Genesis 8:1 - Samarenyo Meaning-Based Bible (1984)

¹ Waray mahingalimot an Dyos kan Noe ngan han ngatanan nga kamanampan nga kaupod niya didto han arka. Ginpahuyop niya in usa nga hangin ngan nagtikang hin paghubas an tubig.

Genesis 8:1 Iomraidhean Croise

Genesis 19:29

Kundi han pagbungkaga han Dyos han mga syudad han kahamub-an nga gin-ukyan ni Lot, waray hingalimot an Dyos kan Abraham, ngan gintalwas niya hi Lot han makalilisang nga kataragman.

Genesis 30:22

Niyan nahinumdom an Dyos kan Raquel; binmaton niya an iya pag-ampo ngan ginhimo niya nga magkamay-ada hiya mga anak.

Genesis 9:10

ngan ha ngatanan nga buhi nga mga binuhat—ha ngatanan nga katamsihan ngan ngatanan nga kamanampan—ha ngatanan nga ginmawas tikang han arka upod ha iyo.

Nehemias 13:14

Hinumdomi, O Dyos ko, ini ngatanan nga mga butang nga akon ginbuhat para han imo Templo ngan han mga buruhaton bahin hin pagsingba hini.

Nehemias 13:22

Ginsugo ko an mga Levita nga maglinis ha ira ngahaw ngan pagbantayan nira an mga ganghaan ha pagkita nga paglihian gud an Adlaw nga Iparahuway. Hinumdomi liwat ako, O Dyos, tungod hini, ngan talwasa ako tungod han imo daku nga gugma.

Nehemias 13:29

Hinumdomi, O Dyos, kon gin-unan-o hito nga mga tawo hin paghugaw han katungdanan han pagkapadi ngan han ginsaaran nga ginhimo mo han kapadian ngan han mga Levita.

Nehemias 13:31

Gintuhay ko nga dad-on ha angay nga panahon an kahoy nga igsusungo hin pagtubod han mga halad, ngan dad-on han mga tawo an ira mga halad han syahan nga inani nga pugas ngan han syahan nga abot nga mga bunga. Hinumdomi ini ngatanan, O Dyos, ngan ipahinungod ini para han akon kaupayan.

An Basahan ni Job 12:15

Naabot an huraw kon ginbubut-an han Dyos nga diri umuran; naabot an mga baha kon binubuhian niya an tubig.

An Basahan ni Job 14:13

Karuyag ko unta nga tagoon mo ako didto han kalibutan han mga patay; patagoa ako tubtob han pagpapas han imo kasina, ngan unina pagtalaan hin panahon nga amo an imo paghinumdom ha akon.

Mga Salmo 105:42

baraan nga saad iya hinnumdoman nga't han surugoon n'ya nga hi Abraham.

Mga Salmo 106:4

Hinumdomi gad man ako, Ginoo, kon natabang ka han imo mga tawo; ha imo mga pagbulig sakopa gad ako, kon an imo katawhan gintatalwas nimo.

Mga Salmo 115:12

An Ginoo nahinunumdom ha aton, iya kita nga pagpapakaupayon.

Mga Salmo 132:1

Ayaw hingalimti hi David, Ginoo, sugad man han magkuri iya nahimo.

Mga Salmo 136:23

Waray gudman kita niya paglimota, kay padayon gud an iya paghigugma. Bisan dida han ginpirde na gud kita, kay padayon gud an iya paghigugma.

Mga Salmo 137:7

Hinumdomi, O Ginoo, kon ano an ginbuhat han mga Edomitanhon, ha adlaw han kabihag han Jerusalem. Hinumdomi kon gin-unan-o nira pagsiniring, “Bungkaga gud ito ngada ha tuna!”

Mga Salmo 29:10

Naghahadi an Ginoo ha kadayonan, hadi han higlarom nga mga katubigan;

Mga Salmo 36:6

An imo pagkamatadong nananawantawan sugad han kabukiran; an imo paghukom sugad han mga kahiladman han dagat. Mga tawo ug kamanampan aada han imo pagmangno.

Exodo 14:21

Gin-unat ni Moises an iya kamot ha igbaw han dagat ngan ginbuhag han Ginoo an dagat pinaagi hin makusog nga hangin nga kabunghan. Naghinangin ha bug-os nga gab-i ngan nagmara an salad han dagat. Nabuhag an tubig,

Exodo 15:10

Kundi usa la nga huyop tikang ha imo, O Ginoo, nagkalulumos an mga Ehiptohanon; linmunod hira sugad hin timga didto han masulog nga tubig.

Exodo 2:24

nga nakabati han ira mga pag-araba, ngan nahinumdom hiya han iya ginsaaran kanda Abraham, Isaac ug Jacob.

Mga Darahonon 25:23

An paglibak nagdadara hin kasina, sugad nga nagdadara hin uran an hangin nga amihan.

Isaias 44:27

Ginpamara ko an kalalawdan pinaagi hin usa ka pulong hin pagsugo.

Jeremias 50:38

Pagdad-i hin huraw an iya kaumhan ngan pahubsa an iya mga salog. An Babilonia amo an tuna hin magpakalilisang nga mga diyosdiyos nga nakapalurong han mga tawo.

Amos 8:7

Nagsumpa an Ginoo nga Dyos han Israel, “Diri ko gud hingangalimtan an magraot nira nga binuhatan.

Jonas 4:11

Sanglit labi na nga malolooy ako han Ninibe, ito nga bantogan nga syudad nga may-ada kapin 120,000 nga mga inosente nga kabataan ngan damo liwat nga kahayopan.”

Nahum 1:4

Sinusugo niya an dagat ngan nagmamara ini! Amo man liwat an mga salog. Nalalaya an kaumhan han Basan, nauuga an Bukid Carmelo, ngan nararapdag an mga bukad han Libano.

Habacuc 3:2

O Ginoo, hinbatian ko an imo ginbuhat, ngan nahahadlok gud ako. Buhata na liwat yana nga mga panahon an dagko nga mga binuhatan nga imo ginbuhat hadto. Kalooyi kami bisan kon nasisina ka.

Zacarias 10:11

Kon magkuri hira hin pagtalabok han ira dagat, ako nga Ginoo an maghahampak han mga balod, ngan magmamara an mga salad han Nilo. Ipapaubos ko an mapahitas-on nga Asiria, ngan mawawad-an han iya gahom an gamhanan nga Ehipto.

Numero 10:9

Kon makig-away kamo didto han iyo tuna, hin pagpanalipod ha iyo ngahaw kontra hin kaaway nga masulong ha iyo, patungga an mga trompeta para hin pakig-away. Ako nga Ginoo nga iyo Dyos an mabulig ha iyo ngan tatalwason ko kamo ha iyo mga kaaway.

Numero 22:32

Pinmakiana an anghel, “Kay ano nga ginlatob mo hin sugad hini an imo asno hin makatulo na? Kinmanhi ako hin pag-ulang han imo dalan, kay diri ka unta angay lumakat.

Ginpadayag 16:19

Nagkatulo ka bahin an kabuka han dako nga syudad nga nagun-ob an ngatanan nga mga syudad han ngatanan nga mga nasod. Nahinumdom an Dyos han dako nga Babilonia, ngan ginlugos niya hin pagpainom han bino tikang han iya irimnan—an bino han iya mabangis nga kapungot.

Ginpadayag 18:5

Kay maabot na ha langit an tambak han ira mga sala, ngan nahinunumdom an Dyos han iya magraot nga mga buhat.

1 Samuel 1:19

Han pagkabuwas han aga binmuhat hin temprano hi Elcana ngan an iya panimalay, ngan katapos nira magsingba han Ginoo, inmoli hira ngadto ha Rama. Nakighilawas hi Elcana kan Ana nga iya asawa, ngan pinamatian han Ginoo an pag-ampo ni Ana.