Genesis 9:3 - Samarenyo Meaning-Based Bible (1984)

³ Yana iyo na makakaon ini nga mga mananap sugad man an mga utanon; ihinahatag ko ini ngatanan para hin pagkaon niyo.

Genesis 9:3 Iomraidhean Croise

Genesis 9:2

Mahahadlok ha iyo an ngatanan nga kamanampan, katamsihan, ug kaisdaan. Itinutubyan ko ini ngatanan ha ubos han iyo gahom.

Levitico 22:8

Diri hiya makaon han karne han bisan ano nga mananap nga namatay ha iya kalugaringon o ginpatay hin ihalas nga kamanampan; makakahugaw ini ha iya. Hi ako an Ginoo.

Mga Taga-Roma 14:14

Tungod han akon pakig-usa han Ginoo nga Jesus, nasayod gud ako nga waray pagkaon nga mahugaw ha iya la ngahaw, kundi kon in usa ka tawo natoo nga mahugaw in usa nga pagkaon, nagmamahugaw ito para ha iya.

Mga Taga-Roma 14:17

Kay diri hiunong hin pagkaon ngan pag-inom an Ginhadian han Dyos, kundi hiunong hin pagkamatadong, kalinaw, ngan kalipay nga ihinahatag han Espiritu Santo.

Mga Taga-Roma 14:20

Ayaw pagbungkaga an ginbuhat han Dyos tungod la hin pagkaon. Mahihimo kaonon an ngatanan nga pagkaon, kundi sayop an pagkaon hin bisan ano nga magigin tinikangan hin pakasala han iba.

Mga Taga-Roma 14:3

An nakaon hin bisan ano diri magtamay hadton nakaon hin utan la; ngan adton nakaon hin utan la diri man maghukom hadton nakaon hin bisan ano, kay ginkarawat man hiya han Dyos.

1 Mga Taga-Corinto 10:23

Nasiring hira, “Tugot ha aton an pagbuhat hin bisan ano.” Matuod ito, kundi diri ngatanan maupay. “Tugot ha aton an pagbuhat hin bisan ano”—kundi diri ngatanan nakakabulig.

1 Mga Taga-Corinto 10:31

Sanglit bisan ano an pagbuhaton niyo, ma ha pagkaon o ha pag-inom, buhata ito ngatanan hin pagpasidungog han Dyos.

Deuteronomio 12:15

“Kundi tugot ha iya hin pag-ihaw ngan pagkaon han iyo mga hayop bisan diin kamo pag-ukoy. Makakahimo kamo hin pagkaon sugad han kadamo nga iginhahatag ha iyo han Ginoo. Makakahimo kamo ngatanan hin pagkaon, bisan malinis o mahugaw kamo sumala han seremonyas, sugad han pagkaon niyo han karne hin bugsok o hin oso.

Mga Taga-Colosas 2:16

Sanglit ayaw kamo tugot nga may maghimo hin mga turumanon mahitungod han iyo kakaonon o iimnon, o mahitungod han baraan nga mga adlaw, o han pyesta han bag-o nga pagsubang han bulan o han Adlaw nga Iparahuway.