Genesis 9:2 - Samarenyo Meaning-Based Bible (1984)

² Mahahadlok ha iyo an ngatanan nga kamanampan, katamsihan, ug kaisdaan. Itinutubyan ko ini ngatanan ha ubos han iyo gahom.

Genesis 9:2 Iomraidhean Croise

Genesis 1:21

Sanglit gintuha han Dyos an dagko nga kamanampan ha dagat, an magkalainlain nga mga binuhat nga nag-uokoy ha tubig, ngan an magkalainlain nga katamsihan. Ngan nalipay an Dyos han iya hinkit-an.

Genesis 1:26

Niyan nagsiring an Dyos, “Ngan yana paghihimoon ta an tawo; ha aton panagway ug ladawan hihimoon ta hiya. Maghahadi hiya han kaisdaan, katamsihan, ngan han ngatanan nga kamanampan, ihayop ngan ihalas, dagko ngan gudti!”

Genesis 1:28

ginbendisyonan hira ngan ginsiring, “Magkamay-ada kamo damo nga mga anak, basi mag-ukoy ha bug-os nga tuna an iyo mga tulin ngan paghadian nira ini. Iginbubutang ko kamo nga tinaporan han kaisdaan, han katamsihan, ngan han ngatanan nga ihalas nga kamanampan.

Genesis 2:19

Sanglit kinmuha hiya hin tuna ngan iya ginhimo an ngatanan nga kamanampan, ngan an ngatanan nga katamsihan, ngan gindara ini han Dyos ngadto han tawo basi pagngaranan niya ngatanan; sanglit amo ini an pagkamay-ada nira mga ngaran.

Genesis 35:5

Han pagkalakat na nira Jacob ngan han iya mga anak nga kalalaken-an, inalpan hin dako nga kahadlok an mga tawo han higrani nga mga bungto, ngan waray hira maglanat ha ira.

Genesis 9:1

Ginbendisyonan han Dyos hi Noe ngan an iya mga anak nga kalalaken-an ngan ginsiring niya, “Magdamo unta an iyo mga anak, basi makaluob an iyo mga tulin han bug-os nga tuna.

Genesis 9:3

Yana iyo na makakaon ini nga mga mananap sugad man an mga utanon; ihinahatag ko ini ngatanan para hin pagkaon niyo.

An Basahan ni Job 39:11

Makakatapod ka ba han iya kakusgan, basi buhaton niya an imo mabug-at nga trabaho?

Ezequiel 34:25

Maghihimo ako hin ginsaaran ha ira nga magpapasarig han ira kahimyangan. Pupuohon ko an ngatanan nga magpintas nga kamanampan dida han tuna, basi makag-ukoy an akon mga karnero hin waray kahadlok didto han kaumhan ngan makakaturog hira didto han mga kagurangan.

Oseas 2:18

Hito nga panahon maghihimo ako hin ginsaaran han ngatanan nga ihalas nga kamanampan ug katamsihan, basi diri na nira paglabtan an akon katawhan. Kukuhaon ko liwat tikang han tuna an ngatanan nga mga hinganiban hin away, an ngatanan nga mga espada ngan mga pana, ngan pauukyon ko an akon katawhan ha kalinaw ngan waray kataragman.

Levitico 26:22

Ipadadara ngada ha iyo in magpintas nga kamanampan, ngan pamamatayon hini an iyo mga anak, pupuohon an iyo kahayopan, ngan gutiay gud la an isasalin ha iyo nga waray na hikikit-an nga maglalakat dida han iyo mga dalan.

Levitico 26:6

“Tatagan ko kamo hin kalinaw didto han iyo tuna, ngan makakakaturog kamo hin waray niyo sadang kahadlokan. Pagpupuohon ko an magpintas nga kamanampan didto han tuna, ngan mawawaray na araway didto.

Santiago 3:7

Makakahimo an tawo hin pagpaanad ngan nakagpaanad na han ngatanan nga mga binuhat—ihalas nga mga mananap ngan mga tamsi, mga hayop nga nagkakamang ha tuna ngan mga isda.