Jeremias 2:3 - Samarenyo Meaning-Based Bible (1984)

³ Israel, ako gud la an nagtag-iya ha imo; ikaw an akon baraan nga hiagi. Akon ginpadad-an hin pag-antos ngan kakurian an ngatanan nga nagraogdaog ha imo. Ako nga Ginoo an nagyakan.”

Jeremias 2:3 Iomraidhean Croise

Exodo 22:29

“Ighatag niyo ha akon an mga halad tikang han iyo trigo, han iyo bino, ngan han iyo lana hin olibo kon panahon na hin paghalad hini. “Ighatag ha akon an iyo suhag nga kalalaken-an.

Exodo 23:16

“Sauroga niyo an Pyesta han Pag-ani kon magtikang na kamo hin pag-ani han iyo mga abot. “Sauroga niyo an Pyesta han mga Payagpayag dida han tikatarapos na an katsirak kon manguha na kamo han mga bunga han iyo mga urubasan ngan mga tanom nga igos ug olibo ngan iyo na hiposon ha kamalig.

Isaias 41:11

“Adton mga nasisina ha iyo, mahibabaro han kaarawdan han pagkapirde. Magkakamatay adton mga nakikig-away ha iyo;

Isaias 47:6

Nasina ako han akon mga tawo; gindumara ko hira sugad hin akon na hira ginsalikway: Igintubyan ko hira ha imo gahom, ngan waray mo hira kalooyi; ginpakurian mo bisan an mga tigurang.

Jeremias 12:14

Nasiring an Ginoo, “May-ada ako igyayakan mahitungod han mga kahigrani han Israel nga nagbungkag han tuna nga akon iginhatag ngadto han akon nasod nga Israel. Paiiwason ko tikang han ira mga nasod ito nga magraot nga mga tawo sugad hin gin-abot nga tanom, ngan tatalwason ko an Juda tikang ha ira.

Jeremias 2:4

Pamati han mensahe han Ginoo, kamo nga mga tulin ni Jacob, kamo nga mga tribo han Israel.

Jeremias 30:16

Kundi yana, lalamonon an ngatanan nga naglamon ha iyo, ngan mabibihag an ngatanan niyo mga kaaway. Pagraraogdaogon an ngatanan nga nagraraogdaog ha iyo, ngan paninikasan an ngatanan nga nanikas ha iyo.

Jeremias 50:7

Sinusulong hira han ngatanan nga nakakaagi ha ira. Nasiring an ira mga kaaway, ‘Nakasala hira han Ginoo, sanglit diri sayop an amon ginbuhat ha ira. Sinmarig han Ginoo an ira kaapoy-apoyan, sanglit angay unta magpabilin hira nga matinumanon ha iya.’

Joel 1:3

Sumati hini an iyo mga anak; susumatan nira an ira mga anak nga magsusumat liwat han nasunod ha ira nga katulinan.

Amos 6:1

Hin kamakaharadlok para ha iyo nga an kinabuhi himyang didto ha Sion, ngan para ha iyo nga waray kahadlok ug kakulba an pag-ukoy didto ha Samaria—kamo nga mga dumagko hini nga gamhanan nga nasod nga Israel, kamo nga dinadangpan han mga tawo hin pakibulig.

Habacuc 1:11

Niyan nalabay hira sugad hin hangin ngan diri na hinkikit-an ini nga mga tawo kanay gahom amo an ira diyos.”

Zacarias 1:15

ngan nasisina gud ako han mga nasod nga nagpapahimulos hin kalinaw ngan kamurayaw. Kay samtang ginpupugngan ko an akon kasina kontra han akon mga tawo, gindugangan pa gud hini nga mga nasod an mga pag-antos han akon mga tawo.

Zacarias 2:8

Adton maghilabot ha iyo, maghihilabot liwat han akon labi kahinigugma.” Sanglit ginsugo ako han Ginoo nga Labi Kamakagarahum dara ini nga mensahe para han mga nasod nga nanikas han iya mga tawo:

Numero 18:12

“Ihahatag ko ha imo an gimamaupayi han syahan nga mga abot nga ihahatag ha akon han mga Israelita ha kada tuig: lana hin olibo, bino, ug trigo.

Mga Taga-Roma 11:16

Kon ihinahatag ngadto sa Dyos an syahan nga pinit han tinapay, iya liwat an bug-os nga tinapay; ngan kon ihinahalad ngadto sa Dyos an mga gamot hin kahoy, iya liwat an mga sanga.

Mga Taga-Roma 16:5

Ipangumosta man liwat ako hadton mga magtinuohon nga nagkakatirok ha ira balay. Ipangumosta ako kan Epeneto, an akon hinigugma nga sangkay, nga amo an syahan nga nakabig para kan Cristo didto ha lalawigan han Asia.

Mga Taga-Efeso 1:4

Ginpili kita ngadaan han Dyos nga maiya kita dida kan Cristo, han waray pa paghimoa an kalibutan, basi mabaraan kita ngan mawaray sayop ha atubangan niya. Tungod han iya gugma,

Deuteronomio 14:2

Gintatag-iya na kamo han Ginoo nga iyo Dyos; ginpili kamo niya nga magin iya kalugaringon nga mga tawo tikang han ngatanan nga mga katawhan nga nag-uokoy ha tuna.

Deuteronomio 26:19

Hihimoon kamo niya nga larulabaw kay han ngatanan nga mga nasod nga iya ginhimo, ngan kinahanglan pagdayawon ngan pagpasidunggan niyo an iya ngaran. Magigin iya kamo kalugaringon nga mga tawo sumala han iya ginsaad.”

Deuteronomio 7:6

Buhata ini niyo kay ginpili na kamo nga iya han Ginoo nga iyo Dyos. Ginpili kamo niya nga iya kalugaringon nga linain nga mga tawo tikang han ngatanan nga mga tawo han tuna.

Santiago 1:18

Ginhimo kita niya ha iya kalugaringon nga kaburut-on, pinaagi han pulong han kamatuoran, basi magin labaw kita han ngatanan niya nga mga binuhat.

1 Pedro 2:9

Kundi kamo amo an pinili nga tulin, an kapadian han Hadi, an baraan nga nasod, an kalugaringon nga bungto han Dyos, nga ginpili hin pagsangyaw han orosahon nga mga buhat han Dyos nga nagtawag ha iyo tikang han kasisidman ngadto han iya kalugaringon nga makaaramdok nga kapawa.

Ginpadayag 14:4

Ini hira amo an kalalaken-an nga nagpabilin hin ka put-li, kay waray man hira makighilawas hin kababayen-an; mga uray hira. Nasunod hira han Kordero bisan diin hiya kakadto. Ha ngatanan nga katawhan, hira la an gintubos, ngan amo hira an syahan nga iginhalad ngadto han Dyos nga han Kordero.