Genesis 7:4 - Samarenyo Meaning-Based Bible (1984)

⁴ Kahuman hin pito ka adlaw tikang yana, pauuranon ko hin waray hunong sulod hin 40 ka adlaw ug gab-i, basi mapuo an ngatanan nga buhi nga mga binuhat nga akon ginhimo.”

Genesis 7:4 Iomraidhean Croise

Genesis 2:5

waray pa mga tanom dida han tuna ngan waray pa naturok nga mga binhe, kay waray pa man hiya magpadara hin uran, ngan waray pa tawo nga nag-uuma han tuna.

Genesis 6:13

Nagsiring an Dyos kan Noe, “Karuyag ko na gud pagpuo han ngatanan nga mga tawo. Pagpupuohon ko hira, kay puno na an kalibutan han ira magraot nga mga binuhatan.

Genesis 6:17

Magpapadara ako hin lunop dinhe han tuna basi mapuo an ngatanan nga buhi nga mga binuhat. Magkakamatay an ngatanan dinhe ha tuna,

Genesis 6:3

Niyan nagsiring an Ginoo, “Diri ako matugot nga mabuhi hin kadayonan an mga tawo kay may-ada nira kamatayon. Tikang yana diri na hira mabubuhi kapin hin 120 ka tuig.”

Genesis 6:7

sanglit nakasiring hiya, “Pagpupuohon ko ini nga mga tawo nga akon gintuha, pati an kamanampan, ngan an katamsihan, kay nagbabasol ako nga ginhimo ko hira.”

Genesis 7:10

Paglabay hin pito ka adlaw, inmabot an lunop.

Genesis 7:12

ngan inmuranos ha tuna sulod hin 40 ka adlaw ug gab-i.

Genesis 7:17

Nagpadayon an lunop sulod hin kwarenta ka adlaw, ngan hinmilarom an tubig hin pagpalutaw han sakayan.

Genesis 7:3

Pagdara liwat hin pito ka padis han tagsa nga tamsi. Buhata ini basi mabuhi an tagsa nga mananap ug tamsi ngan diri hira mapuo dinhe han tuna.

Genesis 8:10

Naghulat hiya hin pito pa ka adlaw ngan ginpagawas na liwat an sarapati.

Genesis 8:12

Niyan naghulat hiya hin pito pa ka adlaw ngan ginpagawas na liwat niya an sarapati; hini nga takna, waray na ini bumalik.

Genesis 8:2

Ginsadhan an mga burabod han katubigan ha kahiladman han tuna ngan an mga ganghaan han uran didto ha langit. Inmukoy an uran,

An Basahan ni Job 22:16

Bisan han waray pa abot an ira panahon, gin-anod na hira hin baha.

An Basahan ni Job 28:25

Dida nga gintagan han Dyos hin gahom an hangin, dida nga ginlarang niya an kahiluag han dagat;

Mga Salmo 69:28

Mapara unta an ira mga ngaran tikang han basahon han mga buhi; diri unta hira mahiupod han lista han imo katawhan.

Jeremias 28:16

Sanglit nasiring an Ginoo ngahaw nga papatayon ka niya. Mapatay ka ha diri pa matatapos ini nga tuig, kay gin-aghat mo an mga tawo hin pagsupil han Ginoo.”

Amos 4:7

Ginpugngan ko hin pag-uran dida han pagkinahanglan niyo para han iyo mga tanom. Ginpauranan ko ha usa nga syudad, kundi waray didto ha lain nga syudad. Inuranan in usa nga uma, kundi nagmara in lain nga uma.

Ginpadayag 3:5

Adton makakapot han pagdarag-an magsusul-ot hin sugad hini nga busag nga bado ngan diri ko paparaon an ira mga ngaran didto han basahan han mga buhi. Ha atubangan han akon Amay ngan han iya mga anghel ipapasangyaw ko ha dayag nga hira akon mga sakop.