Jeremias 1:2 - Samarenyo Meaning-Based Bible (1984)

² Naghimangraw an Ginoo kan Jeremias dida han ika-13 ka tuig nga pagkahadi han Juda ni Josias nga anak ni Amon,

Jeremias 1:2 Iomraidhean Croise

1 Hadi 13:2

Ha pagtuman han sugo han Ginoo, ginpanhimaraot han manaragna an altar: “O altar, altar, amo ini an siring han Ginoo: ‘Matatawo ha panimalay ni David in usa nga bata nga Josias an ngaran. Iya pangingihawon ha bawbaw nimo an kapadian nga nag-aalagad didto han pagano nga mga altar, nga naghahalad ha bawbaw nimo hin mga hayop nga tutuboron, ngan susunogon niya ha bawbaw nimo in mga tul-an hin mga tawo!’”

1 Hadi 13:20

Han natangka pa hira ha lamesa inmabot ngada han lagas nga manaragna an pulong, han Ginoo,

2 Hadi 21:18

Namatay hi Manases ngan iginlubong hiya didto han tanaman ni Usa nga tanaman han palasyo, ngan sinmaliwan ha iya hin pagkahadi hi Amon nga iya anak.

2 Hadi 21:24

Kundi ginpatay han mga tawo han Juda an mga nagpatay kan Amon, ngan ginhimo nira nga hadi hi Josias nga iya anak.

2 Hadi 22:3

Dida han ika-18 ka tuig nga pagkahadi ni Hadi Josias, ginsugo niya hin pagkadto ha Templo an sekretaryo nga hi Safan nga anak ni Asia ngan apo ni Mesulam, dara an sugo:

Jeremias 1:11

Nagpakiana ha akon an Ginoo, “Jeremias, ano an imo hinkikit-an.” Binmaton ako, “Usa nga sanga hin kahoy nga almendras.”

Jeremias 1:4

Nagsiring ha akon an Ginoo,

Jeremias 25:3

“Sulod hin 23 ka tuig, tikang pa han ika-13 ka tuig nga pagkahadi han Juda ni Josias nga anak ni Amon ngada gud hini nga adlaw, naghimangraw ha akon an Ginoo ngan waray gud ako umundang hin pagsumat ha iyo han iya iginsiring. Kundi waray gud kamo pamati.

Jeremias 28:12

Waray pag-iha katapos hini, ginsugo ako han Ginoo

Jeremias 3:6

Han hadi pa hi Josias, nagsiring ha akon an Ginoo, “Hinkit-an mo ba an ginbuhat han Israel, ito nga babaye nga diri matinumanon? Binayaan ako niya ngan nanggawi hiya sugad hin usa nga mahugaw nga babaye dida han kada hitaas nga pungtod ngan ha sirong han kada marampag nga kahoy.

Jeremias 36:2

“Kuha hin usa nga linikid nga basahan ngan igsurat dida hini an ngatanan nga iginsumat ko ha imo mahitungod han Israel ug Juda, ngan han ngatanan nga mga nasod. Igsurat an ngatanan nga iginsumat ko ha imo tikang han syahan nga paghimangraw ko ha imo, han hadi pa hi Josias, ngada yana.

Oseas 1:1

Amo ini an mensahe nga iginhatag han Ginoo kan Oseas nga anak ni Beeri, han panahon nga mga hadi han Juda hira Oseas, Jotam, Acas, ug Ezequias, ngan hadi han Israel hi Jeroboam nga anak ni Joas.

Joel 1:1

Amo ini an mensahe han Ginoo ngadto kan Joel nga anak ni Petuel.

Jonas 1:1

Usa ka adlaw naghimangraw an Ginoo kan Jonas nga anak ni Amitai.

Miqueas 1:1

Ginhatag han Ginoo ini nga mensahe kan Miqueas nga taga-Moreset dida han panahon nga mga hadi han Juda hira Jotam, Acas, ug Ezequias. Ginpadayag han Ginoo kan Miqueas ini ngatanan nga mga butang mahitungod han Samaria ug Jerusalem.

Sofonias 1:1

Amo ini an mensahe nga ginhatag han Ginoo kan Sofonias dida han panahon nga hadi han Juda hi Josias nga anak ni Amon. (Tulin hi Sofonias ni Hadi Ezequias pinaagi kanda Amarias, Gedalias, ug Cusi.)