selemias ngan an padi nga hi Sofonias nga anak ni Maasias, nga hangyoon ako hin pag-ampo ngadto han Ginoo nga amon Dyos tungod han kaupayan han amon nasod.

Jeremias 37:7

nga sidngon hi Sedequias, “Tikanhi an Ehiptohanon nga kasondalohan hin pagbulig ha imo, kundi mangunguli hira.

1 Samuel 28:15

Nagsiring hi Samuel kan Saul, “Kay ano nga ginsamok mo ako? Kay ano nga ginpabalik mo ako?” Binmaton hi Saul, “Nasasamok ako hin duro! Nakikig-away ha akon an mga Filisteohanon ngan ginbayaan na ako han Dyos. Diri na hiya nabaton ha akon bisan pinaagi hin mga manaragna o hin mga inop. Sanglit gintawag ko ikaw, basi sumatan mo ako kon ano an sadang ko pagbuhaton.”

1 Samuel 28:6

sanglit nagpakiana hiya han Ginoo kon ano an iya pagbubuhaton. Kundi waray gud pamatii hiya han Ginoo, bisan pinaagi hin mga inop, o hin paggamit hin Urim ug Tumim, o hin mga manaragna.

Jeremias 32:24

“Gintindog han mga taga-Babilonia in mga higtaas nga tagaytay palibot han syudad nga gagamiton nira hin pagsulong ngan pagbihag hini. Tungod han araway, gutom, ug sakit nakuha nira an syudad. Hinkikit-an mo nga natuman na an ngatanan nga imo iginsiring.

Jeremias 32:17

“O Ginoo nga Dyos, ginhimo mo an tuna ngan an langit pinaagi han imo dako nga gahom ug kusog; waray gud bisan ano nga makuri hin duro para ha imo.

2 Cronicas 32:21

Nagsugo an Ginoo hin anghel hin pagpatay han mga sondalo ngan mga opisyal han kasondalohan nga Asiriahanon. Sanglit binmalik ha Asiria an emperador nga puno hin kaalo. Usa ka adlaw han nakadto hiya ha templo han iya diyos, ginpatay hiya hin pira han iya mga anak nga kalalaken-an pinaagi han ira mga espada.

2 Hadi 1:3

Kundi nagsugo kan Elias nga manaragna nga taga-Tisbe in anghel han Ginoo hin pagkadto ngan pagtapo han mga sinugo ni Hadi Ahasias ngan pagpakiana ha ira, “Kay ano nga napakadto kamo hin pagpakiana kan Baalsebub nga diyos han Ekron? Tungod ba nga naghuhunahuna kamo nga waray na Dyos ha Israel?

1 Samuel 10:22

nagpakiana hira han Ginoo, “May-ada pa ba iba?” Binmaton an Ginoo, “Aadto hi Saul, natago ha luyo han mga pinutos.”

Mga Maghurukom 20:27

Nakadto ha Betel an Kahon han Ginsaaran han Dyos hadto nga mga adlaw ngan hi Pinehas nga anak ni Eleazar ngan apo ni Aaron amo an tinaporan hini. Ginpakianhan han mga tawo an Ginoo, “Magawas pa ba kami hin pakig-away han amon kabugtoan nga Benjaminhon, o maundang ba kami?” Binmaton an Ginoo, “Pakig-away kamo. Buwas padadag-on ko na kamo kontra ha ira.”

Genesis 10:10

Ha tinikangan sakop niya an ginhadian han Babilon, Erec, ug Accad; sakop ini nga tulo han Babilonia.

Exodo 9:28

Pag-ampo han Ginoo; uraura na ini nga dalugdog ngan mga bato nga yelo! Nagsasaad ako hin pagpalakat ha iyo; diri na kinahanglan nga maglangan pa kamo.”

2 Hadi 17:24

Nagdara an emperador han Asiria hin mga tawo tikang han mga syudad han Babilonia, Cuta, Aba, Hamat, ug Sefarbaim, ngan iginpahimutang hira ha mga syudad han Samaria, liwan han ginbihag nga mga Israelita. Gintag-iya nira ini nga mga syudad ngan nag-ukoy hira didto.

Isaias 48:2

Kundi naparayaw kamo hin pagsiring nga mga tuminungnong kamo han baraan nga syudad, ngan natapod kamo han Dyos han Israel, kanay ngaran amo an Ginoo nga Labi Kamakagarahum.

Jeremias 15:11

Matuman unta, O Ginoo, an ngatanan nira nga mga panhimaraot kon waray ako mag-alagad ha imo hin maupay, kon waray ako makimalooy ha imo para han akon mga kaaway han nagkukuri ngan naghihimasakit hira. (

Jeremias 21:3

Niyan naghimangraw ha akon an Ginoo ngan gintugon ko an mga tawo nga ginpakanhi ha akon

Jeremias 37:17

Paglabay hin panahon ginpakuha ako ni Hadi Sedequias, ngan didto ha palasyo, ginhilit ako niya hin pagpakiana, “May-ada ba mensahe tikang han Ginoo?” “May-ada,” binmaton ako, ngan nagsiring pa ako, “Igtutubyan ka ngadto han hadi han Babilonia.”

Ezequiel 7:26

Magsusunodsunod an karat-an ngan mag-aabot-abot in magraot nga mga sumat. Paghahangyoon niyo an mga manaragna hin pagpadayag han ira hinkikit-an dida hin mga panan-awon. Mawawaray na an kapadian iturutdo han mga tawo, ngan mawawaray na isaragdon an mga tigurang.

Jeremias 34:1

Naghimangraw ha akon an Ginoo han ginsusulong an Jerusalem ngan an higrani hini nga mga bungto ni Hadi Nabucodonosor han Babilonia ngan han iya kasondalohan, nga binuligan hin mga sondalo han ngatanan nga mga nasod ngan mga katawhan nga sakop niya.